འདི་ནི་མངའ་རིས་ས་ཁུལ་སེང་གེ་ཁ་འབབ་གྲོང་རྡལ་ཕྱོགས་བསྡུས་བཅོས་སྐྱོང་ལྟེ་གནས་ཡིན་པ།

ཟླ་བ་2པའི་མངའ་རིས་ས་མཐོར་སྔར་བཞིན་གྲང་ངར་ཆེ། ཡངས་ཤིང་རྒྱ་ཆེ་བའི་རྩྭ་ཐང་དང་ཁྲོམ་གཞུང་དུ་གྱོན་གོས་དམར་པོ་གྱོན་ཞིང་ལས་བྲེལ་ཆེ་བའི་མི་ཁག་གཅིག་མཐོང་རྒྱུ་ཡོད། དེ་ནི་དྲ་མིག་པ་ཡིན་པ་དང་ཁོང་ཚོས་འདྲི་རྩད་བསྡོམས་རྩིས་དང་མངོན་མེད་རྐྱེན་ངན་གྲལ་བཤེར་བྱེད་བཞིན་ཡོད་ཅིང་། རིམ་ཁག་ཕྱོགས་བསྡུས་བཅོས་སྐྱོང་ལྟེ་གནས་ལས་སྒོའི་ཚོམས་ཆེན་ནང་ལས་དོན་མི་སྣས་ངང་རྒྱུད་རིང་པོས་གནད་དོན་གསེད་བཀྲོལ་དང་། རྩིས་ཐོར་ཞིབ་བསྡུར། ཚང་བཤེར་ཆད་གསབ་བཅས་བྱས་ཏེ་ནུས་ཤུགས་ཡོད་རྒུས་མང་ཚོགས་ཀྱི་རེ་འདོད་སྐོང་བཞིན་ཡོད།

དྲ་མིག་པས་སེམས་མཐུན་ཁྱིམ་གཞིས་བསྐྲུན། མང་ཚོགས་ལ་ཞབས་འདེགས་ཧུར་ཐག་ཞུས།

2025ལོའི་ཚུན་དུ་མངའ་རིས་ས་ཁུལ་གྱིས་ཐབས་མང་མཉམ་སྤྱོད་མཐའ་འཁྱོངས་བྱས་ཏེ། ཕྱོགས་བསྡུས་བཅོས་སྐྱོང་ལྟེ་གནས་ཚད་ལྡན་ཅན་གྱི་འཛུགས་སྐྱོང་ཆུ་ཚད་རྒྱུན་མཐུད་མཐོ་རུ་བཏང་ཞིང་། “ཡུལ་བབ་དང་བསྟུན་པ་དང་། མང་ཚོགས་ལ་སྟབས་བདེ་སྐྲུན་པ། དོན་འགྱངས་སྔོན་གཉེར”བཅས་ཀྱི་རྩ་དོན་གཞིར་བཟུང་རིམ་ཁག་ཕྱོགས་བསྡུས་བཅོས་སྐྱོང་ལྟེ་གནས་རིམ་སྤོར་སྒྱུར་བཀོད་དང་སྒྲིག་བཀོད་ཀྱི་ཚད་གཞི་གཅིག་གྱུར་ཐོག་ཚད་ལྡན་དུ་བཏང་ནས། མང་ཚོགས“ཡོང་འདོད་པ་དང་ཡོང་བདེ་པོ་ཡོང་བ”བྱས་ཤིང་། རྫོང་7གྱི་ཤང(གྲོང་རྡལ)37གྱི་ཕྱོགས་བསྡུས་བཅོས་སྐྱོང་ལྟེ་གནས་བསྐྲུན་ནས་འཛུགས་སྐྲུན་ཐུབ་ཚད་100%ཟིན་ཡོད།

དུས་མཚུངས་གཞི་རིམ་བཅོས་སྐྱོང་གནད་སྨིན་ཅན་དང་། ནུས་ཆེ་ཅན། ཞིབ་ཕྲ་ཅན་བཅས་མངོན་འགྱུར་བྱུང་ནས་བཅོས་སྐྱོང་ཕན་འབྲས་མངོན་གསལ་དོད་པོས་ཆེ་རུ་ཕྱིན་ཡོད། 2025ལོའི་ཚུན་དུ་ས་ཁུལ་དེ་ཡོངས་ཀྱི་དྲ་མིག་པས་རིམ་རྩིས་བརྒྱབ་ན་དུད་ཚང་དུ་འདྲི་རྩད་ཐེངས་ཁྲི་2.6བྱས་ཏེ་དམངས་ཕན་ཞབས་ཞུ་ཐེངས་ཁྲི་1.1བསྒྲུབས་པ་དང་། མང་ཚོགས་མི་ཐེངས་ཁྲི་4ལྷག་ཙམ་ལ་ཁྱབ་པ། འགལ་བ་དང་རྩོད་གཞི་1902བསལ་ཡོད། ཉེན་ཁའི་མངོན་མེད་རྐྱེན་ངན་ཐོན་མ་ཐག་བསལ་བ་དང་སྒོ་ཁར་གནད་སྨིན་ཞབས་འདེགས་ཞུས་ཏེ། གཞི་རིམ་བཅོས་སྐྱོང་བྱེད་ཤུགས་དེ་བས་ཆེ་བ་དང་དེ་བས་བློ་ལ་བབ་པ་བྱུང་ཡོད།

