ས་གནས་གསུམ་གྱི་ཁྲིམས་ཁང་གིས་གཙང་གསུམ་ཆུ་འགོའི་རྒྱལ་ཁབ་སྤྱི་གླིང་དུ་ཁྲིམས་འཛིན་སྐོར་སྲུང་བྱས་པ།
ཉེ་ཆར། གཙང་གསུམ་ཆུ་འགོའི་རྒྱལ་ཁབ་སྤྱི་གླིང་གི་ས་ཁོངས་སུ་གནས་པའི་ནག་ཆུ་གྲོང་ཁྱེར་ཨ་མདོ་རྫོང་དང་། མཚོ་སྔོན་ཞིང་ཆེན་འབྲི་སྟོད་རྫོང་དང་རྫ་སྟོད་རྫོང་བཅས་ས་གནས་གསུམ་གྱི་མི་དམངས་ཁྲིམས་ཁང་གིས་ས་བབ་ཀྱི་ལེགས་ཆ་འདོན་པ་དང་། ས་ཁོངས་ཀྱི་བཀག་རྒྱ་གཏོར་བ། མཐུན་སྦྱོར་སྲུང་སྐྱོང་གཏིང་ཟབ་ཏུ་གཏོང་བ་བཅས་བྱས་ཏེ། གཙང་གསུམ་ཆུ་འགོའི་རྒྱལ་ཁབ་སྤྱི་གླིང་གི་བཞུགས་མོལ་ཚོགས་འདུ་འཚོགས་པ་དང་འབྲེལ། 《གཙང་གསུམ་ཆུ་འགོའི་རྒྱལ་ཁབ་སྤྱི་གླིང་གི་སྐྱེ་ཁམས་ཁོར་ཡུག་ས་ཁོངས་ལས་བརྒལ་ནས་ཁྲིམས་འཛིན་སྲུང་སྐྱོང་གི་མཉམ་ལས་གྲོས་མཐུན》(གཤམ་ལ《གྲོས་མཐུན》ཞེས་བསྡུ་རྒྱུ)ལ་མིང་རྟགས་བཀོད་ནས་མཉམ་དུ་གཙང་གསུམ་ཆུ་འགོའི་རྒྱལ་ཁབ་སྤྱི་གླིང་དུ་ཁྲིམས་འཛིན་སྐོར་སྲུང་བྱས་པ་རེད།
《གྲོས་མཐུན》ལ་མིང་རྟགས་བཀོད་རྗེས། ས་གནས་གསུམ་གྱི་ཁྲིམས་ཁང་གི་ཡོན་ཀྲང་དང་དེ་བཞིན་ལས་བྱེད་ཉེན་རྟོག་པ་17གྱིས་འབྲི་ཆུའི་ཆུ་འགོའི་ལྟེ་བའི་ས་ཁོངས་སུ་མཉམ་དུ་སྐྱེ་ཁམས་ཁྲིམས་སྐྱོང་སྐོར་སྲུང་དང་གད་སྙིགས་གཙང་སེལ་སོགས་ཀྱི་བྱེད་སྒོ་སྤེལ་བ་མ་ཟད། འབྲི་ཆུའི་ཆུ་འགོའི་སྐྱེ་ཁམས་ཁྲིམས་སྐྱོང་འབྲེལ་གཏུག་མི་སྣ་རྣམ་བཀྲར་འཚམས་འདྲི་ཡང་བྱས་ནས། ཁོང་གི་ཆུ་འགོར་རྩ་བ་ཚུགས་པ་དང་། སྐད་གྲགས་མེད་པར་བརྟན་སྲུང་བྱེད་པ། སྒེར་སེམས་མེད་པར་སྲུང་སྐྱོང་བྱེད་པ་བཅས་ཀྱི་ལེགས་སྐྱེས་འབུལ་བའི་སྙིང་སྟོབས་ལ་གུས་འདུད་ཟབ་མོ་ཞུས་པ་རེད། དེ་དང་ཆབས་ཅིག མཐའ་འཁོར་མང་ཚོགས་ལ《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མཚོ་བོད་ས་མཐོའི་སྐྱེ་ཁམས་སྲུང་སྐྱོང་བཅའ་ཁྲིམས》དང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་གླིང་བཅའ་ཁྲིམས》ཁྱབ་གདལ་བཏང་ནས་མང་ཚོགས་རང་འགུལ་ངང་སྐྱེ་ཁམས་སྲུང་སྐྱོང་ནང་ཞུགས་རྒྱུའི་ཁྲིད་སྟོན་བྱས་ཏེ། མཉམ་འགུལ་སྐོར་སྲུང་ལ་བརྟེན་ནས་ཞན་ཆ་སེལ་བ་དང་མུན་ཁུལ་མེད་པར་བཟོས་ནས་ཆུ་འགོའི་སྐྱེ་ཁམས་ཁྲིམས་འཛིན་སྲུང་སྐྱོང་བྱེད་པའི་འགོག་སྲུང་འཛིང་རགས་ཐོག་མ་དེ་བརྟན་དུ་ཏན་ཏིག་བཏང་བ་རེད།
འབྲེལ་ཡོད་གསར་འགྱུར།