འདི་ནི་ཧྲ་ལཱ(གཡོན་གྱི་གསུམ་པ)ཡིས་ས་གནས་དེ་གའི་ལས་རོགས་དང་མཉམ་དུ་ཀྲུང་གོའི་ཁེ་ལས་ཀྱིས་སྐྲུན་འགན་འཁུར་བའི་སི་ཕེན་གྲུ་ཁ་སྤྱི་ཁྱབ་སྨན་ཁང་གི་ལྟེ་བའི་བ་གམ་གྱི་མདུན་དུ་མཉམ་པར་རྒྱག་བཞིན་པ།

ཐེ་རི་ནི་ཏ་དང་ཐོ་པ་ཀོའི་འཐུས་མི་བྱས་ནས“འཛམ་གླིང་གི་སྲས་མོ”འདེམས་པའི་ནང་ཞུགས་པ་ནས་ཀྲུང་གོ་ལྕགས་ལམ་འཛུགས་སྐྲུན(ཅ་ལེ་པི)ཚད་ཡོད་ཀུང་སིའི་སྲིད་འཛིན་ཅིང་ལིར་གྱུར་པའི་བར། ཧྲ་ལཱ—ཅན·ཝ་ལི་ཡི་མི་ཚེའི་ལམ་བུར“རྒྱུད་གཅིག་ལམ་གཅིག”མཉམ་སྐྲུན་བྱས་པ་ལས་འགྱུར་ལྡོག་བྱུང་ཡོད། ད་ཆ་ཁོང་གིས“རྒྱུད་གཅིག་ལམ་གཅིག”མཉམ་སྐྲུན་གྱི་རྣམ་གྲངས་ཁྲོད་རྒྱལ་ཁབ་དབར་དང་མི་དང་མིའི་དབར་གྱི་འབྲེལ་བ་ཉིན་བཞིན་ཟབ་ཏུ་ཕྱིན་པའི་དཔང་པོ་བྱས་པ་མ་ཟད། རིག་གནས་ལས་བསྒྲལ་བའི་སྤེལ་རེས་དང་མཉམ་ལས་ཀྱི་བདེན་དོན་ལའང་གོ་བ་གཏིང་ཟབ་ལེན་ཐུབ་ཡོད།

“‘འཛམ་གླིང་སྲས་མོ’འདེམས་པའི་ནང་ཞུགས་པའི་ཉམས་མྱོང་ལས་ཇི་ལྟར་བྱས་ནས་རང་ངོས་མཚོན་ཐབས་བྱེད་དགོས་མིན་ཤེས་བྱུང་། ཀྲུང་གོའི་ཁེ་ལས་སུ་ལས་ཀ་བྱས་པས་ཇི་ལྟར་བྱས་ནས་རང་ཉིད་ཀྱི་རིན་ཐང་གཏོད་དགོས་མིན་ཤེས་བྱུང”ཞེས་དང“ཀུད་ཡ་ནའི་ཤིན་ཏེ་མེ་ལ་ལ་གཙང་པོའི་ཟམ་ཆེན་དང་། ཐེ་རི་ནི་ཏ་དང་ཐོ་པ་ཀོའི་སི་ཕེན་གྲུ་ཁ་སྤྱི་ཁྱབ་སྨན་ཁང་གི་ལྟེ་བའི་བ་གམ། ཐོ་པ་ཀོ་རྒྱལ་སྤྱིའི་གནམ་ཐང་སོགས་རྣམ་གྲངས་དེ་དག་ལས་ས་གནས་དེ་གའི་མི་རྣམས་ཀྱི་འགྲོ་སྐྱོད་དང་། ལས་ཀ འཚོ་བ་སྐྱེལ་སྟངས་བཅས་ལ་འགྱུར་ལྡོག་ཆེན་པོ་བྱུང་ཡོད། རྨང་གཞིའི་སྒྲིག་བཀོད་ལས་བྱུང་བའི་སྟབས་བདེ་སློབ་གསོ་དང་སྨན་བཅོས་ཐོན་ཁུངས་སུ་ཁྱབ་ཡོད། བློས་འགེལ་ཆོག་པའི་སྤྱི་པའི་ཞབས་ཞུར་བརྟེན་པ་བརྒྱུད་མི་རྣམས་ཀྱི་འཚོ་བ་སྐྱེལ་སྟངས་ལ་འགྱུར་ལྡོག་ཆེན་པོ་ཕྱིན་སོང”ཞེས་ཧྲ་ལཱ་ཡིས་བརྗོད།

