སྡེ་ཚན་9ཡིས་ཡིག་ཆ་བཀྲམ་ནས་སྨན་རྫས་སིལ་ཚོང་ལས་རིགས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་བ།
སྨན་རྫས་ཚོང་ཁང“བདེ་ཐང་ཞབས་ཞུའི་ས་ཚིགས”སུ་བསྒྱུར་བར་སྐུལ་འདེད་གཏོང་རྒྱུ་ཡིན་པ།
ཚོང་དོན་པུའུ་སོགས་སྡེ་ཚན་9ཡིས་མཉམ་འབྲེལ་ཐོག《སྨན་རྫས་སིལ་ཚོང་ལས་རིགས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུའི་སྐོར་གྱི་བསམ་འཆར》བཀྲམ་པ་རེད།
བསམ་འཆར་ནང་ཕྱོགས་ལྔའི་བྱ་ཐབས་གཙོ་བོ་བཏོན་པ་སྟེ། སྨན་རྫས་ལས་དོན་ལ་ཞབས་འདེགས་ཞུ་སྟངས་འཐུས་སྒོ་ཚང་དུ་གཏོང་རྒྱུ་ཡིན་ཞིང་། སྨན་རྫས་ཚོང་ཁང་གིས་སྨན་རྫས་རིག་པའི་ཞབས་ཞུའི་ནུས་པ་ཆེ་རུ་གཏོང་བ་དང་། སྨན་རྫས་ཉོ་སྒྲུབ་ཀྱི་ཉམས་ལེན་ཡག་ཏུ་གཏོང་བ། སྨན་རྫས་གཅིག་སྡུད་ཉོ་སྒྲུབ་ནང་ཞུགས་པ། གཏོང་སྤྲོད་འགན་ལེན་མ་ལག་འཛུགས་པ་སོགས་ལ་རྒྱབ་སྐྱོར་བྱེད་པའི་ཕྱོགས་བསྡུས་བྱེད་ཐབས་སྤྱད་དེ། སྨན་རྫས་ཚོང་ཁང“སྨན་རྫས་ཕྱིར་ཚོང་གི་མཐའ་སྣེ”ནས“བདེ་ཐང་ཞབས་ཞུའི་ས་ཚིགས”སུ་བསྒྱུར་བར་སྐུལ་འདེད་གཏོང་རྒྱུ་དང་། བདེ་ཐང་ལ་ཞབས་དེགས་ཞུ་སྟངས་གསར་གཏོད་བྱ་རྒྱུ་ཡིན་ཞིང་། སིལ་ཚོང་སྨན་རྫས་ཚོང་ཁང་གི་བདེ་ཐང་ཞབས་ཞུའི་ནུས་པ་རྒྱ་སྐྱེད་གཏོང་བ་དང་། བདེ་ཐང་ཞབས་ཞུའི་ཉམས་ལེན་ཆུ་ཚད་མཐོ་རུ་གཏོང་བ། སྨན་རྫས་སིལ་ཚོང་གི་ལས་རྣམ་ཕུན་སུམ་ཚོགས་སུ་གཏོང་བ། ཚོང་ཟོག་ཞབས་ཞུའི་ཉམས་ལེན་ལེགས་སུ་གཏོང་བ། སྨན་རྫས་ཐོན་རྫས་རིམ་སྤོར་ལ་རམ་འདེགས་བྱེད་པ་བཅས་བརྒྱུད། སྨན་རྫས་སིལ་ཚོང་ཁང་གི་བདེ་ཐང་ཞབས་ཞུའི་ནུས་པའི་ངེས་གནས་གཏན་འཁེལ་བྱེད་ཤུགས་ཆེ་རུ་བཏང་སྟེ་མི་དམངས་ཀྱི་སྨན་རྫས་བདེ་ཐང་དགོས་མཁོར་ཞབས་འདེགས་དེ་བས་ཡག་པོ་ཞུ་རྒྱུ། འཕྲལ་སྡོམ་ཞབས་ཞུར་ཤུགས་སྣོན་རྒྱག་རྒྱུ་ཡིན་ཞིང་། སྨན་རྫས་སིལ་ཚོང་ཁང་གི་འཕྲལ་སྡོམ་མཁོ་སྤྲོད་འགན་ལེན་ཁྲོད་ཀྱི་ཞབས་ཞུའི་ནུས་པ་ཆེ་རུ་གཏོང་བ་དང་སྨན་རྫས་འཕྲལ་སྡོམ་མཁོ་སྤྲོད་འགན་ལེན་གྱི་སྤྱི་པའི་འདེགས་སྐྱོར་ལ་ཤུགས་སྣོན་རྒྱག་པ་བརྒྱུད། ཐོལ་བྱུང་གནས་ཚུལ་འོག་གི་སྨན་རྫས་མཁོ་སྤྲོད་དང་སྨན་སྤྱོད་མཛུབ་ཁྲིད་ལ་ཤུགས་སྣོན་བརྒྱབ་སྟེ། སྨན་རྫས་མཁོ་སྤྲོད་འགན་ལེན་གྱི་མཐའ་སྣེའི་དྲ་རྒྱ་བསྐྲུན་རྒྱུ། ལས་རིགས་ཀྱི་གྲུབ་ཆ་ལེགས་སུ་གཏོང་རྒྱུ་ཡིན་ཞིང་། སྨན་རྫས་སིལ་ཚོང་ཁང་ཟླ་སྒྲིལ་བསྐྱར་སྒྲིག་ལ་རྒྱབ་སྐྱོར་བྱེད་པ་དང་། སྡེབ་ཚོང་དང་སིལ་ཚོང་གཞི་གཅིག་ཅན་འཕེལ་རྒྱས་གཏོང་རྒྱུར་སྐུལ་མ་གཏོང་བ། སྨན་རྫས་ཚོང་གཉེར་མ་ལག་ལེགས་སུ་གཏོང་བ་བཅས་བྱས་པ་བརྒྱུད། ལས་རིགས་ཀྱི་མཁོ་སྤྲོད་འཁོར་འབྲེལ་གྱི་ལས་ཕྱོད་ཆེ་རུ་གཏོང་བའི་དམིགས་ཡུལ་བསྒྲུབ་རྒྱུ། ལས་རིགས་ཀྱི་སྒྲིག་ལམ་ཚད་ལྡན་དུ་གཏོང་རྒྱུ་ཡིན་ཞིང་། བློ་རིག་ལྟ་འདོམས་འཕེལ་རྒྱས་གཏོང་བ་དང་། ལས་རིགས་ཀྱི་དྲང་གཞག་འགྲན་རྩོད་ལ་སྐུལ་འདེད་གཏོང་བ། ལས་རིགས་ཀྱི་རང་གཅུན་བྱེད་ཤུགས་ཆེ་རུ་གཏོང་བ་སོགས་ཀྱི་བྱ་ཐབས་བརྒྱུད། ཁྲོམ་རའི་སྒྲིག་ལམ་བསྲུངས་ནས་ལས་རིགས་ཀྱི་ཡིད་རྟོན་གཉེར་སྐྱོང་དང་སྐྱོན་བྲལ་འཕེལ་རྒྱས་ལ་སྐུལ་འདེད་གཏོང་རྒྱུ་བཅས་རེད།
འབྲེལ་ཡོད་གསར་འགྱུར།