ཕྱི་ཕྱོགས་ཚོང་དོན་གྱི་ཞབས་ཞུའི་བྱེད་ཐབས་སྦབ་ཆ་གཅིག་མུ་མཐུད་བཏོན་པ་དང་སྦྲགས། 2025ལོར་བོད་རང་སྐྱོང་ལྗོངས་ཀྱི་དངོས་ཟོག་ཉོ་ཚོང་ཕྱིར་གཏོང་ནང་འདྲེན་གྱི་རིན་ཐང་བསྡོམས་སྒོར་དུང་ཕྱུར་84.79ཟིན་ཡོད། དེའི་ནང་སྤྱིར་བཏང་ཚོང་དོན(རྒྱལ་སྒྲོལ་དྲ་ཐོག་ཚོང་དོན་ཚུད་པ)ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་44.75ཟིན་པ་དང་། མཐའ་མཚམས་འབོར་ཆུང་ཉོ་ཚོང་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་28.29ཟིན་པ། སྒོ་ཁྲལ་མེད་པའི་ཟོག་འགྲུལ་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་3.76ཟིན་པ། ལག་འབྱོར་རྒྱུ་ཆ་ལས་སྣོན་བྱེད་པའི་ཉོ་ཚོང་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་6.76ཟིན་ཡོད་པ་རེད།

ཤེས་རྟོགས་བྱུང་བར་གཞིགས་ན། 2025ལོར་རང་ལྗོངས་སུ་ཕྱིར་གཏོང་ནང་འདྲེན་གྱི་དངོས་ཡོད་གྲུབ་འབྲས་ལྡན་པའི་ཁེ་ལས་226ཟིན་པ་དེ་དུས་མཚུངས་ལས་12.4%འཕར་ཞིང་། དམངས་གཉེར་ཁེ་ལས་ཀྱིས་ཕྱི་ཕྱོགས་ཚོང་དོན་གྱི་བྱེད་པོའི་གནས་བབ་རྒྱུན་མཐུད་བཟུང་ནས། ལོར་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་72.68ཟིན་པ་དེས་ལྗོངས་ཡོངས་ཀྱི་ཕྱི་ཕྱོགས་ཚོང་དོན་གྱི་རིན་ཐང་བསྡོམས་འབོར་གྱི་85.7%བཟུང་སྟེ་ཕྱི་ཕྱོགས་ཚོང་དོན་འཕར་བའི་སྟོབས་ཤུགས་གལ་ཆེན་དུ་གྱུར་ཡོད། ཕྱི་རྒྱལ་ཚོང་པའི་མ་འཇོག་ཁེ་ལས་ཀྱི་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་6.13ཟིན་པ་དེ་དུས་མཚུངས་ལས་ལྡབ་65འཕར་ནས། ཁྲོམ་རའི་མི་མངོན་པའི་སྟོབས་ཤུགས་ཆེ་རུ་ཤུགས་ཆེན་ཕྱིན་ཏེ་བོད་ཀྱི་ཕྱི་ཕྱོགས་ཚོང་དོན་གྱི་གཉེར་སྐྱོང་བྱེད་པོའི་དཔུང་ཁག་རྒྱུན་ཆད་མེད་པར་སྟོབས་ཆེར་ཕྱིན་ཡོད་པ་རེད།