མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། ཟླ་1ཚེས་15ཉིན་གསར་འགོད་པར་2026ལོའི་མཚོ་སྔོན་ཞིང་ཆེན་གྱི་འཕྲོད་བསྟེན་བདེ་ཐང་ལས་དོན་ཚོགས་འདུ་ནས་ཤེས་རྟོཌ་བྱུང་བར། 2025ལོར་མཚོ་སྔོན་གྱིས་རྣམ་པ་ཀུན་ཏུ་བདེ་ཐང་ལ་ཞབས་འདེགས་ཞུ་བ་དམ་འཛིན་བྱ་གཞིར་བྱས་ཏེ། བདེ་ཐང་མཚོ་སྔོན་འཛུགས་སྐྲུན་ལ་སྐུལ་འདེད་ཏན་ཏིག་གཏོང་བ་དང་། བདེ་ཐང་མཚོ་སྔོན་གྱི་བྱ་སྤྱོད་ཁག་20དང་རྒྱལ་གཅེས་འཕྲོད་བསྟེན་ལས་འགུལ་མཉམ་འདྲེས་གཏིང་ཟབ་བྱེད་པ། བདེ་ཐང་གི་ལུས་པོའི་ལྗིད་ཚད་དོ་དམ་སོགས་བདེ་ཐང་མཚོ་སྔོན་གྱི་བྱ་སྤྱོད་ནང་འཇུག་པ་བཅས་བྱས་ནས་བདེ་ཐང་ལ་དོ་ཁུར་དང་བདེ་ཐང་དོན་གཉེར་བྱེད་པའི་སྤྱི་ཚོགས་ཀྱི་རྣམ་པ་ཉིན་བཞིན་ཟབ་ཏུ་ཕྱིན་ཡོད།

2025ལོར་མཚོ་སྔོན་གྱིས་ལས་རིགས་ཀྱི་གཅོང་ནད་འགོག་བཅོས་བྱ་སྤྱོད་ལ་ཕྱོགས་ཡོངས་ནས་སྐུལ་འདེད་བཏང་བར་ཞིང་ཆེན་ཡོངས་ཀྱི་རྫོང་དང་ཆུས་སུ་ལས་རིགས་ཀྱི་གཅོང་ནད་གཙོ་བོ་ལྟ་ཞིབ་ཚད་ལེན་ལས་དོན་ཁྱབ་ཚད་100%ཟིན་པ་དང་། མི་ཁྲི་རེའི་འཚོ་བཅུད་མཛུབ་ཁྲིད་པ་1.37ཟིན་ནས་རྒྱལ་ཡོངས་ཀྱི་མདུན་གྲལ་དུ་སླེབས་ཡོད། དེ་དང་ཆབས་ཅིག་རྒྱལ་ཁབ་ས་ཁོངས་སྨན་བཅོས་ལྟེ་གནས་དང་ཞིང་ཆེན་རིམ་པའི་ས་ཁོངས་སྨན་བཅོས་ལྟེ་གནས་གསུམ་བསྐྲུན་ནས་སྤྱོད་འགོ་ཚུགས་པས་ས་ཁོངས་ཀྱི་ཕན་འབྲས་རིམ་བཞིན་མངོན་ཡོད། ས་མཐོའི་བདེ་ཐང་ལུས་གསོའི་ཐོན་ལས་འཕེལ་རྒྱས་འཆར་འགོད་བཟོས་པ་དང་ས་མཐོའི་གསོ་རིག་ཚན་ཞིབ་རྣམ་གྲངས་ལ་རྒྱལ་ཁབ་ཀྱི་ཚན་རྩལ་ཆེད་དམིགས་རྣམ་གྲངས་གལ་ཆེན་གྱི་ཆོག་མཆན་ཐོག་མར་ཐོབ་ཡོད། འབྲས་གཅོང་དང་ཨེ་ཙེ་ནད་སོགས་འགོས་ནད་གཙོ་བོའི“ཆེད་ནད་ཆེད་འགོག”གི་ཐབས་ཇུས་དོན་འཁྱོལ་ནུས་ལྡན་བྱས་པ་དང་། ཡུལ་ནད་གཙོ་བོ་ཚོད་འཛིན་དང་མེད་པར་བཟོ་བའི་དམིགས་ཚད་ལེགས་གྲུབ་ཡོང་བར་སྤུས་ཚད་མཐོ་པོས་སྐུལ་འདེད་བཏང་བས་ལོ་14བསྟུད་མར་བྱི་རིམས་ཐོན་མེད། ཁྲིམས་སྐྱོང་སྨན་ཁང་སྐྲུན་འགོ་ཚུགས་ཤིང་། རེས་