ཟླ་1ཚེས་27ཉིན། 《ཞི་ཅིན་ཕིང་དང་འཐབ་ཕྱོགས་དང་པོའི་ལས་བཟོ་གྲོགས་པོ་ཚོ》ཞེས་པ་དཔེ་སྐྲུན་བཞུགས་མོལ་ཚོགས་འདུ་པེ་ཅིང་དུ་འཚོགས་ཤིང་། རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ་དང་ཀྲུང་ཧྭ་རྒྱལ་ཡོངས་སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་ཝང་ཏུང་མིང་ཚོགས་འདུར་ཞུགས་པ་དང་འབྲེལ། གསུང་བཤད་ཀྱང་གནང་བ་རེད།

ཝང་ཏུང་མིང་གིས་གསུངས་དོན། 《ཞི་ཅིན་ཕིང་དང་འཐབ་ཕྱོགས་དང་པོའི་ལས་བཟོ་གྲོགས་པོ་ཚོ》ཞེས་པ་དངོས་སུ་དཔེ་སྐྲུན་འགྲེམས་སྤེལ་བྱས་པ་དེ་ཐོག་ནས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་བཟོ་པའི་གྲལ་རིམ་དང་བཟོ་ཚོགས་ཀྱི་ལས་དོན་ལ་ཚད་མཐོའི་མཐོང་ཆེན་གནང་ནས་རྒྱ་ཆེའི་ལས་བཟོ་མང་ཚོགས་ཚོར་ཐུགས་ཁུར་དང་གཅེས་སྐྱོང་གནང་ལུགས་གང་ལེགས་མཚོན་ཡོད། དེབ་འདི་ཞིབ་ཀློག་ནན་ཏན་བྱས་པ་བརྒྱུད། དེའི་ནང་འདུས་པའི་གཙོ་འཛིན་གྱི་བརྩེ་དུང་དང་དགོངས་དོན་གྱི་ནང་དོན་སློབ་སྦྱོང་དང་གོ་བ་གཏིང་ཟབ་བླངས་ཏེ། “གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་ལེན་པ་དང་། “སྲུང་སྐྱོང་གཉིས”མཐའ་གཅིག་ཏུ་ཐུབ་པར་བྱེད་པ། འགན་འཁྲི་འཁུར་སེམས་དང་ལས་འགན་སྒྲུབ་སེམས་དེ་བས་ཆེ་རུ་གཏོང་བ། བཟོ་ཚོགས་ཀྱི་ལས་དོན་ཁག་སྔར་ལས་ལེགས་པར་སྒྲུབ་པ་བཅས་བྱས་ནས། ལས་བཟོ་མང་ཚོགས་དུང་ཕྱུར་མང་པོ་རྒྱང་ལམ་གསར་པར་འབད་འབུངས་མདུན་སྐྱོད་དང་དུས་རབས་གསར་པར་བྱས་རྗེས་འཇོག་པར་མཐུན་སྒྲིལ་དང་སྐུལ་སློང་བྱེད་དགོས།