ཉེ་ཆར། ལྗིད་ཚད་སྤྱི་རྒྱ་1737ཡོད་པའི་བོད་ལྗོངས་ཀྱི་སྦྲང་རྩི་ཉིང་ཁྲི་ནས་ཤང་ཀང་དུ་གཏོང་འགོ་ཚུགས་ཤིང་། དེ་ནི་བོད་ལྗོངས་ཀྱི་སྦྲང་རྩི་ཤང་ཀང་ལ་གཏོང་ཐེངས་དང་པོ་ཡིན་པ་དང་། “བོད་ལྗོངས་རྟགས་ཅན”གྱི་ཞིང་ལས་ཐོན་རྫས་ཕྱིར་གཏོང་བའི་ཐོན་རྫས་གསར་པ་ཞིག་མང་དུ་ཕྱིན་པ་མཚོན་གྱི་ཡོད།

“ང་ཚོས་རིག་ནུས་འགག་སྒོའི‘ས་མཐོའི་ཁྱད་ལྡན་ཐོན་རྫས་ཕྱིར་གཏོང’གི་སྦྲེལ་མཐུད་རྣམ་པ་བཏོད་པར་བརྟེན་ནས‘འཕྲལ་དུ་ཐོ་འགོད་དང་། ཞིབ་བཤེར། ཆོག་འཐུས’བཅས་ཀྱི་སྟབས་བདེའི་བྱེད་ཐབས་དོན་འཁྱོལ་བྱས་ཏེ་ཞིབ་བཤེར་སྙན་ཞུའི་དུས་ཚོད་ཐུང་དུ་བཏང་བ་ལས། ས་མཐོའི་སྦྲང་རྩི་སྤུས་ཀ་ཡག་ཤོས་དང་མྱུར་ཚད་མགྱོགས་ཤོས་ཀྱི་ཐོག་ནས་ཤང་ཀང་དུ་འབྱོར་བ་བྱེད་ཀྱི་ཡོད། ཞིང་པ་ཕྱུག་འགྱུར་ཡོང་བར་རམ་འདེགས་དང་གྲོང་གསེབ་དར་རྒྱས་ལ་སྐུལ་འདེད་གཏོང་བའི‘བྱ་གཞག་ཡག་པོ’དེས་ཤང་ཀང་གི་སྤུན་ཟླར་ཡང་དམིགས་བསལ་གྱི་ས་མཐོའི་ཞིམ་ཟས་ཀྱི་བྲོ་བ་མྱོང་ཐུབ་ཀྱི་ཡོད”ཅེས་ཉིང་ཁྲི་འགག་སྒོའི་ཀོན་ཀྲང་ཝང་ཚུན་རུའེ་ཡིས་བཤད་པ་རེད།