རྒྱལ་སྲིད་སྤྱི་ཁྱབ་ཁང་ཡོམ་འགོག་གེགས་སེལ་བཀོད་འདོམས་པུའུ་གཞུང་ལས་ཁང་དང་འཕྲལ་སྡོམ་དོ་དམ་པུའུ་ཡིས་རྒྱལ་ཁབ་ཀྱི་ས་ཡོམ་གནོད་འཚེའི་རིམ་པ་བཞི་པའི་འཕྲལ་སྡོམ་ལག་ལེན་བསྟར་བ།

འདི་ག་ཚགས་པར་ཁང་དུ་པེ་ཅིང་ནས་ཟླ་1ཚེས་26ཉིན་གློག་འཕྲིན་འབྱོར་གསལ། ཟླ་1ཚེས་26ཉིན་གྱི་ཆུ་ཚོད་14དང་སྐར་མ་56ལ་ཀན་སུའུ་ཀན་ལྷོ་བོད་རིགས་རང་སྐྱོང་ཀྲོའུ་ཐེ་བོ་རྫོང(བྱང་གི་འཕྲེད་ཐིག་ཏུའུ་34.06དང་ཤར་གྱི་གཞུང་ཐིག་ཏུའུ་103.25)དུ་ས་ཡོམ་རིམ་པ་5.5བརྒྱབ་པ་དང་། ཡོམ་ཁུངས་ཀྱི་གཏིང་ཚད་སྤྱི་ལེ་10ཟིན་ཡོད།

ས་ཡོམ་བརྒྱབ་རྗེས། རྒྱལ་སྲིད་སྤྱི་ཁྱབ་ཁང་ཡོམ་འགོག་གེགས་སེལ་བཀོད་འདོམས་པུའུ་དང་འཕྲལ་སྡོམ་དོ་དམ་པུའུ་ཡི་འབྲེལ་ཡོད་འགན་འཁུར་བས་འཕྲལ་མར་བཀོད་སྒྲིག་བྱས་ཏེ། ས་ཡོམ་གྱི་གནས་ཚུལ་དང་གནོད་འཚེའི་གནས་ཚུལ་གང་མགྱོགས་ཞིབ་དཔྱད་བྱས་ནས་གནོད་འཚེའི་གནས་ཚུལ་གྲལ་བཤེར་དང་ཉེན་སེལ་གུད་སྐྱོབ་གྲ་སྒྲིག་སོགས་ཀྱི་ལས་དོན་ནུས་ཤུགས་ཡོད་རྒུས་ཡག་པོ་བསྒྲུབ་དགོས་པའི་བླང་བྱ་བཏོན་པ་རེད། རྒྱལ་སྲིད་སྤྱི་ཁྱབ་ཁང་ཡོམ་འགོག་གེགས་སེལ་བཀོད་འདོམས་པུའུ་གཞུང་ལས་ཁང་དང་འཕྲལ་སྡོམ་དོ་དམ་པུའུ་ཡིས་རྒྱལ་ཁབ་ཀྱི་ས་ཡོམ་གནོད་འཚེའི་རིམ་པ་བཞི་པའི་འཕྲལ་སྡོམ་ལག་ལེན་བསྟར་ནས་ལས་དོན་ཚོགས་ཆུང་ཡོམ་ཁུལ་དུ་ཡོམ་འགོག་གེགས་སེལ་ལས་དོན་ལ་མཛུབ་ཁྲིད་བྱེད་པར་མངགས་ཡོད།

རྒྱལ་ཁབ་ཕྱོགས་བསྡུས་རང་བཞིན་མེ་གསོད་རོགས་སྐྱོབ་དཔུང་ཁག་འཕྲལ་མར་ཡོམ་ལྟེར་བསྐྱོད་དེ་གྲལ་བཤེར་ལས་དོན་སྤེལ་འགོ་ཚུགས་པ་རེད། མིག་སྔའི་བར། མི་སྣ་ཤི་རྨས་ཀྱི་སྙན་ཞུ་འབྱོར་མེད་པ་དང་། གནོད་འཚེའི་གནས་ཚུལ་ལ་སྔར་བས་ཞིབ་དཔྱད་བྱེད་བཞིན་ཡོད།