2026ལོའི་དཔྱིད་གསར་དུས་ཆེན་དང་བོད་ཀྱི་ལོ་གསར་ལ་ངལ་གསོ་འཇོག་པའི་སྐོར་གྱི་ལྷ་ས་གྲོང་ཁྱེར་མི་དམངས་སྲིད་གཞུང་གཞུང་དོན་ཁང་གི་བརྡ་ཐོ།

གྲོང་ཁྱེར་དུ་བཅའ་སྡོད་ཚན་པ་ཁག་ལ།

《རྒྱལ་ཡོངས་ཀྱི་ལོ་གསར་དང་དུས་ཆེན་དང་དེ་བཞིན་དྲན་གསོའི་ཉིན་མོར་ངལ་གསོ་འཇོག་པའི་བྱ་ཐབས》དང《2026ལོའི་དུས་ཆེན་དང་ངལ་གསོ་ཁག་གཅིག་བཀོད་སྒྲིག་བྱེད་པའི་སྐོར་གྱི་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གི་བརྡ་ཐོ》ཡི་དགོངས་དོན་གཞིར་བཟུང་། ད་ལྟ་2026ལོའི་དཔྱིད་གསར་དུས་ཆེན་དང་བོད་ཀྱི་ལོ་གསར་གྱི་ངལ་གསོ་བཀོད་སྒྲིག་བྱེད་པའི་བརྡ་ཐོ་གཏོང་རྒྱུ་གཤམ་གསལ།  2026ལོའི་དཔྱིད་གསར་དུས་ཆེན་དང་བོད་ཀྱི་ལོ་གསར་ལ་ཁྱོན་ངལ་གསོ་ཉིན་12འཇོག་རྒྱུ་ཡིན་ཞིང་། 2026ལོའི་ཟླ་2ཚེས་15ནས་26ཉིན་བར་ཡིན་པ་དང་། ཟླ་2ཚེས་14ཉིན(གཟའ་སྤེན་པ)དང་ཟླ་2ཚེས་28ཉིན(གཟའ་སྤེན་པ)ལས་ཀར་ཡོང་དགོས།

ངལ་གསོའི་རིང་ལས་ཁུངས་ཁག་གིས་ལས་རེས་དང་། བདེ་འཇགས། བདེ་སྲུང་།རིམས་ནད་སྔོན་འགོག་དང་ཚོད་འཛིན་སོགས་ཀྱི་ལས་དོན་བཀོད་སྒྲིག་ཡག་པོ་བྱེད་དགོས། གལ་སྲིད་ཐོལ་བྱུང་གི་དོན་རྐྱེན་ཚབས་ཆེན་ཐོན་ཚེ། གཏན་འབེབས་ལྟར་དུས་ཐོག་ཏུ་སྙན་སེང་ཞུ་བ་དང་ཐག་གཅོད་འོས་འཚམ་བྱས་ནས། མི་དམངས་མང་ཚོགས་རྣམས་བདེ་འཇགས་དང་དགའ་སྤྲོའི་ངང་ལོ་གསར་གཏོང་ཐུབ་པའི་འགན་ལེན་བྱེད་དགོས།

དམིགས་སུ་བརྡ་ཐོ་འདི་བཏང་།

ལྷ་ས་གྲོང་ཁྱེར་མི་དམངས་སྲིད་གཞུང་གཞུང་དོན་ཁང་གིས།

2026ལོའི་ཟླ་1ཚེས་28ཉིན།