ཧྲ་ལཱ་ཡིས་ལྷག་པར་དུ་རྨང་གཞིའི་སྒྲིག་བཀོད་འཛུགས་སྐྲུན་ལས་བུད་མེད་ཀྱི་འཚོ་བ་ལེགས་སུ་འགྲོ་རྒྱུར་དོ་ཁུར་བྱེད་ཀྱི་ཡོད་པའི་ཁོངས་སུ་ནད་སྐྱོང་འོས་འཚམ་ཐུབ་པའི་སྨན་ཁང་དང་། བློ་བདེ་པོས་སློབ་སྦྱོང་བྱེད་ཐུབ་པའི་དཔེ་མཛོད་ཁང་། ལས་སྐྱོད་དུས་ཚོད་ཐུང་དུ་དང་བུ་ཕྲུག་ལ་ལྟ་སྐྱོང་བྱེད་པའི་དུས་ཚོད་རིང་དུ་གཏོང་ཐུབ་པའི་འགྲིམ་འགྲུལ་སྒྲིག་ཆས་སོགས་ལ་ཁྱབ་ཡོད། ཧྲ་ལཱ་ཡིས་ངོས་འཛིན་བྱས་པར། རྒྱུད་གཅིག་ལམ་གཅིག”སྤུས་ཚད་མཐོ་པོས་མཉམ་སྐྲུན་བྱས་པ་ལས་རྨང་གཞིའི་སྒྲིག་བཀོད་ལེགས་སུ་ཕྱིན་པ་དེས་བུད་མེད་ཚོར་དེ་བས་བདེ་འཇགས་ལྡན་པའི་ཁོར་ཡུག་ཅིག་བཏོད་པ་མ་ཟད། བུད་མེད་ཚོར་ཐད་ཀར་བསམ་གཞིགས་ཐུབ་པའི་ཕན་པའང་ཐོབ་ཡོད། “བུད་མེད་ཀྱི་བྱ་གཞག་ལ་རྒྱབ་སྐྱོར་བྱེད་པའི་ཀྲུང་གོའི་བྱེད་ཐབས་ལ་དངོས་སྒྲུབ་ཀྱི་སྙིང་སྟོབས་ལྡན་པ་སྟེ། མི་རྣམས་ལ་ལག་ཆ་དང་། བར་མཐོངས། ཡིད་ཆེས་བཅས་སྤྲད་ནས་བུད་མེད་ཚོར་རང་ཉིད་ཀྱི་ལག་གཉིས་ལ་བརྟེན་ནས་དེ་བས་མཛེས་སྡུག་ལྡན་པའི་འཚོ་བ་གཏོད་དུ་བཅུག་པ་དེ་རེད” ཁོང་གི་ངོས་ནས་བརྗོད་ན། དེ་ལྟ་བུའི་ཏན་ཏན་ཏིག་ཏིག་དང་ཕུགས་ལ་དམིགས་པའི་མཉམ་ལས་བྱ་ཐབས་དེ་ནི“རྒྱུད་གཅིག་ལམ་གཅིག”མཉམ་སྐྲུན་གྲོས་འགོར་ཅ་ལེ་པི་ས་ཁུལ་གྱི་མི་རྣམས་ཀྱི་དགའ་བསུ་ཐོབ་པའི་འགག་རྩར་གྱུར་ཡོད།