2025ལོ་ནས་བཟུང་ལྷ་ས་གྲོང་ཁྱེར་སྟག་རྩེ་ཆུས་བདེ་ཆེན་གྲོང་རྡལ་ཏང་ཨུད་ཀྱིས་དོན་དངོས་ལ་གཞི་ཚུགས་པ་དང་བརྒྱུད་རིམ་ལྡན་པའི་ཇུས་འགོད་བྱས་ཏེ་ཏང་འཛུགས་སྐྱོང་ཁྲིད་སྟོན་དུ་བྱེད་པ་དང་། རང་སྐྱོང་དང་། ཁྲིམས་སྐྱོང་། ཚུལ་བཞིན་སྐྱོང་བ་བཅས་མཉམ་འདྲེས་གཏིང་ཟབ་བྱེད་པའི་དེང་རབས་ཅན་གྱི་གཞི་རིམ་བཅོས་སྐྱོང་གི་རྣམ་པ་གསར་པ་ཧུར་ཐག་བཏོད་དེ། “དོ་དམ”ནས“བཅོས་སྐྱོང”དང“གོ་རིམ་ལྡན་པ”ནས“བཅོས་སྐྱོང་མཁས་པའི”བར་འགྱུར་ལྡོག་གཏིང་ཟབ་བཏང་ཞིང་། “ཐོན་ལས་དར་རྒྱས་དང་། སྐྱེ་ཁམས་སྡོད་མལ་ལ་འཚམ་པ། ཡུལ་སྲོལ་བཟང་བ། བཅོས་སྐྱོང་ནུས་ལྡན། འཚོ་བ་འབྱོར་ཕྱུག”བཅས་ཀྱི་མཛེས་སྡུག་ལྡན་པའི་ལེའུ་ཞིག་བརྩམས་ཡོད།

འཐབ་འཛིང་གི་མཁར་རྫོང་བརྟན་དུ་བཏང་སྟེ།“འགྲན་ཟླ་མེད་པའི”སྣེ་ཁྲིད་དཔུང་ཁག་བཙུགས་པ།

གཞི་རིམ་བཅོས་སྐྱོང་གི་འགག་རྩ་ནི་ཏང་དང་མི་དམངས་ལ་ཐུག་ཡོད། བདེ་ཆེན་གྲོང་རྡལ་ཏང་ཨུད་ཀྱིས་2025ལོའི་གྲོང་ཚོ（སྡེ་ཁུལ）“ཨུ་ལྷན་གཉིས”ཀྱི་སྐབས་བརྗེའི་གོ་སྐབས་དམ་འཛིན་ཡག་པོ་བྱས་ཏེ“ཨུ་ལྷན་གཉིས་ཀྱིས་འོས་སྦྱོར་དང་། ཡུལ་མིས་གྲོས་བསྡུར། སྡེ་ཚན་གྱིས་ཞིབ་བཤེར། ཚོགས་འདུར་འདེམས་བསྐོ”བཅས་ཀྱི་གོ་རིམ་ཚད་ལྡན་ལ་བརྩི་སྲུང་ནན་པོ་ཞུས་ཞིང་། ཆབ་སྲིད་ཀྱི་འགག་སྒོ་དང་། འཇོན་ཐང་གི་འགག་སྒོ། མང་ཚོགས་ཀྱི་འགག་སྒོ་བཅས་ནན་པོ་བསྲུངས་ཏེ། ཡུལ་མིའི་བསམ་འཆར་རྒྱ་ཁྱབ་ངང་བསྡུ་ལེན་བྱེད་པ་དང་འོས་མིའི་ཐོབ་ཐང་ལ་ཞིབ་བཤེར་གཏིང་ཟབ་བྱས་པའི་རྨང་གཞིའི་ཐོག ཆབ་སྲིད་ཀྱི་ཉམས་སད་ཐེག་ཐུབ་པ་དང་འཇོན་ཐང་མངོན་གསལ་དོད་པའི་རྐང་འཛིན་པ་གྲོང་ཚོའི་ལས་བྱེད་པའི་དཔུང་ཁག་ནང་གནད་ལ་འཁེལ་པོས་བཅུག་ཡོད། ད་ཐེངས་ཀྱི་སྐབས་བརྗེའི་ནང་སྐབས་གསར་པའི་གྲོང་ཚོ（སྡེ་ཁུལ）“ཨུ་ལྷན་གཉིས”ཀྱི་ཚན་ཁག་གི་ཁོངས་མི་53ཚང་མའི་འདེམས་ཤོག་ཐོབ་ཚད་98%ཡན་ཟིན་པ་དང་། ཚན་ཁག་གི་ཁོངས་མིའི་ཆ་སྙོམས་ལོ་ཚད་སྐབས་གོང་མ་ལས་ལོ་5ཡན་ཆུང་དུ་ཕྱིན་ལ། ཆེད་ཚན་སློབ་གྲྭ་ཆེ་མོ་བ་དང་དེ་ཡན་གྱི་སློབ་རྒྱུས་ལྡན་པའི་ཁོངས་མིས་23%

