ཉིང་ཁྲིར་ཧན་ཡུས་སྐོར་གླེང་སྐབས་གྲོང་མི་ཚང་མས་རྒྱུས་མངའ་ཆེན་པོ་ཡོད། ཁོང་ནི་ཁོར་ཡུག་སྲུང་སྐྱོང་གི་འཛུགས་སྐྲུན་རྒྱུ་ཆ་བཟོ་གྲྭ་འཛུཌ་མཁན་ཞིག་དང་། མང་ཚོཌ་ཀྱི་སྣེ་ཁྲིད་དེ་ཡོང་འབབ་གསོག་མཁན་གྱི“སྦྱིན་བདག”ཅིག་ཡིན་ལ། རྒྱུན་དུ་གྲོང་ཚོར་བསྐྱོད་ནས་དཀའ་གནད་ཐག་གཅོད་བྱེད་མཁན་གྱི་རང་སྐྱོང་ལྗོངས་སྲིད་གྲོས་ཀྱི་ཨུ་ཡོན་ཞིག་ཀྱང་ཡིན། ས་མཐོར་ལོ་24ཕྱག་ལས་གནང་མྱོང་བའི“བོད་སྐྱོད་པ་རྒན་གྲས”ཁོང་གིས་2025ལོར་དོན་དག་གསུམ་བསྒྲུབས་པ་སྟེ། རྒྱལ་ལམ་རྒྱུད་ཀྱི་ཡུལ་མི་ཚོས་ཡོང་འབབ་མང་ཙམ་གསོག་ཐུབ་པ་དང་། སྔོ་ལྗང་ཅན་གྱི་གྲོང་གསེབ་འཛུཌ་སྐྲུན། དམངས་གཉེར་ཁེ་ལས་འཕེལ་རྒྱས་བདེ་བླག་ཡོང་བ་བཅས་བྱས་ནས། བྱ་སྤྱོད་དངོས་ལ་བརྟེན་ནས་མང་ཚོཌ་ཀྱི་དོན་དག་རང་ཉིད་ཀྱི་བྱ་བར་བརྩིས་ནས་སྒྲུབ་པའི་དམ་བཅའ་ཁ་བཤད་ལག་བསྟར་བྱས་ཡོད།

“སྔོན་མ་རྒྱལ་ལམ་219ལ་སྐྱོད་སྐབས། ལམ་ཕྱེད་དུ་གློག་དང་སྣུམ་རྫོགས་ཏེ་རླངས་འཁོར་ནས་བབས་ཏེ་ཡུལ་ལྗོངས་ལྟ་དགོས་བསམ་ཡང་འདམ་བག་གིས་ཁེངས་ནས་འབབ་ས་མེད”ཅེས་པ་ནི་ཧན་ཡུས་ཀྱིས་བརྟག་ཞིབ་གནང་སྐབས་ལམ་རྒྱུད་ཀྱི་མང་ཚོཌ་དང་ཡུལ་སྐོར་བས་གླེང་མང་ཤོས་ཀྱི་གནད་དོན་ཡིན། ལོ་ལྟར་མཐའ་མཚམས་སུ་སྐྱོད་མཁན་གྱི་ཁེ་ལས་མཁས་ཅན་ཞིག་ཡིན་པའི་ཁོང་གིས་རྒྱལ་ལམ་219ནི་གཞུང་ཨ་མ་ཞིག་ཡིན་པ་མ་ཟད། དེ་བས་ཀྱང་ལམ་རྒྱུད་མང་ཚོཌ་ཀྱི“ཕྱུག་འགྱུར་ལམ་བུ”ཞིག་ཀྱང་ཡིན་པ་གསལ་པོ་མཁྱེན་གྱི་ཡོད།

2025ལོའི་ལོ་འགོར་རང་སྐྱོང་ལྗོངས་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་གསུམ་པའི་ཐོག་ཁོང་གིས《རྒྱལ་ལམ་219རྣམ་གྲངས་ཀྱི་ལྷན་སྦྱར་སྒྲིག་བཀོད་འཐུས་སྒོ་ཚང་དུ་གཏོང་བ་དང་རིག་གནས་དང་ཡུལ་སྐོར་མཉམ་འདྲེས་འཕེལ་རྒྱས་གཏོང་རྒྱུའི་སྐོར་གྱི་གྲོས་གཞི》ཕུལ་ནས་བསྡུ་རུབ་བྱས་པའི་རེ་འདུན་12རེ་རེ་བཞིན་གྲོས་གཞིའི་ནང་བྲིས་ཏེ་གློག་སྡོང་དང་། ལྗོངས་གཟིགས་སྟེགས་བུ། དམངས་སྲོལ་གནས་ཚང་སོགས་བསྐྲུན་དགོས་པའི་གྲོས་འགོ་བཏོན་ཡོད།

