ད་ལོ་ཚུན་དུ། ཆུ་བེད་པུའུ་ཡིས་ས་གནས་ཁག་ལ་ཆུ་བོ་དང་མཚེའུ་ཡི་ཆུ་ཆུང་དུས་དང་ཨར་ལས་ཀྱི་ཤུགས་རྐྱེན་ཆུང་བའི་སྐར་ཁུང་དུས་རིམ་ལ་དམ་འཛིན་བྱ་རྒྱུར་མཛུབ་ཁྲིད་དང་སྐུལ་འདེད་བཏང་ནས་རྒྱལ་ཁབ་ཆུ་དྲ་ཡི་དྲ་འབྲེལ་དང་། དྲ་གསབ། བཟང་སྤེལ་བཅས་ལ་རྒྱུན་ཆད་མེད་པར་སྐུལ་འདེད་བཏང་བ་རེད།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས“ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བར། ཆུའི་ཐོན་ཁུངས་ཀྱི་གནད་དོན་ལ་བསམ་གཞིག་བྱེད་དགོས་པ”དང་། “ཆུ་བེད་རྨང་གཞིའི་སྒྲིག་བཀོད་དེང་རབས་ཅན་ལ་སྐུལ་འདེད་མགྱོགས་མྱུར་གཏོང་དགོས་པའི”ནན་བཤད་གནང་ཡོད།

རྒྱལ་ཡོངས“བསམ་ཇུས་གཅིག”ལ་བརྟེན་ནས་ཆུ་བེད་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་དང་རང་རྒྱལ་གྱི་ཆུའི་བདེ་འཇགས་འགན་ལེན་བྱེད་པའི་དམིགས་ཚད་གཞི་རྩར་བཟུང་སྟེ། “ལོ་ལྔ་ཚན་བཅུ་བཞི་པའི”རིང་ཆུ་བེད་འཛུགས་སྐྲུན་ལ་མ་དངུལ་སྒོར་དུང་ཕྱུར་ཁྲི་5.68བཏང་བ་དང་། 2022ལོ་ཚུན་དུ་ལོ་བཞི་བསྟུད་མར་ལོ་རེར་མ་དངུལ་སྒོར་དུང་ཕྱུར་ཁྲི་1ལྷག་ཙམ་བཏང་ཡོད། མིག་སྔའི་བར། རང་རྒྱལ་གྱིས་འཛམ་གླིང་ཐོག་གཞི་ཁྱོན་ཆེ་ཤོས་དང་། ནུས་པ་ཆ་ཚང་ཤོས། ཕན་པ་ཐོབ་པའི་མི་འབོར་མང་ཤོས་བཅས་ཀྱི་ཆུ་བེད་རྨང་གཞིའི་སྒྲིག་བཀོད་མ་ལག་བསྐྲུན་ཡོད་པ་རེད།

གཞི་ཁྱོན་ཆེ་ཤོས་ཡིན་པ་དང་། རྒྱལ་ཁབ་ཀྱི་ཆུ་དྲ་ཁེབས་ཚད་ཀྱིས་རྒྱལ་ཁབ་ཀྱི་ས་ཆའི་རྒྱ་ཁྱོན་གྱི་80.3%བཟུང་ཡོད། “ལོ་ལྔ་ཚན་བཅུ་བཞི་པའི”རིང་། ཆུ་བེད་ལས་གྲྭ་གལ་ཆེན་ཁག་181སྐྲུན་འགོ་ཚུགས་ཤིང་། ཞིང་ཆེན་དང་། གྲོང་ཁྱེར། རྫོང་རིམ་པ་བཅས་ཀྱི་ཆུ་དྲ་དང་རྒྱལ་ཁབ་ཆུ་དྲ་གོ་རིམ་ལྡན་པའི་ངང་འབྲེལ་མཐུད་ཐུབ་ནས། ཆུ་དྲའི“མཐའ་མའི་འགག་གནད”རྒྱུན་ཆད་མེད་པར་བསལ་ཡོད་པ་རེད།

