ཚེས་28ཉིན། གསར་འགོད་པར་རང་བྱུང་ཐོན་ཁུངས་པུའུ་ནས་ཤེས་རྟོགས་བྱུང་བར། ཉེ་ཆར། རང་བྱུང་ཐོན་ཁུངས་པུའུ་སོགས་སྡེ་ཚན་གསུམ་གྱིས《རང་བྱུང་ཐོན་ཁུངས་ཀྱི་གཙོ་རྒྱུ་འགན་སྲུང་བྱེད་ཤུགས་ཆེ་རུ་བཏང་ནས་རྒན་གསོའི་ཞབས་ཞུའི་སྒྱུར་བཅོས་འཕེལ་རྒྱས་ལ་རྒྱབ་སྐྱོར་བྱེད་པའི་སྐོར་གྱི་བྱེད་ཐབས་འགའ་ཞིག》མཉམ་དུ་བཀྲམ་ཏེ། “ས་ཆ་སྤྱོད་པའི་མ་གནས་དམའ་རུ་གཏོང་བ་དང་གསོག་ཐེབས་བར་མཐོངས་ཕན་སྒྱུར”གཙོ་རྐང་དུ་བྱས་ནས་རྒན་གསོའི་ཞབས་ཞུའི་འགན་སྲུང་དེ“རྨང་གཞི་ཐ་སྐྱོང”ནས“སྤུས་འབྲས་ལེགས་གཉེར་དང་ཁུར་པོ་ཡང་གཏོང་གིས་དཀའ་ངལ་སེལ་བའི”ཕྱོགས་སུ་རིམ་སྤོར་བྱེད་པར་སྐུལ་འདེད་བཏང་ཡོད།

བྱེད་ཐབས་འགའ་ཞིག་ནང་། རྒན་གསོའི་ཆེད་དོན་འཆར་འགོད་དེ་རྒྱལ་ཁོངས་བར་མཐོངས་འཆར་འགོད་ཞིབ་ཕྲ་དང“པར་རིས་གཅིག”གི་དོ་དམ་ནང་བཅུག་ནས། ས་ཆ་མཉམ་བསྲེས་གསར་སྤེལ་དང་བར་མཐོངས་མཉམ་འདུས་བེད་སྤྱོད་ཁྱབ་གདལ་བཏང་སྟེ། རང་ཚུགས་མིན་པའི་ས་ཆ་བཟུང་བའི་རྒན་གསོའི་སྒྲིག་བཀོད་དང་འཛུགས་སྐྲུན་གཞན་དག་མཉམ་དུ་འཛུགས་སྐྲུན་བྱེད་ཆོག་པ་དང་། ཁེ་གཉེར་རང་བཞིན་མིན་པའི་རྒན་གསོའི་སྒྲིག་གཞིས་ས་ཆ་སྤྱོད་པར་འགན་ལེན་བྱེད་དགོས་རིགས་ཆ་ཚང་འགན་ལེན་བྱེད་པ་དང་ཁྲིམས་ལྟར་གཏོང་སྤྲོད་བྱས་ཏེ་ས་ཆའི་ནང་བཤུག་གྲོན་དངུལ་མེད་པར་བཟོ་དགོས། ཁེ་གཉེར་རང་བཞིན་གྱི་རྒན་གསོར་སྤྱོད་པའི་ས་ཆ་ཡུན་རིང་བོགས་གཏོང་དང་སྔོན་གཏོང་རྗེས་བཤུག་སོགས་སྟབས་བསྟུན་གྱི་རྣམ་པ་ཕྱོགས་ཡོངས་ནས་ཁྱབ་སྤེལ་བཏང་སྟེ། ས་ཆ་ནང་བཤུག་གྲོན་དངུལ་ལོ་གཉིས་སུ་དབྱེ་ནས་ཚང་མ་འཇལ་ཆོག་པ་དང་ཆབས་ཅིག ས་གནས་ཀྱིས་གྲོས་མཐུན་ནང་གི་ནང་བཤུག་རིན་གོང་དམའ་ཤོས་ལས་མི་དམའ་བའི་སྔོན་འགྲོའི་ཆ་རྐྱེན་འོག་གཉེར་སྐྱོང་རང་བཞིན་གྱི་རྒན་གསོའི་ས་ཆ་ནང་བཤུག་གཏོང་བའི་རིན་གོང་དམའ་ཤོས་ལུགས་མཐུན་ངང་གཏན་འཁེལ་བྱ་རྒྱུར་རྒྱབ་སྐྱོར་བྱེད་དགོས་པ་ཁ་གསལ་བཏོན་ཡོད།

