ཆ་སྙོམས་ས་བབ་སྨི་4700ཟིན་པའི་མངའ་རིས་ས་ཁུལ་སྒེར་རྩེ་རྫོང་མ་མིག་ཤང་ཞིང་ཆེན་གྲོང་ཚོ་ནི་ས་རྒྱ་ཆེ་ཞིང་མི་འབོར་ཉུང་བ་དང་རྟག་ཏུ་གྲང་རླུང་འུར་འུར་དུ་ལྡང་བཞིན་ཡོད། 2025ལོའི་ཟླ་5པར། ཀྲུང་གོ་སྒུལ་བདེ་བོད་ལྗོངས་ཀུང་སིའི་གྲོང་སྡོད་ལས་དོན་རུ་ཁག་ཁག་བཅུ་བཞི་པས་སྨི་ངོས་གྲུ་ཁྲི་48ཡོད་པའི་རྩྭ་ཐང་དེར་བཅའ་སྡོད་བྱས་པ་དང་། ཧྲུའུ་ཅི་དང་པོ་པ་སངས་དོན་གྲུབ་ཀྱིས་རུ་མི་4ཁྲིད་དེ་ཉིན་45ཙམ་གྱི་ནང་དུ“ཁེ་སྤོགས་བགོ་འགྲེམས་ཀྱི་དཀའ་ངལ”བསལ་ཞིང་། AIབརྙན་ལེན་འཕྲུལ་ཆས་སྤྱད་ནས་འབྲོག་པའི“ལྷས་སྲུང་གི་སེམས་ཁྲལ”བསལ་ལ། ཕྱོགས་མང་མཉམ་འགུལ་བྱས་པ་བརྒྱུད་གླ་པ་རྒྱུག་པའི་གླ་ཆ་སྒོར་ཁྲི་50ལྷག་ཙམ་ཚུར་བླངས་ནས། བྱང་ཐང་དུ་ཏང་དང་མང་ཚོགས་ཀྱི“སེམས་སྦྲེལ་ཟམ་པ”བརྟན་པོ་ཞིག་བསྐྲུན་ཡོད།

གྲོང་སྡོད་བྱས་པའི་ཉིན་དང་པོར། གྲོང་ཚོའི་ཏང་ཀྲི་པུའི་ཧྲུའུ་ཅིས་པ་སངས་དོན་གྲུབ་ཀྱི་ལག་ནས་དམ་པོར་བཟུང་སྟེ། མཉམ་སྡེབ་ཀྱི་རྒྱུ་ནོར་སྒོར་ཁྲི་ཆིག་སྟོང་ཙམ་བསྡམས་བཅད་བྱས་ནས་2024ལོའི་ལོ་འཁོར་གྱི་བགོ་འགྲེམས་རྒྱག་ཐབས་བྲལ་བས། ཡུལ་མིས་བསམ་འཆར་ཆེན་པོ་འདོན་གྱི་འདུག་ཅེས་གྲོང་ཚོའི་དཀའ་ངལ་བཤད། གནད་དོན་དེར་དམིགས་ནས། གྲོང་སྡོད་ལས་དོན་རུ་ཁག་གིས་ཆེད་དོན་ལས་དོན་ཚོགས་ཆུང་བཙུགས་པ་དང་། ཉིན་མཚན་བསྟུད་མར་ཁྱིམ་ཚང་རེ་རེ་བཞིན་འཚམས་འདྲི་བྱས་ནས་མང་ཚོགས་ཀྱི་རེ་འདུན་གསལ་རྟོགས་དང་། རྒྱུ་ནོར་ཕྱོགས་ཡོངས་ནས་གསེད་བཀྲོལ་དང་དབང་ཁོངས་ཀྱི་ཐབས་ལམ་གསལ་པོ་བཟོས་པ། རང་འགུལ་ངང་འབྲེལ་ཡོད་སྡེ་ཚན་དང་སྦྲེལ་མཐུད་བྱས་ནས་གནད་དོན་ཐག་གཅོད་བྱེད་པར་སྐུལ་འདེད་བཏང་བ་བཅས་བྱས་ནས་བགོ་འགྲེམས་རྒྱག་པའི་ལས་དོན་ལ་སྐུལ་འདེད་ནུས་ལྡན་བཏང་ཡོད། 2025ལོའི་ཟླ་8ཚེས་5ཉིན་དངུལ་སྒོར་ཁྲི་1250ཚང་མ་ཡུལ་མིར་བགོ་འགྲེམས་བརྒྱབ་པ་རེད།

2025ལོའི་ཟླ་9པར། ཡུལ་མི་ཁག་གཅིག་ཕྱི་ལ་གླ་པར་ཕྱིན་པའི་གླ་ཆ་སྒོར་ཁྲི་50ལྷག་ཙམ་འགྱངས་ཆད་བྱས་པ་མ་ཟད། ཚང་མས་སེམས་ཁྲལ་ཆེན་པོ་བྱེད་པ་ཤེས་འཕྲལ་གྲོང་སྡོད་ལས་དོན་རུ་ཁག་གིས་དེ་མུར་གྲོང་ཚོའི“ཨུ་ལྷན་གཉིས”དང་། གནད་དོན་དང་འབྲེལ་བ་ཡོད་པའི་ཁེ་ལས། ས་གནས་དེ་གའི་མངགས་གཏོང་ཁང་བཅས་དང་མཉམ་དུ་སྔ་རྗེས་སུ་མཐུན་སྦྱོར་ཚོགས་འདུ་ཐེངས་བཞི་འཚོགས་པ་རེད། ལས་དོན་རུ་ཁག་གིས་ཕྱོགས་གཅིག་ནས་ལས་མིའི་རྩིས་ཐོ་རེ་རེ་བཞིན་ཞིབ་བསྡུར་བྱས་པ་དང་། ཕྱོགས་གཞན་ཞིག་ནས་ཁེ་ལས་དང་གྲོང་མིར་འབྲེལ་ཡོད་བཅའ་ཁྲིམས་དང་ཁྲིམས་སྲོལ་དྲིལ་བསྒྲགས་བྱས་མཐར། ཁེ་ལས་ཀྱིས་དུས་ཐེངས་དབྱེ་ནས་དངུལ་སྤྲོད་པའི་ཇུས་གཞི་བཟོས་པ་དང་། 2025ལོའི་ཟླ་11པའི་ཟླ་མཇུག་ཏུ། འགྱངས་ཆད་བྱས་པའི་གླ་ཆ་སྒོར་ཁྲི་50ལྷག་ཙམ་ཚང་མ་རག་པ་རེད།

ད་ལྟའི་ཞིང་ཆེན་གྲོང་ཚོའི་འགྲོ་ལམ་གཙང་སྦྲ་དོད་པ་དང་། དྲ་རྒྱའི་བརྡ་རྟགས་བརྟན་ལ་ཤར་གཏོང་ཐུབ་པ། བདེ་འཇགས་འགོག་སྲུང་གི་འཕྲུལ་མིག་ཡོངས་སུ་ཁྱབ་ཡོད་པས་ཚང་མའི་མཛེས་སྡུག་ལྡན་པའི་འཚོ་བ་སྐྱེལ་བའི་ཡིད་ཆེས་བརྟན་དུ་ཕྱིན་ཡོད། པ་སངས་དོན་གྲུབ་ཀྱིས“མང་ཚོགས་ཀྱི་འཛུམ་མདངས་ནི་ང་ཚོའི་སྒུལ་ཤུགས་ཆེ་ཤོས་ཡིན”ཞེས་མྱོང་ཚོར་ཆེན་པོས་བཤད།