འདི་ནི་དུས་ཆེན་རིང་རྒྱལ་ཁབ་གློག་དྲ་བོད་ལྗོངས་གློག་ཆེན་ཡན་ལག་ཀུང་སིའི་ལས་མིས་སྤོ་བོའི་500ｋＶགློག་སྒྱུར་ས་ཚིགས་སུ་35ｋＶརང་འགུལ་བསད་སྤར་ལ་ཆེད་ལས་ཀྱི་སྐོར་ཞིབ་ལས་དོན་སྒྲུབ་བཞིན་པ།

དཔྱིད་གསར་དུས་ཆེན་དང་བོད་ཀྱི་ལོ་གསར་རིང་། རྒྱལ་ཁབ་གློག་དྲ་བོད་ལྗོངས་གློག་ཤུགས་ཀྱིས་ཚན་རིག་དང་མཐུན་པའི་སྒོ་ནས་གློག་དྲ་འཁོར་རྒྱུག་བྱེད་སྟངས་བཀོད་སྒྲིག་བྱས་ཏེ་གློག་སྐུད་དང་སྒྲིག་ཆས་གལ་ཆེན་ལ་དམིགས་བསལ་སྐོར་ཞིབ་དང་དམིགས་བསལ་སྲུང་སྐྱོང་ལ་ཤུགས་སྣོན་བརྒྱབ་པ་དང་། གློག་དྲ་བདེ་འཇགས་ངང་འཁོར་རྒྱུག་དང་གློག་བརྟན་པོའི་ངང་གཏོང་བར་འགན་ལེན་བྱས་ནས་ལྗོངས་ཡོངས་ཀྱི་མི་རིགས་ཁག་གི་མི་དམངས་རྣམས་ལ་འོད་སྣང་དང་། དྲོ་སྐྱིད། འཆམ་མཐུན་བཅས་ལྡན་པའི་དུས་ཆེན་ཞིག་གཏོང་ཐུབ་པར་བྱས་ཡོད།

ཤེས་རྟོགས་བྱུང་བར་གཞིགས་ན། རྒྱལ་ཁབ་གློག་དྲ་བོད་ལྗོངས་གློག་ཤུགས་ཀྱིས་རིམ་རྩིས་བརྒྱབ་ན་འཁོར་རྒྱུག་འགན་ལེན་བྱེད་མཁན་མི་གྲངས་767བཏང་བ་དང་། མི་320ལས་གྲུབ་པའི་འཕྲལ་སྡོམ་མྱུར་བཟོའི་དཔུང་ཁག་བཙུགས་ཡོད། དེ་དག་གིས་སྒྲིག་ཆས་ཀྱི་གློག་སྐུད་ལ་དམིགས་བསལ་སྐོར་ཞིབ་དང་དམིགས་བསལ་སྲུང་སྐྱོང་བྱ་རྒྱུར་ཤུགས་བརྒྱབ་པ་དང་། ལྷག་པར་དུ་གློག་སྒྱུར་ས་ཚིགས་ཁག་309དང་གློག་གཏོང་སྐུད་ལམ་168ལ་འཁྱགས་པ་མི་ཐེབས་པ་དང་དངོས་པོ་གཞན་དང་མཉམ་དུ་འཇོག་པར་སྔོན་འགོག་གི་ཆེད་དོན་སྐོར་ཞིབ་བྱས་ཏེ། གློག་སྐུད་ཨ་མའི་གློག་ཆེན་གྱི་བཞུ་བཅད་གློག་སྒའི་གློག་སྐུད་སྐྱོན་ཤོར་བ་ཚུད་པའི་ཛ་དྲག་གི་འགོག་རྐྱེན་སེལ་རྒྱུ་མང་པོ་དུས་ཐོག་ཏུ་ཤེས་རྟོགས་བྱུང་ནས་ཐག་གཅོད་འོས་འཚམ་བྱས་པ་དེས། གློག་དྲ་ཧྲིལ་པོ་འཁོར་རྒྱུག་བརྟན་པོ་བྱུང་ལ། གློག་འདང་ངེས་བཏང་ཐུབ་ནས་དྲ་རྒྱ་ཡོངས་ཀྱི་ཐེག་ཚད་ཆེ་ཤོས་ཆན་ཝ་ཁྲི་239དང་། ཉིན་རེར་གློག་གཏོང་ཚད་མང་ཤོས་ཆན་ཝ་ཆུ་ཚོད་ཁྲི་4930ལས་བརྒལ་བ་དང་། ལྷག་པར་དུ་དཔྱིད་གསར་དུས་ཆེན་གྱི་གནམ་གང་དང་བོད་ཀྱི་དགུ་ཐུག་དགོང་མོར“མེད་པ་གསུམ”(གློག་ཆད་མེད་པ་དང་། སྐྱོན་ཅི་ཡང་ཤོར་མེད་པ། ཞུ་གཏུག་རྒྱག་མཁན་མེད་པ)གྱི་གློག་གཏོང་འགན་ལེན་བདེ་བླག་ཐུབ་ཡོད།