▶2025ལོར་རྒྱལ་ཡོངས་སུ་གྲོང་ཁྱེར་དང་གྲོང་རྡལ་གྱི་ཁུལ་ཆུང་རྙིང་པ་ཁྲི་2.71དང་དུད་ཚང་ཁྲི་499སྒྱུར་བཀོད་བྱེད་འགོ་ཚུགས་པར་ཁྱོན་མ་དངུལ་སྒོར་དུང་ཕྱུར་1332བཏང་ཡོད། གློག་སྐས་ཁྲི་1.4སྒྲིག་སྦྱོར་བྱས་པས་གྲོང་མི་ཁྲི་470ལྷག་ཙམ་ལ་ཕན་པ་ཐོབ་ཡོད་པ་དང་། “ལམ་ཟུར་སྤྱི་གླིང”4700ལྷག་ཙམ་དང་གྲོང་ཁྱེར་གྱི་སྔོ་ཁེབས་བགྲོད་ལམ་སྤྱི་ལེ་5800ལྷག་ཙམ་བསྐྲུན་པ། ས་འོག་མདོང་དྲ་སྤྱི་ལེ་ཁྲི་15.6འཛུགས་སྐྲུན་དང་སྒྱུར་བཀོད་བྱས་པ།

གསར་འགོད་པར་སྡོད་ཁང་དང་གྲོང་ཁྱེར་གྲོང་གསེབ་འཛུགས་སྐྲུན་པུའུ་ནས་ཤེས་རྟོགས་བྱུང་བར། 2025ལོར་རྒྱལ་ཡོངས་སུ་གྲོང་ཁྱེར་དང་གྲོང་རྡལ་གྱི་ཁུལ་ཆུང་རྙིང་པ་ཁྲི་2.71དང་དུད་ཚང་ཁྲི་499སྒྱུར་བཀོད་བྱེད་འགོ་ཚུགས་པར་ཁྱོན་མ་དངུལ་སྒོར་དུང་ཕྱུར་1332བཏང་ཡོད།

2025ལོར་རང་རྒྱལ་གྱི་གྲོང་ཁྱེར་གསར་སྒྱུར་ལས་དོན་ལ་གྲུབ་འབྲས་མངོན་གསལ་དོད་པོ་ཐོབ་ཅིང་། གློག་སྐས་ཁྲི་1.4སྒྲིག་སྦྱོར་བྱས་པས་གྲོང་མི་ཁྲི་470ལྷག་ཙམ་ལ་ཕན་པ་ཐོབ་ཡོད་པ་དང་། “ལམ་ཟུར་སྤྱི་གླིང”4700ལྷག་ཙམ་དང་གྲོང་ཁྱེར་གྱི་སྔོ་ཁེབས་བགྲོད་ལམ་སྤྱི་ལེ་5800ལྷག་ཙམ་བསྐྲུན་པ། ས་འོག་མདོང་དྲ་སྤྱི་ལེ་ཁྲི་15.6འཛུགས་སྐྲུན་དང་སྒྱུར་བཀོད་བྱས་པ་རེད།

2026ལོར་དམངས་འཚོའི་འདུ་འགོད་དང་། འཕེལ་རྒྱས་ཀྱི་འདུ་འགོད། བདེ་འཇགས་ཀྱི་འདུ་འགོད་བཅས་རབ་དང་རིམ་པ་སྤྱི་འདོམས་བྱས་ནས་ལག་ལེན་ཡག་པོ་བསྟར་རྒྱུ་ཡིན་པའི་ནང་། དམངས་འཚོའི་འདུ་འགོད་ཀྱིས་གྲོང་ཁྱེར་དང་གྲོང་རྡལ་གྱི་ཁུལ་ཆུང་རྙིང་པ་སྒྱུར་བཀོད་ལ་གཙོ་གནད་ཐོག་སྐུལ་འདེད་བཏང་ནས་བདེ་འཇགས་ཀྱི་མི་མངོན་པའི་རྐྱེན་ངན་སེལ་བ་དང་སྡོད་ཁང་གི་ཆ་རྐྱེན་དང་འཚོ་བའི་ཁོར་ཡུག་ལེགས་སུ་གཏོང་རྒྱུ་མ་ཟད། སྡེ་ཁུལ་ཧྲིལ་པོ་འཛུགས་སྐྲུན་ལ་ཕྱོགས་ཡོངས་ནས་སྐུལ་འདེད་དང་། “རྒན་གཅིག་གཞོན་གཅིག”ལ་དེ་བས་གཅེས་སྐྱོང་བྱས་ཏེ་སྤྱི་པའི་ཞབས་ཞུའི་སྒྲིག་བཀོད་ཀྱི་ཞན་ཆ་ནུས་ཤུགས་ཡོད་རྒུས་བསལ་རྒྱུ་ཡིན་པ་རེད།