གསར་འགོད་པར་འགྲིམ་འགྲུལ་སྐྱེལ་འདྲེན་པུའུ་ནས་ཤེས་རྟོགས་བྱུང་བར། 2025ལོར་རྒྱལ་ཡོངས་ཀྱི་གྲོང་ཁྱེར་ལྕགས་ལམ་གྱིས་ལོ་ཧྲིལ་པོར་དུས་གཏན་མེ་འཁོར་ཐེངས་ཁྲི་4431དངོས་སུ་བཏང་ནས་འགྲུལ་པ་སྐྱེལ་འདྲེན་བྱེད་ཚད་མི་ཐེངས་དུང་ཕྱུར་332.4ཟིན་པ་དང་། འབབ་ཚུགས་སུ་འཛུལ་མཁན་མི་ཐེངས་དུང་ཕྱུར་198.0ཟིན་པ། འགྲུལ་སྐྱེལ་འཁོར་རྒྱུག་བྱེད་ཚད་སྤྱི་ལེ་མི་ཐེངས་དུང་ཕྱུར་2780.8ཟིན་པ་བཅས་རེད། 2025ལོའི་ལོ་ཧྲིལ་པོར་འགྲུལ་པ་སྐྱེལ་འདྲེན་བྱེད་ཚད་2024ལོ་ལས་མི་ཐེངས་དུང་ཕྱུར་10འཕར་ནས་3.1%འཕར་ཡོད་པ་རེད།

2025ལོའི་ལོ་མཇུག་བར། ཞིང་ཆེན(རང་སྐྱོང་ལྗོངས་དང་ཐད་སྐྱོང་གྲོང་ཁྱེར)31དང་ཤིན་ཅང་ཐོན་སྐྱེད་འཛུགས་སྐྲུན་པིང་ཐོན་གྱི་གྲོང་ཁྱེར་54ལ་གྲོང་ཁྱེར་ལྕགས་ལམ་གྱི་འགྲིམ་འགྲུལ་ལམ་ཐིག་343ཤར་གཏོང་ཐུབ་པ་དང་། འཁོར་སྐྱོད་ལམ་ཐག་སྤྱི་ལེ་11710.3ཟིན་པ། མེ་འཁོར་འབབ་ཚུགས་6680ཡོད་པ་བཅས་རེད། 2025ལོའི་ལོ་ཧྲིལ་པོར་གྲོང་ཁྱེར་ལྕགས་ལམ་འགྲིམ་འགྲུལ་གྱི་འཁོར་སྐྱོད་ལམ་ཐིག་18དང་། འཁོར་སྐྱོད་ཁུལ་དུམ་32 འཁོར་སྐྱོད་ལམ་ཐག་སྤྱི་ལེ་764.7བཅས་མང་དུ་བཏང་ཡོད་པ་རེད།