ཉིང་ཁྲི་གྲོང་ཁྱེར་གྱིས་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བའི་སློབ་ཁང་ཆེ་མོའི་བྱེད་སྒོ་སྤེལ་བ།
ཏང་གི་གསར་གཏོད་རིགས་པའི་གཞུང་ལུགས་ཀྱི“མི་བརྒྱ་བྱེད་སྒོ་སྤེལ་ཡུལ་སྟོང་དང་ས་ཚིགས་ཁྲིར་བསྐྱོད་པའི”ཤེས་དཔལ་ལག་ལེན་གྱི་དཔེ་སྟོན་སྒྲོག་འགྲེལ་བྱེད་སྒོ་གཏིང་ཟབ་དང་ཏན་ཏིག་སྤེལ་བར་སྐུལ་འདེད་གཏོང་ཆེད། ཉེ་ཆར། ཉིང་ཁྲི་གྲོང་ཨུད་དྲིལ་བསྒྲགས་པུའུ་དང་ཉིང་ཁྲི་གྲོང་ཁྱེར་མེ་གསོད་རོགས་སྐྱོབ་ཉིང་ལག་རུ་ཁག་གིས“ཁྱིམ་ཚང་ཁྲི་སྟོང་མང་པོའི་བདེ་འཇགས་སྲུང་། རིན་ཐང་གི་ཐོག་མའི་བསམ་འདུན་བརྟན་པོར་སྲུང”ཞེས་པ་བརྗོད་དོན་གཙོ་བོར་བྱས་པའི་2026ལོའི་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བའི་སློབ་ཁང་ཆེ་མོའི་བྱེད་སྒོ་ཐེངས་དང་པོ་མཉམ་དུ་སྤེལ་ཞིང་། ཉིང་ཁྲི་གྲོང་ཁྱེར(ཀྲུང་དབྱང་དང་རང་སྐྱོང་ལྗོངས)ཐད་གཏོགས་སྡེ་ཚན་ཁག་གི་ཏང་ཡོན་ལས་བྱེད་པ་100ལྷག་ཙམ་བྱེད་སྒོར་ཞུགས་པ་རེད།
བྱེད་སྒོ་དེ“རིགས་པའི་གཞུང་ལུགས་སྒྲོག་འགྲེལ་དང་བདེ་འཇགས་ཀྱི་ཚན་རིག་ཁྱབ་གདལ་ཟུང་དུ་འབྲེལ་བའི” རྣམ་པའི་ཐོག་ནས་སྤེལ་ཞིང་། ཉིང་ཁྲི་གྲོང་ཨུད་ཏང་གི་སློབ་གྲྭ་དཔལ་འབྱོར་རིག་པའི་སློབ་དཔྱོད་ཁང་གི་ཀྲུའུ་རེན་དང་མཐོ་རིམ་འཆད་ཁྲིད་དགེ་རྒན་ཧའོ་ཧྲའོ་ཅིང་གིས《མུ་མཐུད་འབད་འཐབ་བྱེད་པའི་ཁྲོད་ཀྲུང་གོའི་ལུགས་ཀྱི་དེང་རབས་ཅན་གྱི་ལེའུ་གསར་པ་རྩོམ། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་གསལ་འགྲེལ》ཞེས་པ་འགོ་བརྗོད་དུ་བྱས་ཏེ། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་དང་ཀྲུང་གོའི་ལུགས་ཀྱི་དེང་རབས་ཅན་འཛུགས་སྐྲུན་དབར་གྱི་ནང་གནས་ཀྱི་འབྲེལ་བ་ནང་དོན་ཟབ་ལ་གོ་བདེའི་ངང་གསལ་འགྲེལ་བྱས་པ་དང་། ཉིང་ཁྲི་གྲོང་ཁྱེར་མེ་གསོད་རོགས་སྐྱོབ་ཉིང་ལག་རུ་ཁག་གི་མེ་གསོད་མི་སྣས་ཚང་མར་རྒྱུན་དུ་ཐོན་མང་བའི་མེ་ཟོན་བདེ་འཇགས་ཀྱི་མངོན་མེད་རྐྱེན་ངན་དང་། མེ་སྐྱོན་ལས་འཛོལ་སྔོན་འགོག ཛ་དྲག་གི་མེ་གསོད་ཐབས་བཅས་ཚན་རིག་དང་མཐུན་པའི་ངང་ཁྱབ་གདལ་བཏང་བ་དང་། དེ་བཞིན་བཤིག་པ་དང་། གློག་སྒྲོན། འཕྲིན་གཏོང་སོགས་འཕྲལ་སྡོམ་རོགས་སྐྱོབ་སྒྲིག་ཆས་ཀྱི་ནུས་པ་དང་སྤྱོད་སྟངས་འགྲེལ་བཤད་བྱས་པ་མ་ཟད། དངོས་སུ་སྦྱོང་བརྡར་བྱས་པ་བརྒྱུད་ས་ཡུལ་དངོས་ཀྱི་མི་སྣས་མེ་གསོད་ཡོ་བྱད་སྤྱོད་སྟངས་བྱང་ཆུབ་པ་ཤེས་པར་མཛུབ་ཁྲིད་བྱས་ཏེ། ཚང་མས་བདེ་འཇགས་ཀྱི་འགོག་སྲུང་འཛིང་རགས་བརྟན་པོ་འཛུགས་པར་ཁྲིད་སྟོན་བྱས་ཡོད།
འབྲེལ་ཡོད་གསར་འགྱུར།