བཟུང་བ་དང་། “འགན་ལྕི་རང་འཁུར”གྱི་བསྡུར་ཚད་57%བར་འཕར་ནས“གཅིག་ཆག་གཉིས་འཕར”གྱི་དམིགས་ཚད་མངོན་འགྱུར་བྱུང་སྟེ་གྲོང་གསེབ་བཅོས་སྐྱོང་དང་གྲོང་གསེབ་འཛུགས་སྐྱོང་ལ་རིག་ནུས་ཀྱི་འདེགས་སྐྱོར་བྱས་ཡོད།

དཔུང་ཁག་ལ་སྐུལ་ལྕག་དང་དོ་དམ་བྱེད་པའི་ཐད། བདེ་ཆེན་གྲོང་རྡལ་ཏང་ཨུད་ཀྱིས“ནུས་གསོག་སྤུས་ཚད་མཐོར་གཏོང”གི་འཆར་གཞི་ལག་བསྟར་བྱས་པ་སྟེ། གཅིག་ནས་ཧེ་བག་ཅན་གྱི་སྐུལ་ལྕག་བྱེད་སྟངས་འཚོལ་ཞིབ་ཀྱིས“ཡག་ཉེས་དབྱེ་བ་མེད་པའི”རྣམ་པ་མེད་པར་བཟོས་ཏེ་གྲོང་ཚོའི་ལས་བྱེད་པའི་ལས་སྒྲུབ་ལས་གཏོད་ཀྱི་ནང་གནས་སྒུལ་ཤུགས་ཆེས་ཆེར་འཕེལ་བར་བྱས་པ་དང་། གཉིས་ནས་རྗེས་གྲབས་ལས་བྱེད་པ“འདེམས་བསྐོ་དང་། གསོ་སྐྱོང་། དོ་དམ། བེད་སྤྱོད”བཅས་འཁོར་འབྲེལ་ཧྲིལ་པོའི་ལམ་སྲོལ་འཐུས་སྒོ་ཚང་དུ་བཏང་སྟེ། ཕྱུག་འགྱུར་འཇོན་ཐང་ཅན་དང་། ཕ་ཡུལ་དུ་ལོག་པའི་གཞོན་ནུ། དམག་ཞབས་ཐིམ་པའི་དམག་མི་སོགས་ཕུལ་བྱུང་ཤེས་ལྡན་པ་སྐབས་བསྟུན་ངང་གསོག་འཇོག་བྱས་ཡོད།

ལས་སྟེགས་འཛུགས་སྐྱོང་ལ་ཤུགས་སྣོན་བརྒྱབ་སྟེ། དམངས་དང་འབྲེལ་འདྲིས་ཀྱི“སེམས་སྦྲེལ་ཟམ་པ”བཙུགས་པ།

