ལྷ་ས་གྲོང་ཁྱེར་སྟག་རྩེ་ཆུས་མི་དམངས་ཞིབ་དཔྱོད་ཁང་གི་ན་སོ་དར་ལ་མ་བབས་པའི་མིའི་ལྟ་སྲུང་རྟེན་གཞི་དངོས་སུ་བཙུགས་པ།
ཉེ་ཆར། ལྷ་ས་གྲོང་ཁྱེར་སྟག་རྩེ་ཆུས་མི་དམངས་ཞིབ་དཔྱོད་ཁང་གི་ན་སོ་དར་ལ་མ་བབས་པའི་མིའི་ལྟ་སྲུང་རྟེན་གཞི་དངོས་སུ་བཙུགས་པ་དང་། དེའི་དམིགས་ཡུལ་ནི་ལོག་ལམ་དུ་སོང་བའི་གཞོན་ནུ་ལོ་ཆུང་དང་དེ་བཞིན་སྲུང་སྐྱོང་བྱེད་དགོས་པའི་ན་སོ་དར་ལ་མ་བབས་པའི་མིར“འཚར་ལོངས་ས་ཚིགས”བཏོད་དེ་ཁོང་ཚོར་གོ་སྐབས་གསར་པ་སྤྲོད་རྒྱུ་དེ་རེད།
ཤེས་རྟོགས་བྱུང་བར་གཞིགས་ན། ཉེ་བའི་ལོ་ཤས་རིང་སྟག་རྩེ་ཆུས་མི་དམངས་ཞིབ་དཔྱོད་ཁང་གིས་ན་སོ་དར་ལ་མ་བབས་པའི་མིའི་འབྲེལ་ཡོད་གྱོད་གཞི་བདག་སྤྲོད་བྱེད་སྐབས། ན་སོ་དར་ལ་མ་བབས་པའི་ཉེས་གསོག་པ་ཁག་གཅིག(ལྷག་པར་དུ་ལོ་16ནས་18བར་གྱི་ཉེས་གསོག་ཆུང་ངུའམ་ཡང་ན་ཞུ་གཏུག་མི་བྱ་རྒྱུའི་ཆ་རྐྱེན་ཟུར་སྣོན་བྱས་པའི་ན་སོ་དར་ལ་མ་བབས་པའི་མི)ལ་གུ་ཡངས་བཏང་ན་ཡོ་བསྲང་མི་ཐུབ་པ་དང་ཆད་པ་ཕོག་ན་མདུན་ལམ་ཤོར་བའི་དཀའ་གནད་འཕྲད་ཀྱི་ཡོད་པ་དང་། ན་སོ་དར་ལ་མ་བབས་པའི་མི་དེ་རིགས་མང་ཆེ་བ་ཁྱིམ་ཚང་གི་ལྟ་སྐྱོང་མི་འདང་བའམ་ཡང་ན་རེ་ཞིག་ངར་ལངས་ནས་ཁྲིམས་ལས་འགལ་བ་ཡིན་པས། ཐད་ཀར་ཉེས་དོན་འགན་འཁྲི་བདའ་འདེད་བཏང་ན་དེ་མཐར་ལུས་ཀྱི་གནས་སུ་གྱར་སྲིད་པ་ཤེས་རྟོགས་བྱུང་ཡོད། དེར་བརྟེན་ཁྲིམས་འཛིན་སྲུང་སྐྱོང་གི་གཙོ་གནད་དང་དཀའ་གནད་ལ་དམིགས་ཏེ། སྟག་རྩེ་ཆུས་མི་དམངས་ཞིབ་དཔྱོད་ཁང་གིས་སྟག་རྩེ་ཆུས་བཟོ་ལས་གླིང་དང་མཉམ་དུ་ལྟ་སྲུང་རོགས་ཁྲིད་རྟེན་གཞི་བཏོད་ནས་རྩལ་ནུས་གསོ་སྦྱོང་དང་སེམས་ཁམས་ཁྲིད་སྟོན་སོགས་ཀྱི་ཐབས་ལམ་མང་པོ་བརྒྱུད། ལོག་ལམ་དུ་སོང་བའི་ན་སོ་དར་ལ་མ་བབས་པའི་མིར་ཡོ་བསྲང་གི་གོ་སྐབས་སྤྲད་པས། ཁྲིམས་འཛིན་གྱི་ཟིལ་ཤུགས་མངོན་ཡོད་ལ། མི་གཤིས་ཅན་ཡང་གང་ལེགས་མངོན་ཡོད།
འབྲེལ་ཡོད་གསར་འགྱུར།