ཁོང་གི་བསམ་ཡུལ་ལས་འདས་པ་ཞིག་ལ། གྲོས་འགོར་ལན་མགྱོགས་པོ་བརྒྱབ་ཅིང་། རང་སྐྱོང་ལྗོངས་འགྲིམ་འགྲུལ་སྐྱེལ་འདྲེན་ཐིང་གིས་རིག་གནས་ཡུལ་སྐོར་ཐིང་དང་ཚོང་དོན་ཐིང་དང་མཉམ་དུ་ཆེད་མངགས་ལན་བཏབ་ནས་ལས་དོན་སྤེལ་དགོས་པ་ཁ་གསལ་བཏོན་པ་མ་ཟད། སྐུལ་འདེད་འཆར་གཞིའང་ཞིབ་ཕྲ་བཀོད་ཡོད།

གྲོང་མི་རྣམས་དགའ་འོས་པ་ཞིག་ནི“ཀུང་སི་དང་། མཉམ་ལས་ཁང་། ཞིང་དུད”བཅས་ཟུང་དུ་འབྲེལ་བའི་བདག་སྐྱོང་བྱེད་ཐབས་ལག་ལེན་བསྟར་ནས་ལོ་ལྟར་གཞུང་ལམ་བདག་སྐྱོང་གི་སྐྱེ་ཁམས་ལས་གནས་ཁྲི་2ལྷག་ཙམ་མཁོ་འདོན་བྱས་པས། མི་རེར་ལོ་རེར་ཁ་གསབ་སྒོར་3500རག་ནས་གྲོང་མི་མི་ཉུང་བ་ཞིག་སྒོ་འགྲམ་དུ་ཡོང་འབབ་གསོག་ཐུབ་ཡོད།

2025ལོའི་དབྱར་ཁར་ཧན་ཡུས་སླར་ཡང་རྒྱལ་ལམ་219རུ་སྐྱོད་སྐབས་ལམ་རྒྱུད་དུ་རླངས་འཁོར་འཇོག་ས་དང་གསང་སྤྱོད་བསྐྲུན་པ་དང་། “རྒྱལ་ལམ219ཡི་ཕུགས་འདུན་བཟང་པོ”སོགས་ཡུལ་སྐོར་ལམ་ཐིག་ལ་འཁོར་གཏོང་ཡུལ་སྐོར་བ་མང་དུ་ཕྱིན་པ་དང་ལམ་རྒྱུད་མང་ཚོགས་ཀྱིས་ཁྱད་ལྡན་ཐོན་རྫས་འཚོང་བ་དང་ཁྱིམ་ཚང་མགྲོན་ཁང་གཉེར་བ་བརྒྱུད་མི་རེར་ལོ་རེའི་ཆ་སྙོམས་ཡོང་འབབ་སྒོར་ཁྲི་1.2རག་པ་མིག་མཐོང་ལག་ཟིན་བྱུང་ཡོད།

“ས་མཐོའི་སྔོ་ལྗང་རི་ཀླུང་སྲུང་སྐྱོང་བྱེད་དགོས་ལ་མང་ཚོགས་རྣམས་དེ་བས་བདེ་སྐྱིད་ལྡན་པའི་འཚོ་བ་ཞིག་སྐྱེལ་ཐུབ་པ་བྱེད་དགོས”ཞེས་པ་ནི་ཧན་ཡུས་ཀྱིས་རྟག་ཏུ་གསུང་བའི་སྐད་ཆ་ཡིན། 2025ལོར་ཁོང་གིས་ཉིང་ཁྲིའི་རུན་ཤིན་ཁེ་ལས་ཀྱི་སྣེ་ཁྲིད་དེ་རང་བདག་ཞིབ་སྤེལ་བྱས་པའི“འཛུགས་སྐྲུན་སྙིགས་རོས་བཟོས་པའི་སོ་ཕག”ཐོན་སྐྱེད་སྒྲུབ་རིམ་ཉིང་ཁྲིའི་ཤང་དང་གྲོང་རྡལ་3གྱི་ཐོན་ལས་གླིང་དུ་ཁྱབ་གདལ་བཏང་ཡོད། ཁོར་ཡུག་སྲུང་སྐྱོང་གི་སོ་ཕག་འདི་རིགས་སྲེག་མི་དགོས་པ་མ་ཟད། སྦགས་བཙོག་ཀྱང་མེད་པས། ལོ་ཧྲིལ་པོར་འཛུགས་སྐྲུན་བེད་མེད་རྒྱུ་ཆ་ཏུན་ཁྲི་5བསྡུ་ལེན་ཐུབ་པའི་ཁར། ད་དུང་གྲོང་མིར་དངུལ་གྲོན་ཆུང་ཐུབ་ཡོད། སྨན་གླིང་གྲོང་ཁྱེར་བྷ་ག་གྲོང་ཚོའི་ཡུལ་མི་སྒྲོལ་མས། “གྲོང་ཚོས་ཨར་འདམ་གྱི་ལམ་དང་གྱང་བསྐོར་བར་སོ་ཕག་འདི་རིགས་སྤྱོད་ཀྱི་ཡོད། མཁྲེགས་པོ་ཡོད་པ་མ་ཟད་ཁོར་ཡུག་ལ་སྲུང་སྐྱོང་ཐུབ་ཀྱི་འདུག ད་དུང་ང་ཚོ་སོ་ཕག་བཟོ་གྲྭར་ལས་ཀར་ཕྱིན་ནས་ཟླ་རེར་གླ་ཆ་སྒོར་6000སྤྲོད་ཀྱི་འདུག་པས་སྔོན་མ་གླ་པ་རྒྱུག་པ་ལས་ཧ་ཅང་གིས་མཐོ་བ་འདུག”ཅེས་བཤད།