ཧྥེང་ཆའོ་ཡི་ཉམས་མྱོང་ལག་བསྟར་གྱིས། འགལ་བ་དང་རྩོད་གཞི་མྱུར་དུ་བསལ།

ཉེ་བའི་ལོ་ཤས་རིང་། མངའ་རིས་ས་ཁུལ་གྱིས་ཐོག་མཐའ་བར་གསུམ་དུ་དུས་རབས་གསར་པའི“ཧྥེང་ཆའོ་ཡི་ཉམས་མྱོང”མཐའ་འཁྱོངས་དང་འཕེལ་རྒྱས་བཏང་སྟེ། འགལ་ཟླ་དང་རྩོད་གཞི་འདུམ་འགྲིག་གི་སྤུས་ནུས་ཆེ་རུ་ཏན་ཏིག་བཏང་ཡོད། ཕྱོགས་བསྡུས་བཅོས་སྐྱོང་ལྟེ་གནས་ཀྱིས“གཅིག་འཐུས་རྣམ་པའི”འདུམ་འགྲིག་བྱེད་ནུས་ཏན་ཏིག་སྤྱད་དེ་མང་ཚོགས་ཀྱིས་བཏོན་པའི་རེ་ཞུ་ཁག་དབྱེ་བ་མེད་པར་བདག་སྤྲོད་བྱས་པ་མ་ཟད། ཕྱོགས་བསྡུས་བཅོས་སྐྱོང་ཆ་འཕྲིན་ཅན་གྱི་ལས་སྟེགས་ཐོ་འགོད་བརྒྱུད་བཤུག་ཁོངས་སུའང་བཅུག་ནས་བརྒྱུད་རིམ་ཧྲིལ་པོར་རྗེས་སྙེག་ཐུབ་པར་བྱས་ཏེ་འགལ་བ་དང་རྩོད་གཞི་གཅིག་འཐུས་རྣམ་པའི་ཐོག་ནས་བདག་སྤྲོད་དང་། སྡེབ་གཅིག་ཏུ་ཐག་གཅོད། འཁོར་འབྲེལ་ཧྲིལ་པོའི་ཐོག་ནས་ཐག་གཅོད་བཅས་བྱས་ཡོད།

2025ལོ་ནས་བཟུང་། མངའ་རིས་ས་ཁུལ་གྱི་རིམ་ཁག་ཕྱོགས་བསྡུས་བཅོས་སྐྱོང་ལྟེ་གནས་དང་། ཤང་གྲོང་སྲིད་ཁྲིམས་ཨུ་ཡོན། མི་དམངས་འདུམ་འགྲིག་པ། དྲ་མིག་པ་སོགས་ཀྱིས་འགལ་བ་དང་རྩོད་གཞི་སྣ་ཚོགས་ཁྱོན་ཁག་1902ལ་གྲལ་བཤེར་བྱས་པ་དང་། ཐག་གཅོད་བྱེད་ཚད་99%ཟིན་པ། རིམ་ཁག་ཕྱོགས་བསྡུས་བཅོས་སྐྱོང་ལྟེ་གནས་ཀྱིས་མང་ཚོགས་ལ་དོན་དག་5615བསྒྲུབས་པ། མང་ཚོགས་ཀྱི་རེ་འདུན་དང་ལེན་བྱེད་ཚད་100%ཟིན་པ། ཞབས་ཞུ་བློ་ཡིད་ཚིམ་ཚད་100%ཟིན་པ་བཅས་བྱུང་བ་མ་ཟད། “རྩོད་གཞི་བྱུང་ཚེ་ཕྱོགས་བསྡུས་བཅོས་སྐྱོང་ལྟེ་གནས་འཚོལ་བ”ནི་ཡུལ་ལུང་དེ་གའི་མང་ཚོགས་ཀྱི་ཐུན་མོང་ངོས་འཛིན་དུའང་གྱུར་ཡོད།

ཚན་རྩལ་མཐུན་རྐྱེན་གྱིས་འདེགས་སྐྱོར་བརྟན་དུ་བཏང་། གཞི་རིམ་བཅོས་སྐྱོང་གིས་རིག་ནུས་རིམ་སྤོར་བྱས།

