ཞིང་འབྲོག་མང་ཚོགས་ལ་སྦག་སྦག་གི་ལག་ཁྱེར་རག་ཁག་པའི་གནད་དོན་ཐག་གཅོད་ཏན་ཏིག་བྱ་ཆེད་2025ལོའི་ཟླ་པ་གསུམ་ནས་བཟུང་། མཚོ་སྨད་རྫོང་སྤྱི་བདེ་ཅུས་ཀྱིས་རྫོང་ཡོངས་ཀྱི་ཁྱབ་ཁོངས་སུ་རྒྱུགས་ལེན་བྱས་ནས་སྦག་སྦག་ལག་ཁྱེར་གཉེར་ཏེ་མང་ཚོགས་ལ་སྟབས་བདེ་བསྐྲུན་པའི་ཞབས་ཞུའི་བྱེད་སྒོ་སྤེལ་བ་རེད། 2025ལོའི་ཟླ་12ཚེས་24ཉིན་རྒྱུགས་ལེན་མཇུག་ཤོས་དེ་སྒོ་བསྡུས་ཤང་བཀྲ་ཤིས་གསུམ་མདོ་གྲོང་ཚོར་བདེ་བླག་ངང་སྤེལ་རྗེས་དུས་ཡུན་ཟླ་བ་བཅུ་ཡི་དམངས་ཕན་བྱེད་སྒོ་མཇུག་སྒྲིལ་བ་རེད།

བསྡོམས་རྩིས་བརྒྱབ་པར་གཞིགས་ན། ད་ཐེངས་ཁྱོན་ཡིག་རྒྱུགས་ཐེངས་18སྒྲིག་འཛུགས་བྱས་ཏེ་ལག་ཁྱེར་ཐེངས་30གཉེར་བ་དང་མི་2900ལ་ཞབས་འདེགས་ཞུས་པས་ཞིང་འབྲོག་ཁུལ་གྱི་མང་ཚོགས་ཚོས་འཕྲུལ་འགུལ་འཁོར་རིགས་ཀྱི་ལག་ཁྱེར་རེ་ཞུ་བྱེད་ཚད་དང་སྤྱོད་ཚད་ཆེ་རུ་ཕྱིན་ཏེ་དྲ་ཐོག་ནས་མང་ཙམ་གཉེར་བ་དང་མང་ཚོགས་ཐེངས་མང་སྐྱོད་མི་དགོས་པ་བྱུང་ཡོད།