འདི་ནི་ཨུ་ཡོན་ཚོས་རྒྱལ་གླུ་ལེན་བཞིན་པ།

འདི་ནི་རང་སྐྱོང་ལྗོངས་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་ཚོགས་ར་ཡིན་པ།

འདི་ནི་ཨུ་ཡོན་ཚོས་ལས་དོན་སྙན་སྒྲོན་ནན་ཏན་ངང་གསན་བཞིན་པ།

འདི་ནི་ཨུ་ཡོན་ཚོས་ལས་དོན་སྙན་སྒྲོན་ནན་ཏན་ངང་གསན་བཞིན་པ།

འདི་ནི་ཨུ་ཡོན་ཚོས་ཚོགས་འདུའི་ཡིག་ཆ་ཞིབ་ནན་ངང་གཟིགས་བཞིན་པ།

འདི་ནི་ཨུ་ཡོན་ཚོས་སྙིང་སྟོབས་རབ་འཕེལ་གྱིས་ཚོགས་རར་སྐྱོད་བཞིན་པ།

འདི་ནི་སྲིད་གྲོས་ཨུ་ཡོན་གྱིས་གསར་འགྱུར་སྨྱན་སྦྱོར་གྱི་བཅར་འདྲི་དང་ལེན་གནང་བཞིན་པ།

 འདི་ནི་ཚོགས་འདུའི་ཐོག་གསར་འགོད་པས་གསར་འགྱུར་ལྟེ་གནས་སུ་གསར་འགྱུར་འབྲི་བཞིན་པ།

ཟླ་1ཚེས་30ཉིན་གྱི་སྔ་དྲོར། རང་ལྗོངས་ཀྱི་མི་རིགས་ཁག་དང་ལས་རིགས་ཁག་གི་སྲིད་གྲོས་ཨུ་ཡོན་ཚོས་མི་དམངས་ཀྱི་མངགས་བཅོལ་ཟབ་མོ་ཕྲག་ཏུ་འཁུར་ཞིང་། འགན་སྒྲུབ་ཀྱི་སྤྲོ་སེམས་ཡིད་ལ་བཅངས་ཏེ་ཡུལ་བབ་དམངས་འདུན་དང་བློ་གྲོས་ཀྱི་གྲོས་འགོ་བསྣམས་ནས་རང་སྐྱོང་ལྗོངས་སྲིད་གྲོས་ཀྱི་ཚོགས་ཁང་ནང་ལྷན་དུ་འཛོམས་ཏེ། རང་སྐྱོང་ལྗོངས་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་བཞི་པར་ཞུགས་པ་རེད།

འདས་ཟིན་པའི་ལོ་གཅིག་རིང་། རང་སྐྱོང་ལྗོངས་སྲིད་གྲོས་དང་དེའི་རྒྱུན་ལས་ཨུ་ཡོན་ལྷན་ཁང་གིས“དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་བརྒྱབ་སྟེ། སྤུས་ཚད་མཐོ་བའི་འགན་སྒྲུབ་ལ་བརྟེན་ནས་སྤུས་ཚད་མཐོ་བའི་འཕེལ་རྒྱས་ལ་ཞབས་འདེགས་ཞུས་ཡོད། ལོ་འཁོར་མོར་ཁྱོན་གྲོས་གཞི་ཁག་476བཏོན་པ་དང་། ཞིབ་བཤེར་བྱས་རྗེས་གྲོས་གཞི་ཁག་473ཐོ་འགོད་བྱས་པ། གྲོས་གཞིའི་བསྒྲུབས་ལན་སྤྲོད་ཚད་100%ཟིན་ཏེ། “གྲོས་འདོན་ཚང་མར་ལན་གསལ་པོ་ཡོད་པའི”འགན་འཁྲི་འཁུར་སེམས་ལ་བརྟེན་ནས་མི་དམངས་ཀྱི་རེ་སྒུག་ལ་ལན་བསློགས་ཏེ། “ལོ་ལྔ་ཚན་བཅུ་བཞི་པའི”འཆར་འགོད་ཕུན་སུམ་ཚོགས་པོའི་ངང་མཇུག་བསྡུ་བར་དགེ་མཚན་ལྡན་པའི་ལེགས་སྐྱེས་ཕུལ་ཡོད།

རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་འཕགས་པ་ལྷ་དགེ་ལེགས་རྣམ་རྒྱལ་གྱི་བཀའ་མངགས་ལྟར། རང་སྐྱོང་ལྗོངས་སྲིད་གྲོས་ཏང་ཙུའི་ཧྲུའུ་ཅི་གཞོན་པ་དང་ཀྲུའུ་ཞི་གཞོན་པ་མོང་ཞའོ་ལིན་གྱིས་སྲིད་གྲོས་སྐབས་བཅུ་གཉིས་པའི་བོད་རང་སྐྱོང་ལྗོངས་ཨུ་ཡོན་ལྷན་ཁང་རྒྱུན་ལས་ཨུ་ཡོན་ལྷན་ཁང་གི་ཚབ་ཞུས་ནས་ཚོགས་ཆེན་ཐོག་ལས་དོན་སྙན་སྒྲོན་གནང་བ་དང་། རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ་སྒྲོལ་དཀར་གྱིས་ཚོགས་ཆེན་ཐོག་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་གསུམ་པ་འཚོགས་ཚུན་གྱི་གྲོས་གཞིའི་ལས་དོན་བསྒྲུབས་ཚུལ་གྱི་སྙན་སྒྲོན་གནང་བ་རེད།

“མི་དམངས་སྲིད་གྲོས་ཀྱིས་མི་དམངས་ལ་ཞབས་འདེགས་ཞུ་བ”དང་། “མང་ཚོགས་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་གནད་དོན་ཐག་གཅོད་བྱ་རྒྱུར་ཤུགས་རྒྱག་པ” “‘ཀྲུང་ཧྭ་མི་རིགས་གཅིག་མཐུན་ཚོགས་པ་མཉམ་དུ་བཏོད་ནས་མཛེས་སྡུག་ལྡན་པའི་བོད་ལྗོངས་ཀྱི་ལེ་ཚན་གསར་པ་རྩོམ་དགོས་པའི’མཐུན་ཆ་ཆེ་ཤོས་མཉམ་དུ་གཏོད་དགོས”

སྙན་སྒྲོན་ནི་དམ་པ་དོན་གཉེར་དང་། དྲང་པོ་དྲང་གཞག བཀྲག་མདངས་འཚེར་ས་མང་བ་བཅས་ཡོད་པས་ཨུ་ཡོན་ཚོའི་དགའ་བསུ་ཡང་ཡང་ཐོབ་པ་རེད།

ད་ཐེངས་ཀྱི་འགོ་ཚུགས་ཚོགས་འདུ་ནི་བོད་ཀྱི་སྲིད་གྲོས་བྱ་གཞག་གི་ལེའུ་གསར་པ་འགོ་ཚུགས་པ་ཞིག་རེད་ལ། ལྗོངས་ཡོངས་ཀྱི་གོང་འོག་ཚང་མས་སེམས་ནུས་ཡོད་རྒུ་བཏོན་ནས་རྒྱང་ལམ་གསར་པར་འབད་འབུངས་བྱེད་པའི་དུང་བརྡ་བཏང་བ་ཞིག་ཀྱང་རེད། སླད་ཕྱིན་གྱི་ཚོགས་འདུའི་རིང་ཨུ་ཡོན་ཚོས་སྙན་སྒྲོན་ཁག་ལ་དམིགས་ནས་གྲོས་མོལ་དང་གྲོས་བསྡུར་གཏིང་ཟབ་གནང་སྟེ། བོད་ཀྱི་བརྟན་ལྷིང་དང་། འཕེལ་རྒྱས། སྐྱེ་ཁམས། མཐའ་སྟོབས་སོགས་ཀྱི་བྱ་གཞག་ཁག་ལ་མུ་མཐུད་བློ་གྲོས་དང་སྟོབས་ཤུགས་སྐྱེས་སུ་འབུལ་རྒྱུ་རེད་ལ། ཁོང་ཚོའི་གསུང་སྒྲ་ཡང་ཚོགས་ཁང་བརྒྱུད་བོད་ཀྱིས་རྒྱང་ལམ་གསར་པར་འབད་འབུངས་བྱེད་པའི་བརྗིད་ཆེའི་ལག་ལེན་ནང་མཉམ་འདྲེས་ཐུབ་རྒྱུ་རེད།