བཟོ་འཕྲིན་པུས་ཚེས་28ཉིན་ཡོངས་བསྒྲགས་བྱས་པའི་བསྡོམས་རྩིས་གྲངས་གཞི་གསར་ཤོས་ལས་མངོན་པར་གཞིགས་ན། 2025ལོའི་ལོ་མཇུག་བར། རང་རྒྱལ་གྱི་5Gསྒུལ་འཕྲིན་ཁ་པར་སྤྱོད་མཁན་དུང་ཕྱུར་12.04ཟིན་པ་དེས་སྒུལ་འཕྲིན་ཁ་པར་སྤྱོད་མཁན་གྱི་65.9%བཟུང་ནས་ལོ་གོང་མའི་ལོ་མཇུག་ལས་བརྒྱ་ཆའི་གྲངས་9.2འཕར་ཡོད་པ་རེད།

2025ལོའི་ལོ་མཇུག་བར། རྒྱལ་ཡོངས་ཀྱི་སྒུལ་འཕྲིན་ཁ་པར་སྦྲེལ་ཚུགས་བསྡོམས་འབོར་ཁྲི་1287ཟིན་པ་དེ་ལོ་གོང་མའི་ལོ་མཇུག་ལས་ཁྲི་22.7དངོས་སུ་འཕར་ཡོད། དེའི་ནང་5Gསྦྲེལ་ཚུགས་ཁྲི་483.8ཟིན་པ་དེ་ལོ་གོང་མའི་ལོ་མཇུག་ལས་ཁྲི་58.8དངོས་སུ་འཕར་བ་དང་། 5Gསྦྲེལ་ཚུགས་ཀྱིས་སྒུལ་འཕྲིན་ཁ་པར་སྦྲེལ་ཚུགས་བསྡོམས་འབོར་གྱི་37.6%བཟུང་ནས་ལོ་གོང་མའི་ལོ་མཇུག་ལས་བརྒྱ་ཆའི་གྲངས་4འཕར་ཡོད་པ་རེད།

2025ལོའི་ལོ་མཇུག་བར། རྨང་གཞིའི་གློག་འཕྲིན་ཁེ་ལས་3གྱི་གཏན་འཇགས་དྲ་སྦྲེལ་གྱི་དྲ་ཆེན་སྤྱོད་མཁན་བསྡོམས་འབོར་དུང་ཕྱུར་6.91ཟིན་ནས་ལོ་ཧྲིལ་པོར་སྤྱོད་མཁན་ཁྲི་2099དངོས་སུ་འཕར་ཡོད། དེའི་ནང་ཀྲའོ་སྟོང་དང་དེ་ཡན་གྱི་མཐུད་འཇུག་མྱུར་ཚད་སྤྱོད་མཁན་དུང་ཕྱུར་2.38ཟིན་ནས་ལོ་ཧྲིལ་པོར་སྤྱོད་མཁན་ཁྲི་3157དངོས་སུ་འཕར་བ་དེས་སྤྱོད་མཁན་བསྡོམས་འབོར་གྱི་34.5%བཟུང་བ་དང་ལོ་གོང་མའི་ལོ་མཇུག་ལས་བརྒྱ་ཆའི་གྲངས་3.6འཕར་ཡོད་པ་རེད།