2025ལོར་བོད་ཀྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་33600ཟིན་ནས་དུས་མཚུངས་ལས་7.2%འཕར་བ་དང་། གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་58794ཟིན་ནས་དུས་མཚུངས་ལས་6.0%འཕར་བ། གྲོང་གསེབ་ཀྱི་ཡུལ་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་23184ཟིན་ནས་དུས་མཚུངས་ལས་7.4%འཕར་ཡོད།

གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་ནང་གླ་ཕོགས་རང་བཞིན་གྱི་ཡོང་འབབ་7.0%འཕར་བ་དང་། གཉེར་སྐྱོང་ཡོང་འབབ་ཁེ་གཙང་6.9%འཕར་བ། རྒྱུ་ནོར་ཡོང་འབབ་ཁེ་གཙང་7.6%འཕར་བ། སྤོ་སྒྱུར་ཡོང་འབབ་ཁེ་གཙང་7.8%འཕར་ཡོད།

གསར་འགོད་པས་བོད་རང་སྐྱོང་ལྗོངས་མི་དམངས་སྲིད་གཞུང་གིས་འཚོགས་པའི་གསར་འགྱུར་ཡོངས་བསྒྲགས་ཚོགས་འདུའི་ཐོག་ཤེས་རྟོགས་བྱས་པར། 2025ལོར་བོད་ཀྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་33600ཟིན་ནས་དུས་མཚུངས་ལས་7.2%འཕར་བ་དང་། གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་58794ཟིན་ནས་དུས་མཚུངས་ལས་6.0%འཕར་བ། གྲོང་གསེབ་ཀྱི་ཡུལ་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་23184ཟིན་ནས་དུས་མཚུངས་ལས་7.4%འཕར་ཡོད།

ཡོང་འབབ་ཀྱི་གྲུབ་ཆ་ནས་བལྟས་ན། གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་ནང་གླ་ཕོགས་རང་བཞིན་གྱི་ཡོང་འབབ་7.0%འཕར་བ་དང་། གཉེར་སྐྱོང་ཡོང་འབབ་ཁེ་གཙང་6.9%འཕར་བ། རྒྱུ་ནོར་ཡོང་འབབ་ཁེ་གཙང་7.6%འཕར་བ། སྤོ་སྒྱུར་ཡོང་འབབ་ཁེ་གཙང་7.8%འཕར་ཡོད། གྲོང་མིའི་ཡོང་འབབ་ཁག་བཞི་ཡིས་བཟུང་བའི་བསྡུར་ཚད་54.1%དང་། 22.5% 6.0% 17.3%བཅས་སོ་སོར་ཡིན་པ་དང་། གླ་ཕོགས་རང་བཞིན་གྱི་ཡོང་འབབ་ཀྱིས་བཟུང་བའི་གནས་བབ་གཙོ་བོ་སྔར་བས་བརྟན་དུ་སོང་ཡོད། གཞན་ཡང་། བོད་ཀྱི་གྲོང་མིའི་ཡོང་འབབ་འཕར་བའི་སྤུས་ཚད་བརྟན་པོའི་ངང་མཐོ་རུ་འགྲོ་བཞིན་ཡོད། གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་རྒྱལ་ཡོངས་ཀྱི་ཆ་སྙོམས་ཆུ་ཚད་ཀྱི་104.1%ལ་སླེབས་པ་དང་བསྡུར་ཚད་དེ་ལོ་གོང་མ་ལས་བརྒྱ་ཆའི་གྲངས་1.8མཐོ་རུ་ཕྱིན་ཡོད། གྲོང་གསེབ་ཀྱི་ཡུལ་མིའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་རྒྱལ་ཡོངས་ཀྱི་ཆ་སྙོམས་ཆུ་ཚད་ཀྱི་94.8%ལ་སླེབས་པ་དང་བསྡུར་ཚད་ལོ་གོང་མ་ལས་བརྒྱ་ཆའི་གྲངས་1.5མཐོ་རུ་ཕྱིན་ནས་རྒྱལ་ཡོངས་ཀྱི་ཆ་སྙོམས་ཆུ་ཚད་དང་ཧེ་བག་སྔར་བས་ཆུང་དུ་སོང་ཡོད། གྲོང་ཁྱེར་དང་གྲོང་གསེབ་ཀྱི་གྲོང་མིའི་ཡོང་འབབ་བསྡུར་ཚད་ལོ་གོང་མའི་2.57ནས་2.54བར་ཆག་པ་དང་གྲོང་ཁྱེར་དང་གྲོང་གསེབ་ཀྱི་ཡོང་འབབ་ཧེ་བག་ཀྱང་སྔར་བས་ཆུང་དུ་སོང་ཡོད།