འདི་ནི་ཁྲོ་ཆུ་རྫོང་གི་ཀའོ་པན་ཧྲན་གྲོང་ཚོའི་རྣམ་པ་ཡིན་པ།

འདི་ནི་བོད་རིགས་བུད་མེད་ཀྱིས་ཐགས་ལས་བྱེད་བཞིན་པ།

འདི་ནི་བོད་རིགས་བཟོ་བོས་བོད་ཁྱིམ་ལ་སྒེའུ་ཁུང་བསྒར་བཞིན་པ།

འདི་ནི་བོད་རིགས་ཀྱི་ཡུལ་མིས་དམངས་གཞས་གཏོང་བཞིན་པ།

རྒྱབ་རི་སྔས་སུ་བྱས་ཤིང་། རྡོ་རྩིགས་ལས་གྲུབ་པའི་བོད་རིགས་གྲོང་སྡེ་དེ་འགྲིམ་འགྲུལ་མ་ལམ་གྱི་ཉེ་འཁོར་དུ་གནས་པ། ཁྲེང་ཏུའུ་ནས་རླངས་འཁོར་ལ་བསྡད་དེ་ཆུ་ཚོད་དྲུག་ཙམ་བསྐྱོད་ན་གསེར་རྒུ་གྲོང་ཚོའི་བོད་རིགས་གྲོང་སྡེ་མིག་ལམ་དུ་མངོན་གྱི་ཡོད།

“དེ་ག་ནི་གནའ་སྔ་མོ་ནས་བཟུང་རིག་གནས་སྣ་མང་གི་འདུ་གནས་ཤིག་རེད”བོད་རིགས་ཡུལ་མི་ཁྲེན་ཡུང་ཅུན་གྱིས་གསེར་རྒུ་གྲོང་ཚོ་ནི་རྒྱ་རོང་བོད་རིགས་འདུས་སྡོད་བྱ་ཡུལ་ཞིག་ཡིན་པ་དང་། གྲོང་ཚོའི་ནང་བོད་རིགས་ཀྱི་གྲོང་སྡེ་ཡག་པོ་གནས་པ་དེར་རིང་ཤོས་ལ་ལོ་ངོ་1300ལྷག་ཙམ་གྱི་ལོ་རྒྱུས་ལྡན་ཡོད། ཁྲོ་ཆུ་རྫོང་དུ་བོད་རིགས་གྲོང་སྡེ་དེ་ལྟ་བུ་རི་ཁུག་དང་ལུང་གཞུང་གང་སར་ཁྱབ་ནས་ཐུན་མོང་མ་ཡིན་པའི་ས་ཁོངས་ཀྱི་ཡུལ་ལྗོངས་ཤིག་ཆགས་ཡོད་ཅེས་ངོ་སྤྲོད་བྱས།

དམིགས་བསལ་ཁྱད་ཆོས་ལྡན་པའི་བོད་རིགས་ཀྱི་གྲོང་སྡེ།

རྡོ་གཅལ་ལམ་དང་དྭངས་གཙང་གི་རྒྱུག་ཆུ། གྲོང་ཚོའི་གཏམ་རྒྱུད་ནི་ཆུ་ཕྲན་ལྷུང་ལྷུང་དུ་འབབ་པ་བཞིན་རྒྱུན་ཆད་རྒྱུ་མེད། “རྒྱ་རོང་བོད་རིགས་ཚོས་གཙོ་བོ་སོ་ནམ་བྱས་ནས་འཚོ་ཐབས་བྱེད་ཅིང་། ས་ཁོངས་དེར་རྡོ་རྒྱུ་འབེལ་བ་དང་། གནའ་བོའི་དུས་སུ་རྟག་ཏུ་དམག་འཁྲུག་ལངས་སྟབས། མཁར་རྫོང་རྣམ་པའི་སྡོད་ཁང་བརྒྱབ་ཡོད”ཅེས་ཁྲེན་ཡུང་ཅུན་གྱིས་ཤོད་ཀྱིན་དུ་གསར་འགོད་པ་འཁྲིད་དེ་བོད་རིགས་ཀྱི་ཁང་པ་ཞིག་གི་ནང་དུ་འཛུལ།