སྐོར་གསར་པའི་ཀྲུང་གོས(མཚོ་སྔོན)པུ་རུན་ཏིར་རོགས་སྐྱོར་བྱེད་པའི་སྨན་བཅོས་རུ་ཁག་བརྗེ་རེས་ལས་དོན་ལེགས་གྲུབ་བྱུང་བ་དང་། ཀྲུང་ལུགས(བོད་ལུགས)གསོ་རིག་སྨན་རྫས་དེ་མཚོ་སྔོན་དང་ཨའོ་མོན་དབར་གྱི་དཔལ་འབྱོར་ཚོང་དོན་མཉམ་ལས་སྤེལ་རེས་བྱེད་སྒོའི་གྲུབ་ཆ་གལ་ཆེན་ཞིག་ཏུ་གྱུར་ཡོད།

མཚོ་སྔོན་གྱི་འཕྲོད་བསྟེན་བདེ་ཐང་ཁྱབ་ཁོངས་ཀྱི་མི་དམངས་ལ་ཞབས་འདེགས་ཞུ་བའི་བྱ་བ་དངོས་ཚང་མ་མངོན་འགྱུར་བྱུང་ཞིང་། ཞིང་ཆེན་ཡོངས་ཀྱི་རིམ་པ་གཉིས་པ་དང་གསུམ་པའི་གཞུང་བཙུགས་ཕྱོགས་བསྡུས་སྨན་ཁང་59དང་། གཞུང་བཙུགས་ཀྲུང་ལུགས་སྨན་ཁང་14 རྫོང་རིམ་པ་ཡན་གྱི་བུད་མེད་དང་བྱིས་པའི་བདེ་སྲུང་སྒྲིག་གཞི་52 གཞི་རིམ་སྨན་བཅོས་སྒྲིག་གཞི་96%བཅས་ཚང་མས་བྱིས་ནད་ཚན་ཁག་གི་སྨན་བཅོས་ཞབས་ཞུ་ཚད་ལྡན་མཁོ་འདོན་ཐུབ་ཀྱི་ཡོད། 12356སེམས་ཁམས་རོགས་སྐྱོར་ཐད་སྦྲེལ་ཁ་པར་ཤར་གཏོང་ཐུབ་པ་དང་། སེམས་ཁམས་སྒོ་བསྟེན་སྨན་ཁང་དང་གཉིད་ཡེར་སྒོ་བསྟེན་སྨན་ཁང་དང་སྒྲིག་གཞི་64དང་50སོ་སོར་འཕར་ནས་སྤྱི་ཚོགས་སེམས་ཁམས་ཞབས་ཞུའི་དྲ་རྒྱ་ཟམ་མི་ཆད་པར་འཐུས་སྒོ་ཚང་དུ་ཕྱིན་ཡོད། མི་འབོར་སྟོང་རེའི་བུ་བཅོལ་གྲངས་ཚད་4.57ཟིན་ནས“ལོ་ལྔ་ཚན་བཅུ་བཞི་པའི”འཆར་འགོད་དམིགས་ཚད་ཚད་བརྒལ་གྱིས་ལེགས་གྲུབ་བྱུང་བ་དང་། རྒྱལ་ཡོངས་སུ་ལོ་འཁོར་གྱི་བུ་གསོའི་ཁ་གསབ་སྔོན་ལ་སྤྲད་ཡོད། “མཚོ་སྔོན་གྱི་ནད་གཡོག”སྤུས་རྟགས་བཏོད་ནས“ནད་གཡོག་མེད་པའི”ནད་ཁང་221བཙུགས་པ་དང་ནད་པ་མི་ཐེངས་4350ལ་ཞབས་འདེགས་ཞུས་ཡོད། རིམ་པ་གཉིས་པ་དང་དེ་ཡན་གྱི་ཕྱོགས་བསྡུས་རང་བཞིན་གྱི་སྨན་ཁང་གི་རྒན་རྒོན་གསོ་རིག་ཚན་ཁག་འཛུགས་ཚད་དང་རྒན་རྒོན་གྱི་མཛའ་གྲོགས་སྨན་བཅོས་སྒྲིག་གཞི་འཛུགས་ཚད་90%ལས་བརྒལ་ཡོད། མི་འབོར་ཁྲི་10ལས་བརྒལ་བའི་རྫོང་19རུ་ཟུངས་ཁྲག་བསིང་བཅོས་ཐུབ་པ་དང་། “ཁྲག་གི་གྲོན་དངུལ་ཆག་ཡང་དང་རྩ་ཆག་གཏོང་བར་འགྲོ་ཐེངས་གཅིག་གིས་འགྲུབ་པར”སྐུལ་འདེད་བཏང་ཡོད།