ལྷ་ས་གྲོང་ཁྱེར་སློབ་འབྲིང་དང་པོས“ཅང་སུའུ་རུ་སྐྱོད། རིག་གནས་མྱོང་རྟོགས་བྱེད། ཕུགས་འདུན་མཉམ་དུ་གཏོད”ཅེས་པའི་ཞིབ་སློབ་སྤེལ་རེས་བྱེད་སྒོ་སྤེལ་བ།
ཉེ་ཆར། ལྷ་ས་གྲོང་ཁྱེར་སློབ་འབྲིང་དང་པོའི་དགེ་སློབ་ཀྱིས་བར་ཐག་སྤྱི་ལེ་3900ལྷག་ཙམ་ཆོད་པའི་ཅང་སུའུ་ནན་ཅིང་དང་ཡན་ཁྲེང་སོགས་སུ་བསྐྱོད་དེ“ཅང་སུའུ་རུ་སྐྱོད། རིག་གནས་མྱོང་རྟོགས་བྱེད། ཕུཌ་འདུན་མཉམ་དུ་གཏོད”ཅེས་པའི་ཞིབ་སློབ་སྤེལ་རེས་བྱེད་སྒོ་སྤེལ་བ་རེད།
ལོ་རྒྱུས་འཚོལ་ཞིབ་དང་། སློབ་གྲྭ་དབར་གྱི་མཉམ་འགུལ། རིག་གནས་ཉམས་ལེན་སོགས་ཀྱི་རྣམ་པར་བརྟེན་ནས་བྱེད་སྒོ་སྤེལ་བ་རེད། གསོན་ཉམས་དོད་ལ་གཏིང་ཟབ་པའི“མཉམ་འདྲེས་སློབ་ཚན”དེ་ལས་ཅང་སུའུ་དང་བོད་ཀྱི་དགེ་སློབ་ཚོས་ཤེས་ཚོར་ཁྲོད་ཕན་ཚུན་རྒྱུས་མངའ་ལོན་པ་དང་མཉམ་འགུལ་ཁྲོད་མཛའ་གཅུགས་ཟབ་ཏུ་ཕྱིན་ཡོད།
ནན་ཅིང་དུ་ཞིབ་འཇུག་དང་སློབ་སྦྱོང་ཚོགས་པས་ལོ་རྒྱུས་ཀྱི་རྗེས་ཤུལ་འཚོལ་ཞིབ་བྱེད་པའི་འགྲུལ་བཞུད་བྱས་ནས་སྔ་རྗེས་སུ་ཀྲུང་ཧྲན་བང་སོ་དང་རྒྱལ་རབས་དྲུག་གི་རྟེན་མཛོད་ཁང་དང་ཙུང་ཐུང་གི་ལས་ཤག་ཏུ་བསྐྱོད་པ་རེད།
ཡན་ཁྲེང་གྲོང་ཁྱེར་ལུའུ་མིང་ལམ་དམའ་རིམ་སློབ་འབྲིང་དུ་བསྐྱོད་ནས་ལྷ་ས་གྲོང་ཁྱེར་སློབ་འབྲིང་དང་པོའི་དགེ་སློབ་ཚོས་ས་གནས་དེ་གའི་དགེ་སློབ་དང་མཉམ་དུ“ཡན་བོད་སེམས་པ་གཅིག་ཏུ་སྦྲེལ། ཁྱིམ་ཚང་གཅིག་ལྟར་བརྩེ་བ་ཟབ”ཅེས་པའི་ཞིབ་འཇུག་སློབ་སྦྱོང་གི་སྤེལ་རེས་བྱེད་སྒོ་སྤེལ་བ་རེད། ལྷ་ས་གྲོང་ཁྱེར་སློབ་འབྲིང་དང་པོ་དང་ཡན་ཁྲེང་གྲོང་ཁྱེར་ལུའུ་མིང་ལམ་དམའ་རིམ་སློབ་འབྲིང་དབར་ས་གནས་ཀྱི་ཁྱད་ཆོས་ལྡན་པའི་དྲན་གསོའི་ལག་རྟགས་སྤྲོད་རེས་བྱས་པ་དང་འབྲེལ། “དགེ་སློབ་ཆ་འགྲིག་ལག་ལེན་རྟེན་གཞིའི”སྒོ་བྱང་མཉམ་དུ་ཕྱེ་ནས་སློབ་གྲྭ་གཉིས་ཀྱི་རྒྱུན་རྣམ་ཅན་གྱི་སྤེལ་རེས་ལས་སྟེགས་བརྟན་པོ་ཞིག་དངོས་སུ་བསྐྲུན་ནས་འབྱུང་འགྱུར་མཉམ་ལས་གཏིང་ཟབ་བྱེད་པར་རྨང་གཞི་བཟང་པོ་བཏིང་ཡོད།
ཤེས་རྟོགས་བྱུང་བར་གཞིགས་ན། ད་ཐེངས་ཀྱི་ཞིབ་འཇུག་དང་སློབ་སྦྱོང་གི་སྤེལ་རེས་བྱེད་སྒོ་ནི་རིག་གནས་སྤེལ་རེས་དང་བརྩེ་དུང་མཚོན་པའི་སྐད་ཆ་ཤོད་རེས་བྱས་པ་ཞིག་རེད། དེ་ནི་སློབ་གྲྭ་གཉིས་ཀྱི་མཛའ་གཅུགས་ཀྱི་མཛེས་སྡུག་ལྡན་པའི་འགོ་ཚུགས་ས་ཡིན་པ་མ་ཟད། མི་རིགས་དབར་གྱི་འགྲོ་འོང་དང་། སྤེལ་རེས། མཉམ་འདྲེས་བཅས་ཀྱི་དྲོ་སྐྱིད་ལྡན་པའི་ལག་ལེན་ཞིག་དེ་བས་ཡིན་པས། སུའུ་བོད་ས་གཞི་ཆེན་པོར་མི་རིགས་མཐུན་སྒྲིལ་གྱི་མེ་ཏོག་རབ་ཏུ་བཞད་པར་བྱ་རྒྱུ་རེད།
འབྲེལ་ཡོད་གསར་འགྱུར།