“བོད་རིགས་ཀྱི་སྡོད་ཁང་ལ་སྤྱིར་བཏང་ཐོག་སོ་གསུམ་ཡོད་ཅིང་། ཐོག་སོ་དང་པོར་ཕྱུགས་རིགས་གསོ་བ་དང་། ཐོག་སོ་གཉིས་པར་མི་སྡོད་པ། ཐོག་སོ་གསུམ་པར་འབྲུ་རིགས་འཇོག་གི་ཡོད” ཁྲེན་ཡུང་ཅུན་གྱིས་བོད་ཁང་གི་རྡོ་རྩིགས་འོག་ཞེང་ཆེ་ལ་སྟེང་ཞེང་ཆུང་བ་དང་། ནང་དུ་འདྲོང་ཞིང་ཕྱི་གསེག་པ། མཐུག་ཚད་ལ་ལི་སྨི་ལྔ་བཅུ་དྲུག་ཅུ་ཙམ་ཡོད་པས། དྲོད་སྲུང་དང་ཉི་འགོག་གི་ནུས་པ་ཡོད་ལ་འགོག་སྲུང་གི་ནུས་པའང་ལྡན་ཡོད་ཅེས་བརྗོད།

ཁྲོ་ཆུ་རྫོང་གི་ས་ཁོངས་མི་འདྲ་བའི་བོད་ཁང་ལ་རང་སོ་སོའི་ཁྱད་ཆོས་མི་འདྲ་བ་རེ་ཡོད།

ས་སྟོད་གྲོང་རྡལ་དབྱང་རུང་གྲོང་ཚོར་བོད་རིགས་ཀྱི་སྡོད་ཁང་སྟར་པ་དང་བང་རིམ་རེ་རེ་གྲལ་སྟར་འགྲིག་པོ་ཡོད། དེ་དག་གི་ཁང་པའི་སྒོ་ལ་རི་མོ་སྣ་ཚོགས་བརྐོས་ཡོད་པ་སྟེ། དམར་པོ་དང་། སེར་པོ། ལྗང་ཁུ་སོགས་ཚོན་མདོག་སྣ་ཚོགས་ཀྱི་རི་མོ་བརྐོས་པ་དེས་བཀྲ་ཤིས་པ་མཚོན་གྱི་ཡོད། ཁྲོ་ཆུ་རྫོང་སྡོད་ཁང་དང་གྲོང་ཁྱེར་དང་གྲོང་གསེབ་འཛུགས་སྐྲུན་ཅུས་ཀྱི་ཅུས་ཀྲང་གཞོན་པ་ཧོ་ཀྲི་ཀང་གིས་ངོ་སྤྲོད་བྱས་པར་གཞིགས་ན། དབྱང་རུང་གྲོང་ཚོ་ནི་གཙང་གཞུང་དུ་ཆགས་པ་དང་སྔོ་ཁེབས་སྟུག་པོ་ཡོད་པས། གསེར་རྒུ་གྲོང་ཚོའི་མཁར་རྫོང་རྣམ་པའི་སྡོད་ཁང་མི་འདྲ་བ་སྐྲུན་སྐབས་ས་གནས་དེ་གའི་གྲོང་མིས་ཤིང་ཆ་དེ་བས་མང་བ་ཁང་པའི་སྒོ་དང་། ཀ་བ། ནང་ངོས་སུ་མཛེས་རྒྱན་སྤྲོས་པ་བཅས་ལ་སྤྱོད་ཀྱི་ཡོད་པ་རེད།

ཡུལ་བབ་དང་བསྟུན་པས་སྡོད་ཁང་སྲ་ཞིང་བརྟན་པ་ཡོད་པ།

བོད་ཁང་ཇི་ལྟར་གྲུབ་པ་ཡིན་ནམ། ཁྲེན་ཡུང་ཅུན་གྱིས་དེ་ནི་དམངས་ཁྲོད་དུ་ཁྱབ་པའི་མཁར་རྫོང་རྣམ་པའི་འཛུགས་སྐྲུན་གྱི་ལག་རྩལ་ཆ་ཚང་ལས་གྲུབ་པ་རེད་ཅེས་བརྗོད།