བདེ་ཆེན་གྲོང་རྡལ་ཏང་ཨུད་ཀྱིས་བཅོས་སྐྱོང་བྱེད་སྟངས“དོ་དམ”ནས“ཞབས་ཞུའི”ཕྱོགས་སུ་བསྒྱུར་བར་སྐུལ་འདེད་བཏང་སྟེ“སྒོ་དབྱེའི་བཅོས་སྐྱོང”གི་འདུ་ཤེས་བཅངས་ནས་དམངས་འདོད་སྤེལ་རེས་ཀྱི་ཐབས་ལམ་ནུས་ཤུགས་ཡོད་རྒུས་བཏོད་ཡོད། ཐོག་མར་མང་ཚོགས་ཀྱི་དགོས་མཁོར་བསྟུན་ནས་གྲོང་ཚོ་རིམ་པའི་བྱེད་སྒོ་སྤེལ་ཡུལ་ཁག་སྒོ་དབྱེ་དང་། འཆམ་མཐུན། སྟབས་བདེ་བཅས་ཀྱི“ཡུལ་མིའི་ཚོམས་ཆེན”ལ་འགྱུར་བར་བྱས་ཏེ། མང་ཚོགས་ཡོང་འདོད་པ་དང་། ལྷོད་ལ་འབབ་པ། སྙིང་གཏམ་ཤོད་ཐུབ་པ་བཅས་ཀྱི་གནས་

ཤིག་ཆགས་ཡོད། དེའི་རྨང་གཞིའི་ཐོག་དྲ་ཐོག་དྲ་ཕྱི་གཞི་གཅིག་ཅན་གྱི“རིམ་གསུམ་དོན་གྲོས་ལས་སྟེགས”བཏོད་ཅིང་། དྲ་ཐོག་ཏུ་གྲངས་འཛིན་ལས་སྟེགས་སྤྱད་དེ“བསམ་འདུན་ཆུང་ངུ”བསྡུ་རུབ་ཀྱི་ཆེད་དོན་དྲ་ངོས་བཟོས་པ་དང་། དྲ་ཕྱིར“སྒོ་རའི་དོན་གྲོས་ཚོགས་འདུ”དང“ཇ་ཁང་དུ་ལྷུག་གླེང”སོགས་བབ་བསྟུན་གྱི་བྱེད་སྟངས་སྤྱད་པ་མ་ཟད། “མང་ཚོགས་ཀྱི་སྙིང་གཏམ་གྱང”ཡང་བཀོད་སྒྲིག་བྱས་ཡོད། གཞན་ཡང་། 2025ལོར་གྲོང་རྡལ་ཡོངས་ཀྱིས་འགྲོ་ལམ་ཉམས་བཟོ་དང་། ཁོར་ཡུག་བཅོས་སྒྲིག གཞིས་ལུས་ལ་དོ་ཁུར་སོགས་དམངས་འཚོའི་བྱ་བ་དངོས་300ལྷག་ཙམ་ཐག་གཅོད་ནུས་ལྡན་བྱས་པར་མང་ཚོགས་བློ་ཡིད་ཚིམ་ཚད་96%ཡན་ཟིན་ཡོད།

