སྲོལ་རྒྱུན་སྤྱོད་བཟང་དར་སྤེལ། སྤྱི་ཚོགས་དྲོ་སྐྱིད་བརྒྱུད་སྤྲོད།
ཆུ་ཤུར་རྫོང་གིས་རྒན་རྒོན་བརྒྱར་དྲོད་སྲུང་ལྷམ་ཞལ་འདེབས་བརྒྱབ་པ།
ཉེ་ཆར། ཆུ་ཤུར་རྫོང་གི་མང་ཚོགས་ཚོགས་པའི་ལས་དོན་པུའུ་ཡིས་སྤྱི་ཚོགས་ཀྱི་སེམས་བཟང་ཅན་དང་མཉམ་དུ་ལོ་60ཡན་ལ་སླེབས་པའི་རྒན་རྒོན་ཚོགས་པར་གཅེས་སེམས་སྐྱེས་སུ་འབུལ་བའི་བྱེད་སྒོ་སྤེལ་ནས། རྫོང་དེ་ཡོངས་ཀྱི་རྒན་རྒོན་བརྒྱར་དྲོད་སྲུང་ལྷམ་སྤྲད་དེ། བྱ་སྤྱོད་དངོས་ལ་བརྟེན་ནས་རྒན་རྒོན་ཚོའི་འཚོ་བར་ལྟ་རྟོག་དང་རྒན་བཀུར་རྒན་གཅེས་ཀྱི་སྲོལ་རྒྱུན་སྤྱོད་བཟང་དར་སྤེལ་བཏང་བ་རེད།
ཤེས་རྟོགས་བྱུང་བར་གཞིགས་ན། ད་ཐེངས་ཀྱི་བྱེད་སྒོ་ནི་ཆུ་ཤུར་རྫོང་གི་མང་ཚོགས་ཚོགས་པའི་ལས་དོན་པུའུ་ཡིས“ངས་མང་ཚོགས་ལ་བྱ་བ་དངོས་སྒྲུབ”ཅེས་པའི་ལག་ལེན་བྱེད་སྒོ་ཧུར་ཐག་སྤེལ་བ་དང་དང་བླངས་ཞབས་ཞུའི་བྱེད་སྒོ་དོན་འཁྱོལ་བྱེད་པའི་ཞིབ་ཕྲའི་བྱེད་ཐབས་ཤིག་རེད་ལ། གཅེས་སེམས་ཁེ་ལས་ཀྱིས་སྤྱི་ཚོགས་ཀྱི་འགན་འཁྲི་ལག་བསྟར་དང་སྤྱི་ཚོགས་ལ་དྲིན་ལན་འཇལ་བའི་གསོན་ཉམས་དོད་པའི་མཚོན་ཚུལ་ཞིག་ཀྱང་རེད། བྱེད་སྒོས་རྒན་རྒོན་མི་ཉུང་བ་ཞིག་གི་དགུན་དུས་འཚོ་བའི་ཁྲོད་ཀྱི་དགོས་མཁོ་དངོས་བསྐངས་པ་མ་ཟད། ད་དུང་སྤྱི་ཚོགས་ཡོངས་སུ་རྒན་རྒོན་ལ་སེམས་ཁུར་དང་གཅེས་སྐྱོང་བྱེད་པའི་རྣམ་པ་བཟང་པོ་ཞིག་ཀྱང་བཏོད་ཡོད་པ་རེད།
འབྲེལ་ཡོད་གསར་འགྱུར།