ནུས་པ་ཆ་ཚང་ཤོས་ཡིན་པ་དང་། “ལོ་ལྔ་ཚན་བཅུ་བཞི་པའི”རིང་རང་རྒྱལ་གྱི་ཆུ་མཁོ་འདོན་བྱེད་ཚད་སྨི་རྒྱ་དཔངས་གྲུ་བཞི་དུང་ཕྱུར་318མང་དུ་ཕྱིན་ཡོད། ཞིང་ཆུ་འདྲེན་ཁུལ་ཆེ་འབྲིང་དེང་རབས་ཅན་འཛུགས་སྐྲུན་དང་སྒྱུར་བཀོད་ལ་མུ་མཐུད་སྐུལ་འདེད་བཏང་བས། རྒྱལ་ཡོངས་ཀྱི་རྨོ་ཞིང་གི་ཞིང་ཆུ་འདྲེན་ཁྱོན་མུའུ་དུང་ཕྱུར་10.9ལྷག་ཙམ་ཟིན་ཡོད། རྒྱལ་ཁབ་ཆུ་དྲས་ཡུག་འབྲེལ་གྲོང་ཚོགས་གལ་ཆེན་དང་། འབྲུ་རིགས་ཐོན་ཁུལ་གཙོ་བོ། གཙོ་གནད་སྐྱེ་ཁམས་བྱེད་ནུས་ཁུལ། ཆུ་འདྲེན་བགྲོད་ལམ་གལ་ཆེན་སོགས་ལ་ཆུའི་བདེ་འཇགས་འགན་ལེན་ནུས་ལྡན་བྱས་ཡོད་པ་རེད།

ཕན་པ་ཐོབ་པའི་མི་འབོར་མང་ཤོས་ཡིན་པ་དང་། རྒྱལ་ཡོངས་ཀྱི་གྲོང་གསེབ་ལ་རང་འབབ་ཆུ་ཀ་ལ་ཁྱབ་ཚད་96%ཟིན་ཡོད། གྲོང་ཁྱེར་དང་གྲོང་གསེབ་ཀྱི་ཆུ་མཁོ་འདོན་གཞི་གཅིག་ཅན་དང་། གཅིག་སྡུད་ཆུ་མཁོ་འདོན་གཞི་ཁྱོན་ཅན། ཆུ་མཁོ་འདོན་ཆུང་གྲས་ཚད་ལྡན་ཅན། རྫོང་ཁོངས་གཅིག་གྱུར་དོ་དམ་ཆེད་ལས་ཅན་བཅས་ཀྱི“3+1”ཚད་ལྡན་ཅན་འཛུགས་སྐྲུན་དང་དོ་དམ་སྲུང་སྐྱོང་གི་བྱ་ཐབས་ཕྱོགས་ཡོངས་ནས་ཁྱབ་གདལ་བཏང་བས། གཞི་ཁྱོན་ཅན་གྱི་ཆུ་མཁོ་འདོན་ལས་གྲྭ་གྲོང་གསེབ་མི་འབོར་ལ་ཁྱབ་པའི་བསྡུར་ཚད་དང་རྫོང་ཁོངས་གཅིག་གྱུར་དོ་དམ་གྱི་བསྡུར་ཚད་71%དང་72%སོ་སོར་ཟིན་ནས། ཐག་རིང་ས་ཁུལ་དེ་བས་མང་བར“བློ་བདེའི་ཆུ”འཐུང་རྒྱུ་བྱུང་ཡོད། སྒྲིག་སྦྱོར་སྙན་ཞུ་དང་། བཟོ་བཅོས་སྙན་ཞུ། གྲོན་དངུལ་སྐྱེལ་བ་སོགས་ཀྱི་ཞབས་ཞུ“དྲ་ཐོག་ཏུ་བསྒྲུབ་པ”དང་“རྩ་གཉིས་བཤེར་ནས་སྒྲུབ་ཐུབ་པར”བྱུང་སྟེ། འབྱུང་རྩ་ནས་ཀ་ལའི་ཆུ་སྒོའི་བར་གྱི་ཆུའི་སྤུས་ཚད་འགན་ལེན་མ་ལག་རིམ་བཞིན་འཐུས་སྒོ་ཚང་དུ་ཕྱིན་ཡོད་པ་རེད།