འབྱུང་རྩ་ནས་བཅོས་སྒྲིག་གཏིང་ཟབ་བྱས་ཏེ། དུས་བདེའི“བརྟན་ལྷིང་ཡོ་ཆས”བརྟན་དུ་བཏང་བ།

བདེ་ཆེན་གྲོང་རྡལ་ཏང་ཨུད་ཀྱིས་དུས་རབས་གསར་པའི“ཧྥེང་ཆའོ་ཉམས་མྱོང”མཐའ་འཁྱོངས་དང་འཕེལ་རྒྱས་བཏང་ནས་བཅོས་སྐྱོང་གི་གཙོ་གནད་དང་ཐོན་ཁུངས་གཞི་རིམ་ལ་ཕྱོགས་པར་སྐུལ་འདེད་བཏང་ཡོད། “སྔོན་འགོག་གཙོ་བོར་འཛིན་པ་དང་། འདུམ་འགྲིག་སྔོན་ལ་འཇོག་པ། ཁྲིམས་སྐྱོང་རྩ་བར་འཛིན་པ”བཅས་ཀྱི་རྒྱུན་རྣམ་ཅན་གྱི་ལས་ཀའི་ལམ་སྲོལ་བཙུགས་པ་དང་། འགལ་བ་དང་རྩོད་གཞི་དུས་བཀག་ལྟར་གྲལ་བཤེར་དང་ཆེད་དོན་གྲལ་བཤེར་ཟུང་འབྲེལ་གྱི་ལམ་ལུགས་དོན་འཁྱོལ་ནན་པོ་བྱས་ཏེ། དྲ་མིག་པ་དང་བར་འདུམ་པས་གཟའ་འཁོར་རེར་འཆར་ཅན་ལྟར་འཚམས་འདྲིར་བསྐྱོད་དེ་དུས་ཆེན་གལ་ཆེན་དང་། ལྷུ་ཚིགས་གལ་ཆེན། སོ་ནམ་ལས་བྲེལ་ཆེ་བའི་དུས་ཚིཌ་བཅས་སུ་གཙོ་གནད་མཐིལ་རྟོགས་བྱས་ཏེ་ཉེན་ཁ་སྔ་ཙམ་ཤེས་རྟོགས་དང་། སྔོན་བརྡ་གཏོང་བ།

ཐེ་ཇུས་བྱེད་པ་བཅས་ཀྱི་འགན་ལེན་བྱས་ཡོད།

འདུམ་འགྲིག་བྱེད་རིང་ཐོག་མཐའ་བར་གསུམ་དུ་ཁྲིམས་ལྟར་ལས་སྒྲུབ་མཐའ་འཁྱོངས་བྱས་པ་དང་ཆབས་ཅིག གྲོང་སྲོལ་དམངས་ཆིངས་ཀྱི་དགེ་མཚན་ལྡན་པའི་ནུས་པར་བརྩི་འཇོག་གང་ལེཌ་དང་། འདུམ་འགྲིག་གི་བརྒྱུད་རིམ་ཚད་ལྡན་དུ་བཏང་ནས་གྱོད་གཞི་རེ་ལ་ཐོ་རེ་དང་ཡིག་ཚགས་རེ་བཀོད་ཡོད། འདུམ་འགྲིག་ལེགས་གྲུབ་བྱུང་བའི་གྱོད་གཞི་དང་ལྷག་པར་དུ་གཉེན་སྒྲིག་དང་ཁྱིམ་ཚང་དང་། ཁྱིམ་མཚེས་དབར་གྱི་རྩོད་གཞི། བུན་དབང་དང་བུ་ལོན་སོགས་ཐོན་སླ་བ་དང་ཡང་སེ་ཐོན་པའི་རིགས་ལ“གྱོད་གཞི་རེ་ལ་བསྐྱར་འདྲི་ཐེངས་གསུམ”བྱེད་པའི་ལམ་ལུགས་ལག་བསྟར་ནན་པོ་བྱས་ཏེ། གྲོས་མཐུན་ལག་བསྟར་བྱས་ཚུལ་དང་དོ་བདག་གི་འབྲེལ་བ་སླར་གསོ་བྱས་ཚུལ་འཕྲལ་དུ་ཁོང་དུ་ཆུད་པར་བྱས་ཏེ་འགལ་བ་བསྐྱར་དུ་མི་ཐོན་པར་བྱས་ཡོད།

ཁྲིམས་སྐྱོང་དང་ཚུལ་བཞིན་སྐྱོང་བ་མཉམ་དུ་རྒྱུན་འཁྱོངས་བྱས་ཏེ། ཤེས་དཔལ་གྱི་སྲོལ་གསར་བསྐྱངས་པ།

