དགུན་དུས་དབང་སྐྱོན་ཨོ་ལིམ་ཕིག་ལུས་རྩལ་འགྲན་ཚོགས་སྐབས་བཅུ་བཞི་པ་ཟླ་3ཚེས་6ནས་15ཉིན་བར་དབྱི་ཐ་ལིའི་སྨི་ལན་དང་ཁོར་ཏི་ནཱ་རུ་གཉེར་རྒྱུ་ཡིན་པ་རེད། ཟླ་2ཚེས་27ཉིན་ཀྲུང་གོའི་ལུས་རྩལ་འཐུས་མི་ཚོགས་པ་པེ་ཅིང་དུ་བཙུགས་ཤིང་། དེ་ནི་རང་རྒྱལ་གྱིས་མངའ་ཁོངས་ཕྱིའི་དགུན་དུས་དབང་སྐྱོན་ཨོ་རྩལ་འགྲན་ཚོགས་ལ་ཞུགས་པའི་ཁྲོད་ནས་རྣམ་གྲངས་མང་ཤོས་དང་ལུས་རྩལ་པ་མང་ཤོས་ཀྱི་སྐབས་ཤིག་ཡིན་པ་རེད།

ཀྲུང་གོའི་འཐུས་མི་ཚོགས་པར་ཁྱོན་བསྡོམས་མི་གྲངས་167ཡོད་པའི་ཁྲོད་ལུས་རྩལ་པ་70(ལུས་རྩལ་པ་སྐྱེས་པ་51དང་ལུས་རྩལ་པ་བུད་མེད་19)ཡོད་པ་ནི་ཞིང་ཆེན(རང་སྐྱོང་ལྗོངས་དང་གྲོང་ཁྱེར)9ནས་ཡོང་བ་དང་། ལོ་ན་ཆེ་ཤོས་40དང་ཆུང་ཤོས་18ཡིན་ཞིང་། མན་ཇུ་རིགས་དང་། ཏའེ་རིགས། དབའ་རིགས། ཏུང་རིགས། ཧ་ཉི་རིགས་བཅས་གྲངས་ཉུང་མི་རིགས་5ཡི་ལུས་རྩལ་པ་8ཡོད་པ་རེད། ལུས་རྩལ་པའི་ཁྲོད་ནས་མི་62དེ་སྔའི་དགུན་དུས་དབང་སྐྱོན་ཨོ་རྩལ་འགྲན་ཚོགས་ལ་ཞུགས་མྱོང་བ་དང་ལུས་རྩལ་པ་ཚང་མ་ལས་ཞོར་བདམས་ཐོན་པ་ཤ་སྟག་ཡིན་པ་རེད།

སྨི་ལན་དགུན་དུས་དབང་སྐྱོན་ཨོ་རྩལ་འགྲན་ཚོགས་ནང་དབང་སྐྱོན་ཨོ་རྩལ་འགྲན་ཚོགས་ཀྱི་འཁྱགས་རྩེད་སྤོ་ལོ་དང་། སྟེགས་འཁོར་འཁྱགས་ལྟིར། རི་མཐོའི་གངས་ཤུད། ཡ་པང་གངས་ཤུད། བྱེས་བགྲོད་གངས་ཤུད། དགུན་དུས་རྣམ་གྲངས་གཉིས་ཀྱི་རྣམ་གྲངས་ཆེ་གྲས་6དང་ཆུང་གྲས་79བཅས་ཡོད་པ་རེད། སྐབས་དེ་དུས་རྒྱལ་ཁབ་དང་ས་ཁུལ་52ནས་ཡོང་བའི་ལུས་རྩལ་པ་600ལྷག་ཙམ་འགྲན་བསྡུར་ནང་ཞུགས་རྒྱུ་རེད། འདི་ནི་ཀྲུང་གོའི་ལུས་རྩལ་ཚོགས་པས་དགུན་དུས་ཨོ་རྩལ་འགྲན་ཚོགས་ལ་ཞུགས་ཐེངས་བདུན་པ་ཡིན་པ་དང་། རྣམ་གྲངས་ཆེ་གྲས་6གི་འགྲན་བསྡུར་ཆུང་གྲས་79ཚང་མའི་ནང་ཞུགས་རྒྱུ་ཡིན་པ་རེད།