2025ལོ་ནི“ལོ་ལྔ་ཚན་བཅུ་བཞི་པའི”འཆར་འགོད་ཀྱི་མཇུག་བསྡུའི་ལོ་དང“ལོ་ལྔ་ཚན་བཅོ་ལྔ་པའི”འཆར་འགོད་ཀྱི་འཐབ་འགོད་ཇུས་འདོན་གྱི་འགག་རྩའི་ལོ་ཞིག་ཡིན་ལ། བོད་རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བའི་ལོ་ཞིག་ཀྱང་རེད།

ལོ་གཅིག་གི་རིང་། ལྗོངས་ཡོངས་ཀྱི་དྲིལ་བསྒྲགས་དང་བསམ་བློ་རིག་གནས་འཐབ་ཕྱོགས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས་ཀྱིས་ཞི་ཅིན་ཕིང་གི་རིག་གནས་དགོངས་པ་སློབ་སྦྱོང་དང་ལག་བསྟར་ནན་ཏན་བྱས་ཏེ། ཏང་གི་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་རིམ་བྱུང་གི་དགོངས་དོན་ཕྱོགས་ཡོངས་ནས་ལག་བསྟར་དང་། བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་གཏིང་ཟབ། ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་རང་སྐྱོང་ལྗོངས་ཏང་ཨུད་ཀྱི་ལས་དོན་གྱི་བླང་བྱ་མཐའ་གཅིག་ཏུ་ལག་བསྟར། རང་རྟོགས་ངང་དར་ཆ་སྒྲེང་བ་དང་། དམངས་སེམས་གཅིག་སྒྲིལ། མི་གསར་སྐྱོང་བ། རིག་གནས་དར་སྤེལ། གཟུགས་བརྙན་མངོན་པ་བཅས་ཀྱི་འགན་འཁྲི་ལས་འགན་དང་དེ་བཞིན་རིག་གནས་ཀྱི་འགན་འཁྲི་གསར་པ་ཁུར་བ། “དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་རྒྱག་པ། དྲིལ་བསྒྲགས་དང་བསམ་བློ་རིག་གནས་ཀྱི་ལས་དོན་ལ་རྣམ་པ་གསར་པ་གཏོད་རྒྱུར་སྐུལ་འདེད་གཏོང་བ་བཅས་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་བོད་གསར་འཛུགས་སྐྲུན་བྱེད་པར་བསམ་བློའི་འགན་ལེན་བརྟན་པོ་དང་། བསམ་པའི་སྟོབས་ཤུགས་ཆེན་པོ། རིག་གནས་ཀྱི་མཐུན་རྐྱེན་བཟང་པོ་བཅས་མཁོ་འདོན་བྱས་ཡོད།

བསམ་བློའི་དར་ཆ་མཐོན་པོར་བསྒྲེངས་ནས། ཏང་གི་གསར་གཏོད་རིགས་པའི་གཞུང་ལུགས“ཕལ་པའི་ཁྱིམ་ཚང་དུ”ཁྱབ་པར་སྐུལ་འདེད་བཏང་བ།

དུས་རབས་ཀྱིས་བསམ་བློ་སྐྱོང་། བསམ་བློ་ཡིས་སྣེ་ཁྲིད་བྱེད། ལོ་གཅིག་གི་རིང་། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པར་བརྟེན་ནས་ཏང་ཡོངས་ལ་དྲག་ཆས་སྤྲོས་པ་དང་མི་དམངས་ལ་སློབ་གསོ་གཏོང་བའི་ཆབ་སྲིད་ཀྱི་ལས་འགན་ཨང་དང་པོར་དམིགས་ནས། ཏང་གི་གསར་གཏོད་རིགས་པའི་གཞུང་ལུགས་སློབ་སྦྱོང་དང་དྲིལ་བསྒྲགས་སློབ་གསོ་གཏིང་ཟབ་ཏུ་བཏང་སྟེ་རྒྱུན་ཆད་མེད་པར་བསམ་བློར་དྲག་ཆས་སྤྲོས་པ་དང་། ལག་ལེན་ལ་མཛུབ་ཁྲིད་བྱེད་པ། ལས་དོན་ལ་སྐུལ་འདེད་གཏོང་བ་བཅས་བྱས་ཡོད།

ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དེ་རྒྱུན་རྣམ་ཅན་དང་ཕུགས་ཕན་ཅན་དུ་འགྱུར་བར་སྐུལ་འདེད་བཏང་སྟེ། རང་སྐྱོང་ལྗོངས་ཏང་ཨུད་ཀྱིས་དཔེ་སྟོན་སྣེ་ཁྲིད་ཀྱི་ནུས་པ་བཏོན་ནས་རྒྱུན་ལས་ཨུ་ལྷན་གྱི་ཚོགས་འདུ་ཐེངས་28དང་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་སློབ་སྦྱོང་ཚོགས་འདུ་ཐེངས་9འཚོགས་པ་དང་། རིམ་ཁག་ཏང་ཨུད(ཏང་ཙུའུ)ཀྱི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གིས་སློབ་སྦྱོང་ཐེངས་9000ལྷག་ཙམ་བྱས་ནས་ཞི་ཅིན་ཕིང་གི་རིག་གནས་དགོངས་པ་དང་། 《ཞི་ཅིན་ཕིང་གིས་རྒྱལ་སྲིད་སྐྱོང་ལུགས་སྐོར་གླེང་བ》དེབ་ལྔ་པ། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་བཅས་སློབ་སྦྱོང་དང་ལག་བསྟར་གཏིང་ཟབ་བྱས་ཡོད།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་དུ་གཟིགས་ཞིབ་གནང་སྐབས་གནང་བའི་གསུང་བཤད་གལ་ཆེན་དང་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སོགས་བརྗོད་དོན་གལ་ཆེན་ལ་དམིགས་ནས། ཀུན་འདུས་སྨྱན་སྦྱོར་གྱིས་ཆེད་དོན་ལེ་ཚན་བཟོས་པ་དང་རྩོམ་ཡིག་8100ལྷག་ཙམ་སྤེལ་བ་དང་། “ཏང་གི་གསར་གཏོད་རིགས་པའི་གཞུང་ལུགས་མང་ཚོགས་ཅན་དུ་འགྱུར་བ”ཞེས་པའི་ཆེད་སྒྲིག་རྩོམ་ཡིག་40ལྷག་ཙམ་བཏོན་པར་སྤྱིའི་ལྟ་ཀློག་བྱེད་ཐེངས་དུང་ཕྱུར་1.9ལྷག་ཙམ་ཟིན་ཡོད། “ཡན་ཨན་གྱི་སྙིང་སྟོབས་དྲིལ་བསྒྲགས་ཚོགས་པ”ཞེས་པའི་སྤུས་རྟགས་བཏོད་ནས“གཞི་རིམ་སྒྲོག་འགྲེལ་པ་ཡག་ཤོས་བཅུ”ཡི་འགྲན་བསྡུར་བྱེད་སྒོ་གཉེར་ཏེ། ཏང་གི་གསར་གཏོད་རིགས་པའི་གཞུང་ལུགས“མི་སེར་དུད་ཁྱིམ་ཕལ་པར”ཁྱབ་རྒྱུར་སྐུལ་འདེད་བཏང་བ་རེད།

གླེང་ཕྱོགས་ཀྱི་གཡུལ་ས་གཙོ་བོ་ཡག་པོ་བསྲུངས་ནས། གདེང་ཚོད་ཆེར་གཏོང་དང་སྟོབས་ཤུགས་གཅིག་སྒྲིལ་བྱས་པ།