བདེ་ཆེན་གྲོང་རྡལ་གྱིས“ཤེས་དཔལ་ལ་བརྟེན་ནས་གྲོང་རྡལ་ལེགས་གཏོང”བྱ་སྤྱོད་ཤུགས་ཆེན་སྤེལ་ཏེ། “རྒྱལ་གཅེས་སྲང་ལམ”དང“མཐུན་སྒྲིལ་སྲང་ལམ”“ཡིད་རྟོན་གླིང”སོགས་བརྗོད་དོན་གཙོ་བོའི་རིག་གནས་སྲང་ལམ་ནུས་ཤུགས་ཡོད་རྒུས་བཏོད་པ་དང་། ཡུལ་ལུང་སོ་སོའི་ཁྱད་ཆོས་ལྡན་པའི་གྱང་རིས་དང་འགྲེམས་པང་སོགས་སྤྱད་ནས་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་མཐོང་ཐུབ་པ་དང་སེམས་ལ་གཏིང་ཟབ་ཟུག་ཐུབ་པར་བྱས་ཡོད།

རྒྱུན་རྣམ་ཅན་གྱི་སྒོ་ནས“བདེ་ཆེན་གྲོང་རྡལ་གྱི་མིག་དཔེ”དཔྱད་འདེམས་བྱེད་སྒོ་སྤེལ་བ་དང་མང་ཚོཌ་འགྲམ་གྱི“མནའ་མ་ཡག་པོ”དང“གྲོང་གསེབ་ཀྱི་སྤྱོད་བཟང་བ”“སྤྱོད་བཟང་ལོ་ཆུང”སོགས་ཀྱི་སྔོན་ཐོན་དཔེ་མཚོན་སྔོག་འདོན་དང་དྲིལ་བསྒྲགས་བྱས་ཏེ། མིག་

དཔེའི་སྟོབས་ཤུགས་ལ་བརྟེན་ནས་མི་སེམས་འགུག་པ་དང་ཤུཌ་རྐྱེན་ཐེབས་པར་བྱས་ཡོད། “ཀུན་སྤྱོད་འཆད་སྟེགས”དང“གྲོང་གསེབ་ཀྱི་མཚན་མོའི་གཏམ་གླེང”རྒྱ་ཁྱབ་ངང་གཉེར་ནས་བདེ་ཆེན་གྲོང་རྡལ་གྱི་གཏམ་རྒྱུད་ཡག་པོ་ཤོད་པ་དང་ཁྱིམ་སྲོལ་བཟང་པོ་རྒྱུན་འཛིན་བྱེད་ཀྱི་ཡོད། མང་ཚོགས་ཀྱིས་གླེང་མང་བའི་གནད་དོན་རྙིང་པ་དང་མིའི་འཚོ་སྡོད་ཁོར་ཡུག་གི་ཞན་ཆར་དམིཌ་ཏེ། གྲོང་རྡལ་ཏང་ཨུད་ཀྱིས་ཆེད་དོན་འགག་སྒྲོལ་ཚན་ཁག་བཙུགས་པ་དང་། “ལོ་རྒྱུས་ལ་བརྩི་འཇོག་དང་། དོན་དངོས་ལ་ཕྱོགས་པ། བཅའ་ཁྲིམས་དང་ཁྲིམས་སྲོལ་ལ་གཞིགས་པ། བརྩེ་སེམས་ཀྱིས་ཁྲིད་སྟོན་བྱེད་པ་བཅས”རྩ་དོན་དུ་བྱས་ནས་གནད་དོན་རྙིང་པ་ཁག་23གྲུབ་འབྲས་ཐོབ་པའི་ངང་ཐག་གཅོད་བྱས་ཡོད། དེ་དང་ཆབས་ཅིག་བཅོས་སྐྱོང་གི་གྲུབ་འབྲས་དང་དམངས་འཚོ་ལེགས་སུ་གཏོང་རྒྱུ་ཟུང་འབྲེལ་དམ་ཟབ་བྱས་ཏེ། འགྲོ་ལམ་ཨར་འདམ་དང་སྣུམ་ནག་ཅན་དང་། བཙོག་ཆུ་གཅིག་སྡུད་གཙང་གསིང་། གད་སྙིགས་རིགས་དབྱེ་གཙང་སེལ་སོགས་ཀྱི་ལས་གྲྭར་དུས་གཅིག་ཏུ་སྐུལ་འདེད་བཏང་ཐོག གྲོང་གསེབ་ཀྱི་གར་སྟེགས་ཆེན་པོ་དང་། ལུས་སྦྱོང་ཐང་ཆེན། དམངས་ཕན་ཞབས་ཞུའི་ལྟེ་གནས་བཅས་ལྷན་གཅིག་ཏུ་འཛུགས་སྐྲུན་བྱས་ནས། མང་ཚོགས་ཚོས་ཁོར་ཡུག་གི་འགྱུར་ལྡོག་དང་འཚོ་བའི་སྟབས་བདེ་དངོས་ཀྱི་ཁྲོད་བཅོས་སྐྱོང་གི་དྲོ་སྐྱིད་དང་ཕན་འབྲས་ཚོར་བར་བྱས་པས། ཡུལ་སྲོལ་ཡ་རབས་དང་། ཁྱིམ་སྲོལ་བཟང་བ། དམངས་སྲོལ་བབ་ཆགས་པ་བཅས་ཉིན་བཞིན་ཟབ་ཏུ་འགྲོ་བཞིན་ཡོད།

