ཆུ་ཚད་མཐོ་བའི་འཐབ་ཇུས་རང་བཞིན་གྱི་ཀྲུང་གོ་དང་མ་ལེ་ཞི་ཡའི་ལས་དབང་གཅིག་མཐུན་ཚོགས་པའི་གླེང་སྟེགས་ཁྭ་ལ་ལུམ་ཕུར་དུ་འཚོགས་པ།
ཤིན་ཧྭ་གསར་འགྱུར་ཁང་གྲོང་ཁྱེར་ཁྭ་ལ་ལུམ་ཕུར་ནས་གློག་འཕྲིན་འབྱོར་བ་གཞིར་བཟུང་། ཀྲུང་གོ་དང་མ་ལེ་ཞི་ཡའི་དབར་ཕྱི་འབྲེལ་བཙུགས་ནས་ལོ་ངོ་52འཁོར་བའི་སྐབས་སུ། ཆུ་ཚད་མཐོ་བའི་འཐབ་ཇུས་རང་བཞིན་གྱི་ཀྲུང་གོ་དང་མ་ལེ་ཞི་ཡའི་ལས་དབང་གཅིག་མཐུན་ཚོགས་པའི་གླེང་སྟེགས་ཉིན་ཤས་གོང་དུ་མ་ལེ་ཞི་ཡའི་རྒྱལ་ས་ཁྭ་ལ་ལུམ་ཕུར་དུ་འཚོགས་ཤིང་། ཀྲུང་གོ་དང་མ་ལེ་ཞི་ཡའི་རྒྱལ་ཁབ་གཉིས་ཀྱི་ལས་རིགས་ཁག་གི་མི་སྣ་དང་རིགས་གཅིག་མཁས་ཅན་དང་མཁས་དབང་300ཙམ་ཞུགས་ཡོད་པ་རེད། ད་ཐེངས་ཀྱི་གླེང་སྟེགས་དེ་མ་ལེ་ཞི་ཡའི་དར་གོས་ལམ་བུའི་མཛའ་གྲོགས་སྤྲོ་སྐྱིད་ཁང་དང་ཨེ་ཤེ་ཡ་ཤར་ལྷོའི་སྤྱི་ཚོགས་ཚན་རིག་ཞིབ་འཇུག་ལྟེ་གནས་ཀྱིས་གཙོ་གཉེར་བྱས་པ་དང་། མ་ལེ་ཞི་ཡ་དང་ཀྲུང་གོའི་མཛའ་གྲོགས་མཐུན་ཚོགས་ཀྱིས་གཞོགས་འདེགས་བྱས་ནས་གཉེར་བར། མ་ལེ་ཞི་ཡར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་གི་རྒྱབ་སྐྱོར་ཐོབ་ཡོད་པ་རེད།
ཉིན་དེའི་གླེང་སྟེགས་ཐོག ཚོགས་ཞུགས་སྐུ་མགྲོན་ཚོས་ཀྲུང་གོ་དང་མ་ལེ་ཞི་ཡའི་མཉམ་ལས་ཀྱི་མདུན་ལྗོངས་དང་། ཁུལ་ཁོངས་འཕེལ་རྒྱས། ཐུན་མོང་འགྲན་སློང་སོགས་ཀྱི་གྲོས་གཞིར་དམིགས་ནས་སྤེལ་རེས་གཏིང་ཟབ་བྱས་པ་མ་ཟད། རྒྱལ་ཁབ་གཉིས་པོའི་འགྲོ་འོང་གི་གྲུབ་འབྲས་དང་ཐུན་མོང་གི་ངོས་འཛིན་དེ་ལག་བསྟར་ཆོག་པའི་ཞིབ་ཕྲའི་བྱ་ཐབས་སུ་ཏན་ཏིག་འགྱུར་བར་བྱས་ནས་ཕྱོགས་གཉིས་པོའི་མཉམ་ལས་སྔར་བས་ཟབ་ཏུ་གཏོང་བ་དང་སྲིད་ཇུས་མཐུན་སྦྱོར་ལ་ཤུགས་སྣོན་བརྒྱབ་སྟེ། ཐུན་མོང་འཕེལ་རྒྱས་མངོན་འགྱུར་ཡོང་བར་རམ་འདེགས་བྱ་རྒྱུའི་རེ་སྒུག་བྱེད་བཞིན་ཡོད་ཅེས་བཤད་པ་རེད།
འབྲེལ་ཡོད་གསར་འགྱུར།