ལོ་གཅིག་གི་རིང་། མཐུན་སྒྲིལ་དང་བརྟན་ལྷིང་ལ་བརྟེན་ནས་ངར་ཤུགས་ཆེར་སྐྱེད་དང་དྲང་ཕྱོགས་ཀྱི་དྲིལ་བསྒྲགས་གཙོ་བོར་འཛིན་རྒྱུ་མཐའ་འཁྱོངས་བྱས་ཏེ་གཙོ་རྒྱུན་རིན་ཐང་དང་། གཙོ་རྒྱུན་གླེང་ཕྱོགས། གཙོ་རྒྱུན་རིག་གནས་བཅས་རྒྱུན་ཆད་མེད་པར་འཕེལ་རྒྱས་དང་སྟོབས་ཆེར་བཏང་ཞིང་། ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་བས་དམངས་སེམས་གཅིག་ཏུ་བསྒྲིལ་བ་དང་། གདེང་ཚོད་ཆེ་རུ་ཕྱིན་པ། སྤོབས་སེམས་རྒྱས་པ་བཅས་བྱུང་ཡོད།

བོད་རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བ་དང་། ཡོམ་འགོག་གེགས་སེལ། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་དཔྱིད་གསར་དུས་ཆེན་མཚན་ཚོགས་ལྷ་སའི་ཡན་ལག་ཚོགས་ར་སོགས་བརྗོད་དོན་གལ་ཆེན་ལ་དམིགས་ཏེ། གསར་འགྱུར་ཆེད་དོན་དང་མཉམ་འདྲེས་སྨྱན་སྦྱོར་གྱི་བརྩམས་ཆོས་རབ་དང་རིམ་པ་བཏོན་པ་དང་རྩོམ་ཡིག་ཁྲི་1.5ཙམ་སྤེལ་བར་ལྟ་ཀློག་བྱེད་ཚད་ཁྲི་1256ལྷག་ཙམ་ཟིན་ཡོད། རང་སྐྱོང་ལྗོངས་ཏང་ཨུད་ཀྱི“དོན་ཆེན་བཞི”དོན་འཁྱོལ་གྱི་ཕན་འབྲས་ལ་གཞིགས་ཏེ། ཀྲུང་དབྱང་དང་ས་གནས་ཀྱི་སྨྱན་སྦྱོར་གྱིས་མཉམ་དུ་ཆེད་སྒྲིག་ལེ་ཚན་10ལྷག་ཙམ་བཟོས་ནས་འབྲེལ་ཡོད་རྩོམ་ཡིག་4035སྤེལ་བ་དང་། གནས་ཚུལ་ཁག་ཁྲི་3ལྷག་ཙམ་གཏོང་སྤེལ་བྱས་པར་ཁྱབ་སྤེལ་བྱེད་ཚད་ཐེངས་ཁྲི་བརྒྱ་ཕྲག་ལྷག་ཟིན་ཡོད། བོད་ཀྱི་དྲ་རྒྱའི་གཟུགས་བརྙན་དུས་ཆེན་དང“ང་ཚོའི་ཁྱིམ་གཞིས། སྐྱིད་ཅིང་མཛེས་པའི་བོད་ལྗོངས”སོགས་དྲ་རྒྱའི་དྲིལ་བསྒྲགས་བྱེད་སྒོ་སྤེལ་བ་དེས་གླེང་ཕྱོགས་ཀྱི་རྣམ་པ་བཟང་པོ་བསྐྲུན་པ་དང་། དུས་རབས་གསར་པའི་ཏང་གི་བོད་སྐྱོང་མཛད་ཇུས་མཁས་མཛངས་ལྡན་པ་དང་ཡང་དག་པ་མངོན་པ་མ་ཟད། བོད་ཀྱི་མི་རིགས་ཁག་གི་མི་དམངས་ཀྱི་བསམ་པའི་ཉམས་འགྱུར་བཟང་པོ་གང་ལེགས་མངོན་པ་དང་བསམ་པའི་སྟོབས་ཤུགས་ཆེན་པོའང་གཅིག་ཏུ་བསྒྲིལ་བ་རེད།

ལོ་རྒྱུས་རིག་གནས་རྒྱུན་འཛིན་བྱས་ནས། རིག་གནས་བྱ་གཞག་དང་རིག་གནས་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་བ།