གསེར་རྒུ་གྲོང་ཚོར་འགྲོ་སྐབས་ཞིབ་པར་ལྟོས་དང་། བོད་ཁང་མང་ཆེ་བ་ཐོག་ཁ་སྙོམས་ཤིང་གྱང་མཐུག་པོ་ཡོད། “ཁང་པ་རྒྱག་སྐབས་རྩིག་པར་སྤྱོད་པའི་རྡོ་ནི་སྲབ་ལ་ཞེང་ཁ་ཆེན་པོ་ཡོད” ཁྲེན་ཡུང་ཅུན་གྱིས་གྱང་བརྟན་པོ་ཡོང་བའི་ཆེད་དུ། ཐོག་སོ་དང་པོར་རྡོ་གཞུང་ལ་འདིང་བ་དང་ཐོག་སོ་གཉིས་པར་འཕྲེད་ལ་འདིང་གི་ཡོད། དེ་ལྟར་བྱས་ན་རྡོ་དང་རྡོའི་དབར་ལ་འཛིན་ཤུགས་ཤིག་ལྡན་ཐུབ། རྡོའི་གྱང་ངོས་གཉིས་ཀ་ཁོད་སྙོམས་པོ་དགོས་ལ། དཀྱིལ་ལ་ད་དུང་རྡོ་ཆེན་གྱི་ཀ་བ་ལྟ་བུ་ཞིག་དགོས་ཀྱི་ཡོད།

རྡོ་རྩིགས་བརྟན་པོ་སྦྱོར་བར་ཡུལ་དེ་གའི་ས་སེར་ནི་མེད་དུ་མི་རུང་བ་ཞིག་རེད། མཁར་རྫོང་རྣམ་པའི་སྡོད་ཁང་རྒྱག་སྐབས། བཟོ་བོ་རྣམས་ཀྱིས་ཆུ་གཙང་མས་འདམ་བག་བརྫིས་ནས་རྡོའི་གསེབ་ཏུ་བླུགས་ཏེ་གྱང་ངོས་དེ་བས་བརྟན་ལ་ཁོད་སྙོམས་པ་ཡོང་བར་བྱེད་ཀྱི་ཡོད།

གསེར་རྒུའི་བོད་གྲོང་དང་མི་འདྲ་བར་ཞལ་བ་རྒྱག་པ་ནི་ཚེ་དགེ་གྲོང་ཚོའི་བོད་རིགས་སྡོད་ཁང་གི་ཁྱད་ཆོས་ཆེན་པོ་ཞིག་རེད།

“ང་ཚོའི་འདི་གར་ས་བབ་བལྟོས་བཅས་ཀྱིས་སྙོམས་པས། འདམ་བག་བརྫིས་ནས་འདག་ཤུལ་བརྒྱབ་ན་གྱང་བརྟན་པོ་ཞིག་སློང་ཐུབ་ཀྱི་ཡོད”ལོ་10ལྷག་ཙམ་གྱི་གོང་དུ་ཡུལ་མི་ཁྲུའུ་ཡཱ་ཡིས་ཐོག་སོ་གསུམ་ལྡན་གྱི་བོད་ཁང་རྒྱག་སྐབས་རྩིག་རྨང་བརྟན་པོ་ཞིག་འདིང་བ་ཁོ་ནར་དུས་ཡུན་ལོ་ཕྱེད་ཙམ་འགོར་ཡོད།

སྲུང་སྐྱོང་ཉམས་གསོ་བྱས་ནས་རིག་གནས་ཡུལ་སྐོར་འཕེལ་རྒྱས་བཏང་བ།

ཉེ་ཆར། ཚེ་དགེ་གྲོང་ཚོར་ཨར་སྐྲུན་བཟོ་པ་མི་ཉུང་བ་ཞིག་སླེབས་པ་དང་། ལག་པས་བརྡར་བའི་རྡོ་དང་རང་བྱུང་རྡོ་ལེབ་སྤྱད་ནས་འགྲོ་ལམ་བཟོས་པ་དང་བོད་བཟོའི་མེ་ཏོག་བརྐོ་རྩལ་སྤྱད་ནས་སྒོ་དང་སྒེའུ་ཁུང་ལ་ཉམས་གསོ་བྱས་པས་གྲོང་ཚོའི་རྣམ་པར་འགྱུར་ལྡོག་ཆེན་པོ་བྱུང་ཡོད།

