གསར་འགོད་པར་རང་སྐྱོང་ལྗོངས་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་འགོ་ཚུགས་ཚོགས་འདུ་ནས་ཤེས་རྟོགས་བྱུང་བར། རང་སྐྱོང་ལྗོངས་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་གསུམ་པ་འཚོགས་ཚུན་ཁྱོན་གྲོས་གཞི་ཁག་476འབྱོར་བ་དང་། ཞིབ་དཔྱད་བྱས་པ་བརྒྱུད་གྲོས་གཞི་ཁག་473སྒྲུབ་ཁོངས་སུ་བཅུག་ནས་ཚང་མར་སྒྲུབ་ལན་བསློགས་ཡོད།

འདས་ཟིན་པའི་ལོ་གཅིག་ནང་། རང་སྐྱོང་ལྗོངས་ཀྱི་རྒྱ་ཆེའི་སྲིད་གྲོས་ཨུ་ཡོན་དང་། སྲིད་གྲོས་ཁོངས་ཞུགས་ཚན་པ་ཁག་དང་ཆེད་དོན་ཨུ་ལྷན་ཁག་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མི་དམངས་སྲིད་གྲོས་བཙུགས་ནས་ལོ་75འཁོར་བར་རྟེན་འབྲེལ་ཞུ་བའི་ཚོགས་ཆེན་དང་བོད་དུ་གཟིགས་ཞིབ་གནང་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་དང་། རང་སྐྱོང་ལྗོངས་ཏང་གི་འཐུས་མི་ཚོགས་ཆེན་ཐེངས་བཅུ་པ་དང་རང་སྐྱོང་ལྗོངས་ཏང་ཨུད་སྐབས་བཅུ་པའི་ཚང་འཛོམས་གྲོས་ཚོགས་ཐེངས་རིམ་བྱུང་གི་དགོངས་དོན་ལག་བསྟར་དོན་འཁྱོལ་བྱས་ནས“དོན་ཆེན་བཞིར”དམིགས་པ་དང་། “འཛུགས་གཏོད་བཞིར”ཤུགས་བརྒྱབ་སྟེ། གྲོས་གཞིར་བརྟེན་ནས་གྲོས་འགོ་དང་ཐབས་ཇུས་ཡག་པོ་བཏོན་པ་དང་ཐུན་མོང་གི་ངོས་འཛིན་གཅིག་སྒྲིལ་ཧུར་ཐག་བྱས་ཡོད།

རྒྱལ་ཡོངས་ཀྱི་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་འཛུགས་གཏོད་ལ་དམིགས་ཏེ་གྲོས་མོལ་དང་གྲོས་འགོ་བཏོན་ནས་སྤྱི་ཚོགས་ཀྱི་སྤྱི་ཡོངས་ཞི་མཐུན་བརྟན་ལྷིང་ཡོང་བར་སྐུལ་འདེད་བཏང་ཞིང་། ཨུ་ཡོན་ཚོས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་བ་དང་། ཀྲུང་ཧྭ་མི་རིགས་གཅིག་མཐུན་ཚོགས་པ་འཛུགས་པར་སྐུལ་འདེད་གཏོང་བ། བོད་བརྒྱུད་ནང་བསྟན་ཀྲུང་གོ་ཅན་ལ་སྐུལ་འདེད་གཏོང་བ། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་ལག་ལེན་བསྟར་བ། སྤྱི་ཚོགས་བཅོས་སྐྱོང་ལ་ཤུགས་སྣོན་རྒྱག་པ་སོགས་ཐད་དམ་པོར་དམིགས་ནས་གྲོས་གཞི་ཁག་96བཏོན་པ་དེས་གྲོས་གཞིའི་བསྡོམས་འབོར་གྱི་20.29%ཟིན་ནས་མི་རིགས་མཐུན་སྒྲིལ་ལ་ཤུགས་སྣོན་དང་སྤྱི་ཚོགས་བརྟན་ལྷིང་ལ་སྲུང་སྐྱོང་བྱེད་པར་ཐབས་འདོན་ཇུས་འབུལ་གནང་ཡོད།