ལོ་གཅིག་གི་རིང་། རིག་གནས་ལ་བརྟེན་ནས་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་མཐུན་རྐྱེན་སྦྱོར་བ་མཐའ་འཁྱོངས་ཀྱིས་རིག་གནས་ཀྱི་སྒྲིག་སྲོལ་ལམ་སྲོལ་སྒྱུར་བཅོས་ལ་སྐུལ་འདེད་བརྟན་པོ་གཏོང་བ་དང་། སྤྱི་པའི་རིག་གནས་ཞབས་ཞུའི་སྤུས་ཚད་དང་རིག་གནས་ཐོན་རྫས་མཁོ་སྤྲོད་ཀྱི་ཆུ་ཚད་མཐོ་རུ་གཏོང་བ། རིག་གནས་དང་ཡུལ་སྐོར་མཉམ་འདྲེས་གཏིང་ཟབ་འཕེལ་རྒྱས་ལ་སྐུལ་འདེད་གཏོང་བ་བཅས་བྱས་པས། རིག་གནས་སྟོབས་ཆེན་ལྗོངས་འཛུགས་སྐྲུན་ཐད་གོམ་སྟབས་བརྟན་པོ་ཞིག་སྤོས་ཡོད།

རིག་གནས་བྱ་གཞག་རྒྱུན་ཆད་མེད་པར་དར་རྒྱས་གོང་འཕེལ་བྱུང་ཞིང་། གཞི་རིམ་གྱི་སྤྱི་པའི་རིག་གནས་སྒྲིག་བཀོད་འཛུགས་སྐྲུན་ཡག་པོ་དང་། དོ་དམ་ཡག་པོ། བེད་སྤྱོད་ཡག་པོ་བཅས་བྱས་ནས“རིག་དཔལ་བོད་ལྗོངས”དང་དེ་བཞིན་གྲོང་གསེབ་ཏུ་སྤྱི་ཕན་གློག་བརྙན་སྟོན་པ་སོགས་ཀྱི་བྱེད་སྒོའི་སྤུས་ཚད་དང་ཕན་འབྲས་ཆེ་རུ་བཏང་སྟེ། དྲ་ཐོག་དང་དྲ་ཕྱིའི་མང་ཚོགས་རང་བཞིན་གྱི་རིག་གནས་བྱེད་སྒོ་ཐེངས་ཁྲི་10ལྷག་ཙམ་སྤེལ་བར་མི་ཐེངས་ཁྲི་1600ལྷག་ཙམ་ལ་ཕན་པ་ཐོབ་པ་དང་། རླུང་འཕྲིན་དང་བརྙན་འཕྲིན་ལེ་ཚན་ཕྱོགས་བསྡུས་ཁྱབ་ཚད་མི་འབོར་99.64%དང་99.77%སོ་སོར་ཟིན་ཡོད། རིག་རྩལ་གསར་རྩོམ་དང་། འཁྲབ་སྟོན། ཁྱབ་གདལ་བཅས་གཞི་གཅིག་ཅན་ལ་སྐུལ་འདེད་བཏང་བས། རིག་རྩལ་སྤུས་དག་འབོར་ཆེན་ཐོན་པ་མ་ཟད་བྱ་དགའ་སྣ་ཚོགས་ཀྱང་ཐོབ་ཡོད།

རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་ནུས་ལྡན་ཐུབ་ཅིང་། རྒྱལ་ཡོངས་ཀྱི་རིག་དངོས་ཡོངས་བཤེར་ཐེངས་བཞི་པར་དུས་མཚམས་རང་བཞིན་གྱི་གྲུབ་འབྲས་ཐོབ་པ་དང་། གུ་གེ་རྒྱལ་རབས་ཀྱི་གནའ་ཤུལ་དང་བཙན་པོའི་བང་སོ་རྒྱལ་ཁབ་གནའ་རྫས་རྟོག་ཞིབ་གནའ་ཤུལ་སྤྱི་གླིང་གི་རྣམ་གྲངས་ནང་བཅུག་ཡོད། 2025ལོའི“རིག་གནས་དང་རང་བྱུང་ཤུལ་བཞག་ཉིན་མོ”དང་བོད་ཀྱི་མངོན་མིན་རིག་གནས་ཤུལ་བཞག་གཟའ་འཁོར་གྱི་བྱེད་སྒོ་རབ་དང་རིམ་པ་སྤེལ་བར། རྒྱལ་ཁབ་རིམ་པ་དང་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་གི་རྒྱུན་འཛིན་པ་21དང་101གསར་དུ་འཕར་ནས། རིག་གནས་ཤུལ་བཞག་ཕྱོགས་བསྡུས་རང་བཞིན་གྱི་སྲུང་སྐྱོང་རྣམ་པ་བཟང་པོ་ཞིག་མངོན་ཡོད།