རྩ་འཛུགས་ཀྱི་མཁར་རྫོང་སྐྲུན་པ་ནས་མཉམ་བཅོས་ལས་སྟེགས་སྐྲུན་པའི་བར་དང་འབྱུང་རྩ་བཅོས་སྐྱོང་གཏིང་ཟབ་བྱེད་པ་ནས་ཤེས་དཔལ་སྲོལ་གསར་སྐྱེད་སྲིང་བྱེད་པའི་བར། བདེ་ཆེན་གྲོང་རྡལ་ཏང་ཨུད་ཀྱིས་སྤུས་ཚད་མཐོ་བའི་ཏང་འཛུགས་སྐྱོང་གིས་ཕན་འབྲས་ཆེ་བའི་བཅོས་སྐྱོང་ལ་སྣེ་ཁྲིད་བྱ་རྒྱུ་ཐོག་མཐའ་བར་གསུམ་དུ་མཐའ་འཁྱོངས་བྱེད་ཀྱི་ཡོད། གྲོང་རྡལ་ཏང་ཨུད་ཀྱི་ཧྲུའུ་ཅི་ཀྲོའུ་ཧྲེང་དབྱི་ཡིས། བདེ་ཆེན་གྲོང་རྡལ་ཏང་ཨུད་ཀྱིས་འཚོལ་ཞིབ་དང་ལག་ལེན་མུ་མཐུད་གཏིང་ཟབ་བྱས་ཐོག ཏང་འཛུགས་སྐྱོང་དེ་གྲངས་འཛིན་བཅོས་སྐྱོང་དང་། ཐོན་ལས་འཕེལ་རྒྱས། ཞིབ་ཕྲའི་ཞབས་ཞུ་བཅས་དང་མཉམ་འདྲེས་གཏིང་ཟབ་བྱེད་པར་སྐུལ་འདེད་བཏང་ནས། གཞི་རིམ་བཅོས་སྐྱོང་དེང་རབས་ཅན་གྱི་ལེའུ་གསར་པ་ཟམ་མི་ཆད་པར་བརྩམས་ཏེ་མི་དམངས་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་འཇཌ་ཚོར་སྣང་བཅས་དེ་བས་ཆེ་བ་ཡོང་བར་འགན་ལེན་བྱེད་ཀྱི་ཡིན་ཞེས་ཡིད་ཆེས་ཆེན་པོས་བཤད་པ་རེད།