● 2025ལོར། རྒྱལ་ཡོངས་ཀྱི་གྲོང་ཁྱེར་དང་གྲོང་རྡལ་གྱི་མི་ཁྲི་1267གསར་དུ་ལས་ཞུགས་ཐུབ་ནས། ལས་ཞུགས་ཀྱི་དུས་བབ་སྤྱིའི་ཆ་ནས་བརྟན་པོ་བྱུང་ཡོད།

● ཞིང་པ་ལས་མི་དང་ལྷག་པར་དུ་དབུལ་སྒྲོལ་མི་འབོར་ལ་དམིགས་ནས་ལས་བརྟན་ལས་ཞུགས་ཀྱི་ཆེད་དོན་བྱ་སྤྱོད་ལག་ལེན་བསྟར་བས། ལོ་མཇུག་ཏུ་དབུལ་སྒྲོལ་མི་འབོར་གྱི་ལས་ཞུགས་གཞི་ཁྱོན་མི་ཁྲི་3000ཡན་རྒྱུན་འཁྱོངས་ཐུབ་ཡོད་པ་རེད།

མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའུ་ནས་གསར་འགོད་པར་ཤེས་རྟོགས་བྱུང་བར། 2025ལོར། རྒྱལ་ཡོངས་ཀྱི་གྲོང་ཁྱེར་དང་གྲོང་རྡལ་གྱི་མི་ཁྲི་1267གསར་དུ་ལས་ཞུགས་ཐུབ་ནས། ལས་ཞུགས་ཀྱི་དུས་བབ་སྤྱིའི་ཆ་ནས་བརྟན་པོ་ཡོད་པ་རེད།

2025ལོར། གཙོ་གནད་ཁྱབ་ཁོངས་དང་། གཙོ་གནད་ལས་རིགས། གྲོང་ཁྱེར་དང་གྲོང་གསེབ་ཀྱི་གཞི་རིམ། ཁེ་ལས་འབྲིང་ཆུང་དང་ཕྲན་ཚེགས་ཁེ་ལས་བཅས་ཀྱི་ལས་གནས་སྔོག་འདོན་རྒྱ་སྐྱེད་ལས་དོན་ལ་རྒྱུན་མཐུད་སྐུལ་འདེད་བཏང་བར། ལས་ཤོར་འགན་བཅོལ་གྱི་གྲོན་ཚད་དམའ་རུ་སོང་སྟེ་ལས་ཤོར་འགན་བཅོལ་གྲོན་དངུལ་སྒོར་དུང་ཕྱུར་1872ཆག་པ་དང་ཆབས་ཅིག ལས་བརྟན་ཕྱིར་སློག་མ་དངུལ་སྒོར་དུང་ཕྱུར་336སྤྲད་པ་རེད། ཁེ་ལས་ཀྱི་ལས་བཟོ་དང་། མཐོ་སློབ་སློབ་ཐོན་སློབ་མ། ཞིང་པ་ལས་མི་སོགས་གཙོ་གནད་ཚོགས་སྤྱིར་དམིགས་ནས། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་སྡེ་ཚན་གྱིས་འབྲེལ་ཡོད་སྡེ་ཚན་དང་མཉམ་དུ་ཁྱབ་ཁོངས་ཕྱེ་ནས་ཆེད་དོན་གསོ་སྦྱོང་འཆར་གཞི་ལག་ལེན་བསྟར་ཏེ། ལོ་ཧྲིལ་པོར་མི་ཐེངས་ཁྲི་1100ལྷག་ཙམ་ལ་མ་དངུལ་ཁ་གསབ་རང་བཞིན་གྱི་གསོ་སྦྱོང་བྱས་པ་རེད། ཞིང་པ་ལས་མི་དང་ལྷག་པར་དུ་དབུལ་སྒྲོལ་མི་འབོར་ལ་དམིགས་ནས་ལས་བརྟན་ལས་ཞུགས་ཀྱི་ཆེད་དོན་བྱ་སྤྱོད་ལག་ལེན་བསྟར་བས། ལོ་མཇུག་ཏུ་དབུལ་སྒྲོལ་མི་འབོར་ལས་ཞུགས་གཞི་ཁྱོན་མི་ཁྲི་3000ཡན་རྒྱུན་འཁྱོངས་ཐུབ་ཡོད་པ་རེད།