རྩྭ་མདའ་རྫོང་ཕྱོགས་བསྡུས་བཅོས་སྐྱོང་ལྟེ་གནས་སུ་རང་འགུལ་ཞབས་ཞུའི་སྒྲིག་ཆས་3ཡོད་པ་ནི་ཧ་ཅང་མངོན་གསལ་དོད་ཅིང་། བལྟས་ཚོད་དུ་སྤྱིར་བཏང་ཙམ་ཡིན་པའི་ཨང་ཀི་ལེན་སའི་པར་འདེབས་སྒྲིག་ཆས་ནི་དོན་དངོས་ཐོག་ཉིན་མཚན་བལྟོས་མེད་དུ་ལས་སྒྲུབ་བྱེད་པའི“ＡＩརིག་ནུས་ཁྲིམས་རྩོད་པ”ཞིག་རེད། མང་ཚོགས་ཀྱིས་ཐོབ་ཐང་ལག་ཁྱེར་ངོས་འཛིན་དང་ངོ་རིས་ངོས་འཛིན་གྱི་ཐོ་འགོད་མ་ལག་བརྒྱུད་བཅའ་ཁྲིམས་བློ་འདྲི་དང་བཅའ་ཁྲིམས་ཡིག་ཆ་རིན་མེད་ངང་ཚབ་འབྲི་བྱེད་པ་སོགས་ཀྱི་ཞབས་ཞུ་ལོངས་སུ་སྤྱོད་ཆོག་པས། མང་ཚོགས་ཀྱི་ལས་སྒྲུབ་མ་གནས་ནུས་ལྡན་ངང་དམའ་རུ་བཏང་ནས་གཞི་རིམ་ཞབས་ཞུ་རིག་ནུས་ཅན་གྱི་ཆུ་ཚད་མཐོ་རུ་ཆེས་ཆེར་སོང་ཡོད།

“ＡＩཁྲིམས་རྩོད་པ”ཕུད། གཞན་ཡང་མངའ་རིས་ས་ཁུལ་གྱིས་ད་དུང་བྱ་ཐབས་ཟམ་མི་ཆད་པར་གསར་གཏོད་བྱས་པ་དང་ཚན་རྩལ་གྱི་མཐུན་རྐྱེན་སྦྱོར་བའི་གྲངས་འཛིན་ཅན་གྱི་དོ་དམ་མཐའ་འཁྱོངས་བྱས་ཤིང་། ཕྱོགས་བསྡུས་བཅོས་སྐྱོང་ཆ་འཕྲིན་ཅན་གྱི་ལས་སྟེགས་ཀྱི་གྲངས་གཞི་ཁ་གསབ་གསར་བརྗེའི་ལས་དོན་ལ་སྐུལ་འདེད་ཏན་ཏིག་བཏང་བ་དང་། ལས་སྟེགས་ཀྱི་རིག་ནུས་དག་བཤེར་དང་རྟགས་བྱང་རིགས་དབྱེ་སོགས་ཀྱི་བྱེད་ནུས་ལ་བརྟེན་ནས་མི་འབོར་གྱི་ཆ་འཕྲིན་དང་གཙོ་གནད་ཚོད་འཛིན་མི་སྣར་འདྲི་རྩད་སོགས་ལྟེ་བའི་གྲངས་གཞི་ཕབ་འཇུག་ཚད་གཞི་ཚད་ལྡན་དུ་བཏང་ཡོད། ད་ལོའི་ཟླ་བ་དང་པོའི་བར་ཕྱོགས་བསྡུས་བཅོས་སྐྱོང་ཆ་འཕྲིན་ཅན་གྱི་ལས་སྟེགས་སུ་རིམ་རྩིས་བརྒྱབ་ན་ནུས་ལྡན་གྲངས་གཞི་སྣ་ཚོགས་ཁྲི་30.4ཕབ་འཇུག་བྱས་ནས་ཟླ་རེར་གཙོ་གནད་ཚོད་འཛིན་མི་སྣར་འདྲི་རྩད་བྱེད་ཚད་100%ཟིན་ཏེ། སྤྱི་ཚོགས་བཅོས་སྐྱོང་གི་གནས་ཚུལ་ཞིབ་འཇུག་བརྡར་གཅོད་དང་ཉེན་ཁའི་མངོན་མེད་རྐྱེན་ངན་ཐག་གཅོད་བྱ་ཆེད་གྲངས་གཞིའི་འདེགས་སྐྱོར་བརྟན་པོ་བྱས་ཡོད།

ཆུང་ཙག་ནས་ཤུགས་སྣོན་བརྒྱབ་སྟེ་གནད་སར་ཕན་འབྲས་ཏན་ཏིག་ཐོན་པར་བྱས་ཤིང་། དྲོ་སྐྱིད་སྦྱིན་པའི་དྲ་མིག་ཞབས་ཞུ་དང་། གོ་ཆོད་ཀྱི་འགལ་ཟླ་འདུམ་འགྲིག གནད་སྨིན་གྱི་གྲངས་འཛིན་བཅོས་སྐྱོང་བཅས་ལ་བརྟེན་ནས་མངའ་རིས་ས་ཁུལ་གྱི་གཞི་རིམ་བཅོས་སྐྱོང་གི་རྨང་གཞི་བརྟན་པོ་ཞིག་མཉམ་དུ་བསྐྲུན་ཞིང་། གཞི་རིམ་དམ་འཛིན་དང་། རྨང་གཞི་འདིང་བ། བཅོས་སྐྱོང་ནུས་ལྡན། དམངས་འཚོར་ཕན་འདོགས་པ་བཅས་ཀྱི་ཐོག་མའི་བསམ་འདུན་དང་འགན་འཁྲི་གསལ་འགྲེལ་ལེགས་པར་བྱས་ཡོད།