ཆབ་མདོ་གྲོང་ཁྱེར་ལྷོ་རོང་རྫོང་གིས་གྲོང་ཁྱེར་རིམ་པའི་མཐའ་བསྡུར་གྱི་བྱ་དགའ་ཐོབ་མཁན་ལ་བྱ་དགའ་སྤྲོད་པའི་མཛད་སྒོ་འཚོགས་པ།
ཉིན་ཤས་གོང་། ཆབ་མདོ་གྲོང་ཁྱེར་ལྷོ་རོང་རྫོང་གིས་ཆབ་མདོ་གྲོང་ཁྱེར་གྱི“དམར་མདངས་ཆབ་མདོ། དར་རྒྱས་ཡར་བརྩོན”ཞེས་པའི་མང་ཚོགས་རང་བཞིན་གྱི་འགྲན་བསྡུར་བྱེད་སྒོ་སྐབས་དང་པོའི་གྲོང་ཁྱེར་རིམ་པའི་མཐའ་བསྡུར་གྱི་བྱ་དགའ་ཐོབ་མཁན་ལ་བྱ་དགའ་སྤྲོད་པའི་མཛད་སྒོ་འཚོགས་པ་དང་། ས་ཡུལ་དངོས་སུ་བྱ་དགའི་དངུལ་སྒོར་ཁྱོན་ཁྲི་61སྤྲད་པ་རེད།
ཆབ་མདོ་གྲོང་ཁྱེར་གྱི“དམར་མདངས་ཆབ་མདོ། དར་རྒྱས་ཡར་བརྩོན”ཞེས་པའི་མང་ཚོགས་རང་བཞིན་གྱི་འགྲན་བསྡུར་བྱེད་སྒོ་སྐབས་དང་པོ་སྤེལ་ཚུན། ལྷོ་རོང་རྫོང་ཨུད་དང་རྫོང་སྲིད་གཞུང་གིས་རྫོང་ཡོངས་ཀྱི་ཤང་དང་གྲོང་རྡལ་ཁག་གི་མང་ཚོགས་འགྲན་བསྡུར་རྣམ་གྲངས་ཁག་ནང་རྒྱ་ཁྱབ་ཞུགས་རྒྱུའི་སྐུལ་སློང་བྱས་པ་དང་། མཐར་གྲུབ་འབྲས་མངོན་གསལ་དོད་པོ་ཐོབ་ཡོད་པ་རེད། བྱ་དགའ་སྤྲོད་པའི་སྲིད་ཇུས་གཞི་རིམ་དུ་ཐད་ཀར་དོན་འཁྱོལ་ཐུབ་ནས་མང་ཚོགས་ལ་ཕན་པ་ཐོབ་ཆེད། རྫོང་དེས“ས་ཡུལ་དངོས་སུ་འདྲི་རྟོག་དང་གནད་སྨིན་དོན་འཁྱོལ”གྱི་ལས་ཀ་བྱེད་སྟངས་མཐའ་འཁྱོངས་བྱས་ཏེ་ལས་དོན་པས་ཐོན་སྐྱེད་དང་འཚོ་བའི་གནས་ཚུལ་དང་འཕེལ་རྒྱས་ཀྱི་འཆར་གཞིའི་སྐོར་ལ་སྐད་ཆ་ཞིབ་ཕྲ་དྲིས་པ་དང་། ཚང་མས་རིག་གནས་འཛུགས་སྐྱོང་དང་གྲོང་གསེབ་དར་རྒྱས་སྐོར་ལ་བཏོན་པའི་བསམ་འཆར་དང་གྲོས་འགོ་ནན་ཏན་ངང་ཉན་ནས། མང་ཚོགས་ལ་དངོས་པོའི་བྱ་དགའ་ཐོབ་པ་དང་ཆབས་ཅིག་ཏང་དང་སྲིད་གཞུང་གི་ཐུགས་ཁུར་དང་དྲོ་སྐྱིད་ཀྱང་ཚོར་བར་བྱས་པ་རེད།
ལྷོ་རོང་རྫོང་གི་འབྲེལ་ཡོད་འགན་འཁུར་བས། གོམ་སྟབས་རྗེས་མར། ད་ཐེངས་ཀྱི་བྱ་དགའི་དངུལ་སྤྲོད་པའི་གོ་སྐབས་དང་བསྟུན་ནས་ས་གནས་དེ་གའི་གསར་བརྗེའི་རིག་གནས་དང་། ཐོན་ཁུངས་ཀྱི་ལེགས་ཆ། ཤེས་ལྡན་པ་གྲབས་སྐྱོང་བཅས་ཀྱི་ལེགས་ཆ་ཆེན་པོ་གསུམ་རྒྱུན་མཐུད་སྔོག་འདོན་བྱས་ཏེ། མང་ཚོགས་ཀྱི་དངོས་པོའི་དཔལ་ཡོན་དང་བསམ་པའི་དཔལ་ཡོན་གྱི་ཆུ་ཚད་མཐོ་རུ་གཏོང་བ་དང་ཆབས་ཅིག་ཞིང་འབྲོག་པའི་ལས་ཞུགས་འབབ་འཕར་གྱི་ཐབས་ལམ་སྔར་བས་རྒྱ་ཆེར་བཏང་སྟེ། རྫོང་ཁོངས་འཕེལ་རྒྱས་ལ་སྒུལ་ཤུགས་ཆེན་པོ་སྣོན་གྱི་ཡིན་ཞེས་བཤད་པ་རེད།
འབྲེལ་ཡོད་གསར་འགྱུར།