ཆུའི་བདེ་འཇགས་ནི་རྒྱལ་ཁབ་ཡུན་རིང་བདེ་འཁོད་དང་འབྲེལ་བ་ཡོད་པའི་དོན་ཆེན་ཞིག་ཡིན་ཞིང་། འཛམ་གླིང་ཐོག་གཞི་ཁྱོན་ཆེ་ཤོས་ཀྱི་ཆུ་བེད་རྨང་གཞིའི་སྒྲིག་བཀོད་མ་ལག་གིས་རྒྱལ་ནང་གི་འཁོར་རྒྱུག་ཆེན་པོ་ཤར་བགྲོད་དང་འཕེལ་རྒྱས་ཀྱི་རྣམ་པ་གསར་པ་གཏོད་པར་ནུས་པ་གལ་ཆེན་བཏོན་ཡོད་པ་རེད།

རྒྱལ་ཁབ་ཆུ་དྲ་ཡིས་ཆུའི་ཐོན་ཁུངས་བཀོད་སྒྲིག་ལེགས་སུ་བཏང་ནས་བཟོ་ལས་དང་ཞིང་ལས་ཐད་ཆུ་སྤྱོད་པར་འགན་ལེན་ནུས་ལྡན་བྱས་ཡོད། ཚོད་རྩིས་རགས་ཙམ་བརྒྱབ་པར་གཞིགས་ན། 2025ལོར་རང་རྒྱལ་གྱི་སྒོར་ཁྲིའི་རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་ལ་ཆུ་སྤྱོད་ཚད་དང་སྒོར་ཁྲིའི་བཟོ་ལས་འཕར་ཐང་ལ་ཆུ་སྤྱོད་ཚད“ལོ་ལྔ་ཚན་བཅུ་གསུམ་པའི་དུས་མཇུག་དང་བསྡུར་ན་20%དང་25%སོ་སོར་ཆག་ཡོད། རང་རྒྱལ་གྱི་དཔལ་འབྱོར་བསྡོམས་འབོར་བསྟུད་མར་སྐས་རིམ་གསར་པར་སླེབས་པ་དང་འབྲུ་རིགས་ལ་ལོ་ལྟར་ལོ་ལེགས་བྱུང་བའི་གནས་ཚུལ་འོག རྒྱལ་ཡོངས་ཀྱི་ལོ་རེའི་ཆུ་སྤྱོད་ཚད་སྨི་རྒྱ་དཔངས་གྲུ་བཞི་དུང་ཕྱུར་6100ཡི་ནང་ཚུན་དུ་ཚོད་འཛིན་ཐུབ་ཡོད་པ་རེད།

“ལོ་ལྔ་ཚན་བཅོ་ལྔ་པའི”འཆར་འགོད་ཀྱི་གྲོས་འགོའི་ནང“དེང་རབས་ཅན་གྱི་ཆུ་དྲ་མགྱོགས་མྱུར་སྐྲུན་དགོས”ཞེས་བཏོན་ཡོད། ཆུ་བེད་པུའུ་ཡིས་ཆུ་ལོག་གི་གནོད་འཚེ་སྔོན་འགོག་དང་། ཆུའི་ཐོན་ཁུངས་སྤྱི་འདོམས་བཀོད་སྒྲིག གྲོང་ཁྱེར་དང་གྲོང་གསེབ་ཀྱི་ཆུ་མཁོ་འདོན་འགན་ལེན་བཅས་ཀྱི་ནུས་པ་ཆེ་རུ་གཏོང་བའི་དམིགས་ཚད་གཞིར་བཟུང་། རྒྱལ་ཁབ་ཆུ་དྲའི་སྒྲོམ་གཞི་གཙོ་བོ་རྒྱུན་ཆད་མེད་པར་འཐུས་སྒོ་ཚང་དུ་བཏང་ནས་ཆུ་བེད་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཤུགས་ཆེན་གཏོང་བ་དང་རང་རྒྱལ་གྱི་ཆུའི་བདེ་འཇགས་འགན་ལེན་བྱ་རྒྱུ་ཡིན་པ་རེད།