ས་མཐོའི་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ཀྱི་སྔོན་སྤེལ་ཁུལ་འཛུགས་གཏོད་ལ་དམ་པོར་དམིགས་ཏེ་གྲོས་མོལ་དང་གྲོས་འགོ་བཏོན་ནས་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་ཞིང་། ཨུ་ཡོན་ཚོས་ཁྱད་ལྡན་ལེགས་ཆའི་ཐོན་ལས་སྐྱེད་སྲིང་དང་། ཐོན་སྐྱེད་ནུས་ཤུགས་གསར་མ་འཕེལ་རྒྱས་གཏོང་བ། རྨང་གཞིའི་སྒྲིག་བཀོད་འཛུཌ་སྐྲུན་བྱེད་མགྱོཌ་སུ་གཏོང་བ། ཚོང་གཉེར་ཁོར་ཡུག་ལེགས་སུ་གཏོང་བ། ཚན་རྩལ་གྲུབ་འབྲས་གཞན་སྒྱུར་བྱེད་པ། དམངས་འཚོ་འགན་ལེན་དང་ལེགས་སུ་གཏོང་བ་སོགས་ལ་དམ་པོར་དམིགས་ནས་གྲོས་གཞི་ཁག་309བཏོན་པ་དེས་གྲོས་གཞིའི་བསྡོམས་འབོར་གྱི་65.33%ཟིན་ནས་ས་མཐོའི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་རིན་ཐང་ལྡན་པའི་བསམ་འཆར་དང་གྲོས་འགོ་བཏོན་གནང་ཡོད།

རྒྱལ་ཁབ་ཀྱི་སྐྱེ་ཁམས་ཤེས་དཔལ་གྱི་མཐོ་ས་འཛུགས་གཏོད་ལ་དམིགས་ཏེ་གྲོས་མོལ་དང་གྲོས་འགོ་བཏོན་ནས་སྐྱེ་ཁམས་བདེ་འཇགས་ཀྱི་སྲུང་བཅད་བརྟན་དུ་གཏོང་བར་སྐུལ་འདེད་བཏང་ཞིང་། ཨུ་ཡོན་ཚོས་སྐྱེ་ཁམས་ཤེས་དཔལ་འཛུགས་སྐྱོང་མ་ལག་འཐུས་སྒོ་ཚང་དུ་གཏོང་བ་དང་། ལྗང་མདོག་ཐཱན་ཉུང་འཕེལ་རྒྱས་ལ་སྐུལ་འདེད་གཏོང་བ། ནུས་རྒྱུ་གཙང་མ་གསར་སྤེལ་བེད་སྤྱོད་གཏོང་བ། སྐྱེ་ཁམས་སྲུང་སྐྱོང་ཉམས་གསོ་སོགས་ལ་དམ་པོར་དམིགས་ནས་གྲོས་གཞི་ཁག་39བཏོན་པ་དེས་གྲོས་གཞིའི་བསྡོམས་འབོར་གྱི་8.25%ཟིན་ནས་མཛེས་སྡུག་ལྡན་པའི་བོད་ལྗོངས་དང་སྐྱེ་ཁམས་ཤེས་དཔལ་གྱི་མཐོ་ས་འཛུགས་པར་སྐུལ་འདེད་གཏོང་བར་ཐབས་འདོན་ཇུས་འགོད་གནང་ཡོད།

རྒྱལ་ཁབ་ཀྱི་མཐའ་བརྟན་མཐའ་དར་དང་དམངས་ཕྱུག་བྱ་སྤྱོད་ཀྱི་དཔེ་སྟོན་ཁུལ་འཛུཌ་གཏོད་ལ་དམིགས་ཏེ་གྲོས་མོལ་དང་གྲོས་འགོ་བཏོན་ནས་མཐའ་མཚམས་ས་ཁུལ་དར་རྒྱས་དང་བདེ་འཇགས་ལ་སྐུལ་འདེད་བཏང་ཞིང་། ཨུ་ཡོན་ཚོས་མཐའ་མཚམས་ས་ཁུལ་འཛུགས་སྐྲུན་མགྱོགས་མྱུར་བྱེད་པ་དང་། དཔལ་འབྱོར་དང་སྤྱི་ཚོགས་འཕེལ་རྒྱས་ལ་འདེགས་སྐྱོར་ཤུགས་ཆེན་བྱེད་པ། མཐའ་མཚམས་བཅོས་སྐྱོང་གི་ནུས་ཕྱོད་ཆེ་རུ་གཏོང་བ། མཐའ་མཚམས་སྟོབས་ཆེར་གཏོང་བའི་སྲིད་ཇུས་འཐུས་ཚང་དང་ལེགས་སྒྲིག་བྱེད་པ་སོགས་ལ་དམ་པོར་དམིགས་ནས་གྲོས་གཞི་ཁག་29བཏོན་པ་དེས་གྲོས་གཞིའི་བསྡོམས་འབོར་གྱི་6.13%ཟིན་ནས་མཐའ་མཚམས་འཛུགས་སྐྲུན་ལ་གྲོས་འགོ་དང་ཐབས་ཇུས་ཡག་པོ་བཏོན་གནང་ཡོད།