དེ་གོང་གྲོང་ཚོའི་ནང་གི་ཁང་པ་ཁག་གཅིག་ཡུན་རིང་ཞིག་གསོ་མ་བྱུང་བས་གྲོང་ཚོའི་སྤྱི་ཡོངས་ཀྱི་རྣམ་པར་ཤུགས་རྐྱེན་ཐེབས་ཡོད། 2025ལོའི་ཟླ་6པར། ཁྲོ་ཆུ་རྫོང་གིས་སྲུང་སྐྱོང་ཉམས་གསོའི་ལས་གྲྭ་སྤེལ་འགོ་ཚུགས་པ་སྟེ། “རྙིང་བཟོ་ལྟར་ཉམས་གསོ་བྱེད་པའི”རྩ་དོན་གཞིར་བཟུང་། བོད་ཁང་ལ་སྲུང་སྐྱོང་གིས་རྨང་གཞིའི་སྒྲིག་བཀོད་འཐུས་སྒོ་ཚང་དུ་བཏང་ཡོད།

ཧོ་ཀྲི་ཀང་གིས་ངོ་སྤྲོད་བྱས་པར་གཞིགས་ན། ཉེ་བའི་ལོ་གསུམ་རིང་། ཁྲོ་ཆུ་རྫོང་གིས་རིམ་རྩིས་བྱས་ན་མ་དངུལ་སྒོར་དུང་ཕྱུར་7ལྷག་ཙམ་བཏང་ནས་རྫོང་ཡོངས་ཀྱི་སྲོལ་རྒྱུན་གྲོང་ཚོ་18ལ་སྲུང་སྐྱོང་ཉམས་གསོ་བྱས་ཡོད།

ཕྱོགས་གཅིག་ནས་སྲུང་སྐྱོང་རིམ་སྤོར་དང་ཕྱོགས་གཞན་ཞིག་ནས་རིག་གནས་ཡུལ་སྐོར་དར་རྒྱས་བཏང་ཡོད།

གྲོང་ཚོའི་ཏང་ཀྲི་པུའུ་ཡི་ཧྲུའུ་ཅི་མུར་རྒྱལ་གྱི་ཁྱིམ་དུ་སླེབས་སྐབས་དམངས་སྲོལ་གནས་ཚང་གཙང་ལ་དཀར་ཆ་དོད་པ་དང་ཤིང་གི་མཛེས་རྒྱན་ཧ་ཅང་ཡག་པོ་སྤྲས་ཡོད། ལོ་ཤས་གོང་། དབྱང་རུང་གྲོང་ཚོས་སྲུང་སྐྱོང་སྔོན་ལ་འཇོག་པའི་རྩ་དོན་མཐའ་འཁྱོངས་བྱེད་པའི་འོག་གཅིག་གྱུར་འཆར་འགོད་བྱས་ཏེ། གྲོང་མིས་མ་དངུལ་གྲབས་གསོག་བྱས་ནས་བོད་རིགས་ཀྱི་སྡོད་ཁང་40ལྷག་ཙམ་དམངས་སྲོལ་གནས་ཚང་ལ་བསྒྱུར་ཡོད། དེ་དང་ཆབས་ཅིག གྲོང་ཚོའི་ནང་ད་དུང་ཞིམ་ཟས་ཁྲོམ་གཞུང་བཙུགས་ཏེ་ཀོག་ཧྥེ་ཁང་ཡང་ཡོད། དབྱར་ཁར་ཚ་གཡོལ་བྱེད་པར་ཡོང་མཁན་ཡུལ་སྐོར་བ་རྒྱུན་ཆད་རྒྱུ་མེད་པ་དང་། སྟོན་ཁར་ཚོན་སྣའི་ནགས་ཚལ་ལ་རོལ་མྱོང་བྱེད་པར་ཡོང་མཁན་མང་པོ་ཡོད་པ་དེ་དག་གིས་གྲོང་ཚོའི་ནང་གསོན་ཤུགས་རབ་ཏུ་འཕེལ་བར་བྱས་ཡོད།

ཁྲོ་ཆུར་ཡུལ་སྐོར་ལ་ཡོང་མཁན་ཇེ་མང་དུ་སོང་བ་དང་ཆབས་ཅིག་ས་གནས་དེ་གའི་མངོན་མིན་རིག་གནས་ཤུལ་བཞག་ལ་གསོན་ཤུགས་གསར་པ་རྒྱས་ཤིང་། དུས་ཆེན་འཆར་རིམ་བཞིན་ས་གནས་དེ་གས་ཡུལ་མི་སྒྲིག་འཛུགས་བྱས་ནས་སྲོལ་རྒྱུན་གྱི་ལག་རྩལ་ལ་བསྐྱར་དྲན་བྱེད་ཀྱི་ཡོད།