ཞིང་ལས་གྲོང་གསེབ་པུའུ་ཡིས།
དགུན་དུས་གྲོང་གསེབ་ཀྱི་སྤྲོ་གསེང་ཡུལ་སྐོར་ལམ་ཐིག་དང་མཛེས་ལྗོངས་ཁུལ་རྩེ་གྲ་ཁྱབ་བསྒྲགས་བྱས་པ།
ཉེ་ཆར། ཞིང་ལས་གྲོང་གསེབ་པུའུ་ཡིས“གྲོང་གསེབ་ཏུ་དགའ་འཛོམས་ཀྱིས་དཔྱིད་གསར་དུས་ཆེན་དགའ་གཏོང་བྱེད”ཅེས་པ་བརྗོད་དོན་གཙོ་བོར་བྱས་ནས་ཐེན་ཅིན་གྱི་མི་བཟོས་གཙང་པོའི་ཞིམ་ཟས་ཡུལ་སྐོར་དང་ཅང་སུའུ་གྲོང་རྡལ་གྱི་ཅང་ཚུའུ་རིག་གནས་སྤྲོ་གསེང་ཡུལ་སྐོར་སོགས་དགུན་དུས་གྲོང་གསེབ་ཀྱི་སྤྲོ་གསེང་ཡུལ་སྐོར་ལམ་ཐིག་རྩེ་གྲ་53དང་དེ་བཞིན་ཧྲན་ཏུང་ཝུའེ་ཧྥང་ཞའོ་མའེ་ཡུས་གྲོང་ཚོ་སོགས་མཛེས་ལྗོངས་ཁུལ་རྩེ་གྲ་144ཁྱབ་བསྒྲགས་བྱས་པ་རེད།
ད་ཐེངས་ཁྱབ་བསྒྲགས་བྱས་པའི་ལམ་ཐིག་དང་མཛེས་ལྗོངས་ཁུལ་རྩེ་གྲ་དེ་དག་ནི་དཔྱིད་གསར་དུས་ཆེན་གྱི་བརྗོད་དོན་གཙོ་བོ་དང་གུང་གསེང་རིང་གི་གྲོང་གསེབ་ཀྱི་སྤྲོ་གསེང་ཡུལ་སྐོར་ཐོན་རྫས་ལ་དམིགས་པ་ཞིག་ཡིན་ཞིང་། དེའི་ནང་མངོན་མིན་རིག་གནས་ཤུལ་བཞག་ཉམས་ལེན་དང་། གངས་ཤུད་གློད་པ་དང་གངས་རྩེད་རྩེ་བ། ཆུ་ཚན་ལུས་གསོ་སོགས་ཀྱི་ཁྱད་ལྡན་རྣམ་གྲངས་ཚུད་ཡོད། ས་གནས་ཁག་གི་གྲོང་གསེབ་ཀྱི་དགུན་དུས་མཛེས་ལྗོངས་དང་། ཡུལ་སྲོལ་གོམས་གཤིས། ཁྱད་ལྡན་ཐོན་རྫས་བཅས་གང་ལེགས་མངོན་པར་བྱས་ཏེ་ཁྱིམ་ཚང་ཡུལ་སྐོར་དང་། ཕ་མ་བུ་ཕྲུག་མཉམ་རོལ་ཡུལ་སྐོར། རིག་གནས་ཉམས་ལེན་ཡུལ་སྐོར་སོགས་སྣ་མང་ཁྲོམ་རའི་དགོས་མཁོ་དང་གནད་སྨིན་སྦྲེལ་མཐུད་བྱས་ནས་རྒྱ་ཆེའི་ཡུལ་སྐོར་བར་དཔྱིད་གསར་དུས་ཆེན་གྱི་ངལ་གསོའི་རིང་གྲོང་གསེབ་ཏུ་ཡུལ་སྐོར་ལ་སྐྱོད་པར་གདམ་ག་མང་པོ་ཡོད་པར་བྱས་ཡོད།
འབྲེལ་ཡོད་གསར་འགྱུར།