རང་སྐྱོང་ལྗོངས་བཟོ་ཚོང་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་གཞོན་པའི་ངོས་ནས་ཧན་ཡུས་ཀྱིས་སྔར་བཞིན་དམངས་གཉེར་ཁེ་ལས་ཀྱི་འཕེལ་རྒྱས་ཐུགས་ལ་བཅངས་ཤིང་། 2025ལོར་ཁོང་གིས་དམངས་གཉེར་ཁེ་ལས་20ལྷག་ཙམ་ལ་བསྐྱོད་དེ་བརྟག་དཔྱད་གནང་སྐབས་སྦྱིན་བདག་མི་ཉུང་བ་ཞིག་ལ་མ་དངུལ་བསྡུ་སྒྲིལ་དཀའ་བ་དང་སྲིད་ཇུས་ལག་བསྟར་ཡག་པོ་མ་བྱུང་བ་སོགས་ཀྱི་གནད་དོན་འཕྲད་པ་མཁྱེན་ཡོད། རང་སྐྱོང་ལྗོངས་སྲིད་གྲོས་ཀྱི་ཆེད་དོན་གྲོས་མོལ་ཚོགས་འདུའི་ཐོག་ཁོང་གིས“སྲིད་གཞུང་དང་ཁེ་ལས་མཉམ་འབྲེལ”གྱི་ཞབས་ཞུའི་མ་ལག་འཛུགས་རྒྱུའི་གྲོས་འགོ་བཏོན་གནང་བ་མ་ཟད་རྒྱུན་རྣམ་ཅན་གྱི་འབྲེལ་གཏུག་ལམ་སྲོལ་འཛུགས་རྒྱུའི་རེ་འབོད་ཀྱང་གནང་ཡོད། ཁོང་གི་སྐུལ་འདེད་འོག་ཉིང་ཁྲི་གྲོང་ཁྱེར་གྱིས་སྲིད་གཞུང་དང་ཁེ་ལས་དབར་འབྲེལ་གཏུག་བྱེད་པའི་ལས་སྟེགས་བཙུགས་པ་དང་ལོ་ཧྲིལ་པོར་དངུལ་ཁང་དང་ཁེ་ལས་དབར་འབྲེལ་གཏུག་ཚོགས་འདུ་ཐེངས་3འཚོགས་ནས་དམངས་གཉེར་ཁེ་ལས་12ལ་ཡིད་རྟོན་དངུལ་སྒོར་ཁྲི་8000རག་ཡོད། ཁོང་གིས་ད་དུང་སྣེ་ཁྲིད་ནས“ཁེ་ལས་ཁྲི་ལ་བརྟེན་ནས་གྲོང་ཚོ་ཁྲི་དར་རྒྱས་གཏོང་བའི”བྱ་སྤྱོད་ལ་སྐུལ་འདེད་བཏང་སྟེ་དམངས་གཉེར་ཁེ་ལས་93གྱིས་གྲོང་ཚོ་112ལ་ཆ་འགྲིག་རོགས་སྐྱོར་བྱས་པར་བརྟེན་མང་ཚོགས་དུད་ཚང་468ལ་འབབ་འཕར་བརྟན་པོ་བྱུང་ཡོད།

2025ལོར། ཧན་ཡུས་ཀྱིས་གྲུབ་འབྲས་ཐོབ་པའི་གྲོས་གཞི་དང་། ལྗང་མདོག་ཁོར་ཡུག་སྲུང་སྐྱོང་གི་ཐོན་ལས། དམངས་སེམས་ལ་དྲོ་སྐྱིད་སྦྱིན་པའི་དགེ་སྒྲུབ་བྱ་ཐབས་བཅས་ལ་བརྟེན་ནས“སྲིད་གྲོས་ཨུ་ཡོན”གྱི་འགན་འཁྲིར་གསལ་འགྲེལ་ལེགས་པར་བྱས་ཡོད།