བྱེད་ཐབས་འགའ་ཞིག་ནང་། སྡེ་ཁུལ་རྙིང་པ་ཆུང་གྲས་ཀྱི་མཐའ་འཁོར་གྱི་ཁུག་ཀྱོག་ས་ཆ་དང་བར་ལུས་ས་ཆ་སོགས་ས་ཆ་ཐར་ཐོར་དེ་རིགས་སྒྱུར་བཀོད་བྱས་ནས་རྒན་གསོ་དང་གསོ་བཅོས་ཟུང་འབྲེལ་སྒྲིག་བཀོད་མང་དུ་གཏོང་ཆོག་པ་དང་། གསོག་ཐེབས་བར་མཐོངས་ཕྱོགས་སྒྱུར་བྱས་རྗེས་ཀྱི་ལོ་ལྔའི་ནང་དེ་གོང་གི་སྤྱོད་སྒོ་ལྟར་སྤྱོད་ཆོག་པ་མ་ཟད། ས་ཆའི་རིན་གོང་མང་བསྡུ་མི་བྱེད་པ། འཆར་འགོད་ལེགས་སྒྲིག་གི་གོ་རིམ་སྟབས་བདེ་རུ་གཏོང་བ་དང་། ལེགས་སྒྲིག་ཆ་རྐྱེན་དང་། དུས་ཚད། རྒྱུ་ཆའི་གསལ་ཐོ་བཅས་ཁ་གསལ་བཟོ་བ། ཁེ་གཉེར་རང་བཞིན་མིན་པའི་རྒན་གསོའི་སྒྲིག་བཀོད་ཀྱི་ཤོང་ཚད་དང་འཛུགས་སྐྲུན་མཐོ་ཚད་བཅའ་ཁྲིམས་དང་སྒྲིག་སྲོལ་ལྟར་ལེགས་སྒྲིག་བྱེད་པར་རྒྱབ་སྐྱོར་བྱེད་པ། བེད་མེད་དུ་སྐྱུར་བའི་མཉམ་སྡེབ་འཛུགས་སྐྲུན་གྱི་ས་ཆ་དེ་དག་སྔོན་ལ་སྤྱད་དེ་རྒན་གསོའི་སྒྲིག་བཀོད་འཛུགས་སྐྲུན་བྱེད་པ་དང་། ཆ་རྐྱེན་དང་མཐུན་པའི་མཉམ་སྡེབ་གཉེར་སྐྱོང་རང་བཞིན་གྱི་འཛུགས་སྐྲུན་ས་ཆ་དེ་དག་ནང་བཤུག་དང་བོགས་མར་གཏོང་བ་སོགས་ཀྱི་བྱེད་ཐབས་བརྒྱུད་རྒན་གསོའི་རྣམ་གྲངས་འཛུགས་སྐྲུན་ཐད་སྤྱོད་ཆོག་པས། དེས་རྨོ་ཞིང་བཟུང་སྤྱོད་མི་བྱེད་པ་མ་ཟད། གྲོང་གསེབ་ཀྱི་རྒན་གསོའི་ཐད་ས་ཆ་སྤྱོད་པའི་ཚད་གཞི་ཡང་དམའ་རུ་གཏོང་དགོས་པ་ཁ་གསལ་བཏོན་ཡོད།

བྱེད་ཐབས་འགའ་ཞིག་ནང་། ཐོན་ཁུངས་སྡེབ་སྒྲིག་མཁོ་སྤྲོད་བྱེད་སྟངས་གསར་གཏོད་བྱེད་པ་དང་། གསོག་ཐེབས་ས་ཆ་དང་། ནགས་ཚལ་དང་རྩྭ་ཐང་། ཆུ་ཁོངས་སོགས་ཀྱི་གཙོ་རྒྱུ་སྤྱི་འདོམས་བྱེད་པ། ཆུ་ཚན་ལུས་གསོས་དང་ནགས་ཚལ་ལུས་གསོས་སོགས་ལས་རྣམ་གསར་པའི་དགོས་མཁོ་སྙོམ་སྒྲིག་གནད་སྨིན་བྱེད་པ། གཏན་འཇགས་རྒྱུ་ནོར་ཐོ་འགོད་ཞབས་ཞུ་ལེགས་སུ་གཏོང་བ། རྒན་གསོའི་སྒྲིག་གཞིའི་གཏའ་འཇོག་ཐོ་འགོད་ནུས་ཆེའི་ངང་སྒྲུབ་པ། རྒན་གསོའི་ཞབས་ཞུའི་སྒྲིག་བཀོད་ཐད་སྤྱོད་པའི་ས་ཆ་དེ་རང་བྱུང་ཐོན་ཁུངས་དོ་དམ་དང་རྒྱལ་ཁོངས་བར་མཐོངས་འཆར་འགོད་ཀྱི“པར་རིས་གཅིག”ལག་བསྟར་གྱི་འགུལ་རྣམ་ལྟ་འདོམས་ནང་འཇུག་པ་བཅས་བྱས་ཏེ། ཁྲིམས་བཀོད་གོ་རིམ་མ་བརྒྱུད་པར་ས་ཆའི་སྤྱོད་སྒོ་རང་དགར་བསྒྱུར་མི་ཆོག་པ་ཁ་གསལ་བཟོས་ནས་འགན་འཁྲིའི་ལམ་སྲོལ་དོན་འཁྱོལ་གྱིས་རང་བྱུང་ཐོན་ཁུངས་དང་། དམངས་སྲིད། འཕྲོད་བསྟེན་བདེ་ཐང་སོགས་སྡེ་ཚན་བརྒལ་བའི་མཐུན་སྦྱོར་ལྟ་འདོམས་མ་ལག་བཙུགས་ནས་སྲིད་ཇུས་ཀྱི་ཁེ་སྤོགས་ལས་དམངས་འཚོར་ཕན་པ་ཐོབ་པའི་འགན་ལེན་བྱས་ཡོད།