ཏང་གི་འགོ་ཁྲིད་ལ་ཕྱོགས་ཡོངས་ནས་ཤུགས་སྣོན་བརྒྱབ་སྟེ། དྲིལ་བསྒྲགས་དང་བསམ་བློ་རིག་གནས་ལས་དོན་གསར་གཏོད་འཕེལ་རྒྱས་ལ་འགན་སྲུང་བརྟན་པོ་བྱས་པ།

2025ལོར་ཏང་གི་རིག་གནས་ཀྱི་འགོ་ཁྲིད་དབང་ཆར་སྟངས་འཛིན་ནན་པོ་བྱས་ཏེ། ཕྱོགས་ཡོངས་ནས་ཏང་ནན་པོས་སྐྱོང་བའི་བྱེད་པོའི་འགན་འཁྲི་ལག་བསྟར་ནན་ཏན་བྱས་པ་དང་། “ནུས་པ་བཞིའི”བླང་བྱ་ལག་ལེན་གཏིང་ཟབ་བསྟར་ནས། དྲིལ་བསྒྲགས་དང་བསམ་བློ་རིག་གནས་ཀྱི་འཐབ་ཕྱོགས་སུ་ཏང་དར་ལྷབ་ལྷུབ་ཏུ་གཡོ་བར་བྱས་ཡོད།

ཆབ་སྲིད་འཛུགས་སྐྱོང་ལ་རྒྱུན་མཐུད་ཤུགས་སྣོན་བརྒྱབ་ཅིང་། “གཏན་འཁེལ་གཉིས”ལ་མཐའ་གཅིག་ཏུ་བརྩི་བཀུར་ཞུ་བ་དང“སྲུང་སྐྱོང་གཉིས”མཐའ་གཅིག་ཏུ་ཐུབ་པར་བྱས་ཏེ《ཀྲུང་གོ་གུང་ཁྲན་ཏང་གི་དྲིལ་བསྒྲགས་ལས་དོན་སྲོལ་ཡིག》དང《ཀྲུང་གོ་གུང་ཁྲན་ཏང་གི་བསམ་བློ་ཆབ་སྲིད་ལས་དོན་སྲོལ་ཡིག》ལག་བསྟར་ནན་ཏན་བྱེད་པ་དང་། ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ལྗོངས་ཏང་ཨུད་ཀྱི་ལས་ཀའི་བླང་བྱ་ལག་ལེན་མཐའ་གཅིག་ཏུ་བསྟར་བ། ལྗོངས་ཡོངས་ཀྱི་དྲིལ་བསྒྲགས་དང་བསམ་བློ་རིག་གནས་ལས་དོན་ལ་སྤྱི་འདོམས་མཛུབ་ཁྲིད་བྱེད་ཤུགས་ཆེ་རུ་གཏོང་བ། གཙོ་གནད་དོན་ཚན་དང་། གཙོ་གནད་རྣམ་གྲངས། གཙོ་གནད་ལས་དོན་བཅས་དོན་འཁྱོལ་ལ་སྐུལ་འདེད་གཏོང་བར་ཇུས་འགོད་བཅས་བྱས་ཏེ། ཐོག་མཐའ་བར་གསུམ་དུ་བསམ་བློ་དང་། ཆབ་སྲིད། བྱ་སྤྱོད་བཅས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་དང་ཚད་མཐོའི་གཅིག་གྱུར་ཡོང་བར་བྱས་ཡོད།

