ཆེས་མཐོའི་མི་དམངས་ཁྲིམས་ཁང་གིས་ཚེས་26ཉིན་གསར་འགྱུར་ཡོངས་བསྒྲགས་ཚོགས་འདུ་འཚོགས་ནས། མི་དམངས་ཁྲིམས་ཁང་གིས་སྣོལ་སྡེབ་ལག་བསྟར་སྣེ་ཁྲིད་དུ་བྱས་ནས་ལག་བསྟར་བྱེད་དཀའ་བའི་ལས་དོན་ཐག་གཅོད་ནུས་ལྡན་བྱས་ཚུལ་ངོ་སྤྲོད་བྱས་པ་རེད། 2025ལོར་ཡིད་རྟོན་ཤོར་བའི་མིང་ཐོའི་ནང་གསར་དུ་བཅུག་པའི་མི་ཐེངས་ཁྲི་233.98ཟིན་པ་དང་དུས་མཚུངས་མི་ཐེངས་ཁྲི་266.96གི་ཡིད་རྟོན་སླར་གསོ་བྱུང་རྗེས་ཁྲོམ་རར་ཞུགས་པས། ཡིད་རྟོན་སླར་གསོའི་མི་ཐེངས་དུས་ཚིགས་7བསྟུད་མར་ཡིད་རྟོན་ཤོར་བའི་མིང་ཐོའི་ནང་གསར་དུ་བཅུག་པའི་མི་གྲངས་ལས་བརྒལ་ཡོད། རིམ་རྩིས་བརྒྱབ་ན། ལག་བསྟར་བྱ་ཡུལ་མི་ཁྲི་1865.18ཡིད་རྟོན་ཤོར་བའི་ཆད་གཅོད་ཀྱི་གནོན་ཤུགས་རྐྱེན་པས་རང་འགུལ་ངང་འོས་འགན་བསྒྲུབས་ཡོད། དཔྱད་ཁྲ་དང་ཁྲུན་གཅོད་ལག་བསྟར་མི་བྱེད་མཁན་གྱི་མི་4461ལ་བདའ་འདེད་བཏང་སྟེ་ཡིད་རྟོན་ཤོར་བའི་བྱེད་སྤྱོད་ལ་དམ་བསྒྲགས་ཀྱི་རྣམ་པ་རྒྱུན་འཁྱོངས་བྱས་ཡོད།

ཆེས་མཐོའི་ཁྲིམས་ཁང་གི་ལག་བསྟར་ཅུས་ཀྱི་ཅུས་ཀྲང་ཧོང་ཝུན་ཅུན་གྱིས་2025ལོར་དམངས་དོན་ཁྲིམས་གཅོད་རང་འགུལ་ལག་བསྟར་བྱེད་ཚད་61.01%ཟིན་ཏེ་དུས་མཚུངས་ལས་བརྒྱ་ཆའི་གྲངས་2.7འཕར་ཡོད། ལག་བསྟར་གྱོད་གཞིའི་གྲངས་འབོར་དུས་མཚུངས་ལས་15.43%འཕར་བའི་གནས་ཚུལ་འོག་ལག་བསྟར་བྱེད་ཚད་50.59%ཟིན་པ་དང་། ལག་བསྟར་བྱས་ཟིན་ཚད་39.29%ཟིན་པ། ལག་བསྟར་བྱས་པའི་དངུལ་འབོར་སྒོར་དུང་ཕྱུར་ཁྲི་2.2ཙམ་ཟིན་ཡོད་ཅེས་ངོ་སྤྲོད་བྱས་པ་རེད།