ཏང་ཡོན་ལས་བྱེད་པའི་སློབ་སྦྱོང་གསོ་སྦྱོང་དང་། ལས་གནས་བརྗེ་རེས། གཟེངས་བསྟོད་སྐུལ་སློང་སོགས་ཀྱི་ལས་ཀའི་ལམ་སྲོལ་འཐུས་སྒོ་ཚང་དུ་བཏང་ནས“ནུས་པ་བཞི”ཆེ་རུ་གཏོང་བ་དང་། ཀུན་འདུས་སྨྱན་སྦྱོར་གྱི་ཐོན་སྐྱེད་ཁྱབ་སྤེལ། གསར་འགྱུར་ལས་སྒོ རིམ་པ་མཐོ་བའི་ཤེས་ལྡན་པའི་རྒྱལ་བབ་ཞིབ་སྦྱོང་སོགས་ཀྱི་གསོ་སྦྱོང་འཛིན་གྲྭ་སྒྲིག་འཛུགས་བྱས་ནས་མི་ཐེངས་1116ལ་བརྒྱུད་རིམ་ལྡན་པའི་གསོ་སྦྱོང་བྱས་ཡོད། ཕྱོགས་ཡོངས་ནས་ཏང་ནན་པོས་སྐྱོང་བར་སྐུལ་འདེད་གཏིང་ཟབ་བཏང་ནས་ཏང་ཡོན་ལས་བྱེད་པའི་སྲིད་གཙང་སློབ་གསོ་དང་། རྒྱུན་གཏན་གྱི་ལྟ་སྐུལ། “ཆུ་ཚོད་བརྒྱད་ཕུད་པའི”དོ་དམ་བཅས་ལ་ཤུགས་སྣོན་རྒྱག་པ་དང་། སྤྱོད་གཙང་རིག་གནས་འཛུགས་སྐྱོང་ལ་སྐུལ་འདེད་གཏོང་བ། ལས་བྱེད་ལས་བཟོར་ཐུགས་ཁུར་དང་གཅེས་སྐྱོང་བཅས་བྱས་ཏེ། འགན་འཁྲི་འཁུར་ཕོད་པ་དང་ལས་སྒྲུབ་ལས་གཏོད་ཀྱི་སྙིང་སྟོབས་འཕེལ་བར་བྱས་ཡོད།

རྒྱང་ལམ་གསར་པར། ལྗོངས་ཡོངས་ཀྱི་དྲིལ་བསྒྲགས་དང་བསམ་བློ་རིག་གནས་འཐབ་ཕྱོགས་ཀྱིས་ཞི་ཅིན་ཕིང་གི་རིག་གནས་དགོངས་པ་སྣེ་ཁྲིད་དུ་བྱ་རྒྱུ་མཐའ་འཁྱོངས་ཀྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཀྲུང་ཧྭ་མི་རིགས་གཅིག་མཐུན་ཚོགས་པ་འཛུགས་པར་སྐུལ་འདེད་གཏོང་བ། རིག་གནས་བྱ་གཞག་དང་རིག་གནས་ཐོན་ལས་དར་རྒྱས་གོང་འཕེལ་ཧུར་ཐག་གཏོང་བ། དེ་བས་ནུས་པ་ལྡན་པའི་རྒྱལ་སྤྱིའི་ཁྱབ་སྤེལ་མ་ལག་ཧུར་ཐག་སྐྲུན་པ། ཏང་གིས་ཕྱོགས་ཡོངས་ལ་འགོ་ཁྲིད་བྱེད་ཤུགས་ཆེ་རུ་ཧུར་ཐག་གཏོང་བ། རྨང་གཞི་བརྟན་དུ་གཏོང་བ་དང་ཕྱོགས་ཡོངས་ནས་ནུས་ཤུགས་འདོན་པ་བཅས་བྱས་ཏེ། རིག་གནས་སྟོབས་ཆེན་ལྗོངས་འཛུགས་སྐྲུན་བྱ་རྒྱུ་དེ་སྐས་རིམ་གསར་པ་ཞིག་ཏུ་སླེབས་པར་སྐུལ་འདེད་གཏོང་རྒྱུ་རེད།