ཉེ་ཆར། ལྷ་ས་ཕྱོགས་བསྡུས་ཁྲལ་སྲུང་ཁུལ་དོ་དམ་ཨུ་ལྷན་གྱིས་གཙོ་གཉེར་དང་དབྱི་ཝུའུ་གྲོང་ཁྱེར་རྒྱལ་སྒྲོལ་དྲ་ཚོང་མཐུན་ཚོགས་ཀྱིས་སྒྲུབ་འགན་ཁུར་བའི་ལྷ་ས་ཕྱོགས་བསྡུས་ཁྲལ་སྲུང་ཁུལ་གྱི་རྒྱལ་མཚམས་སྒྲོལ་བའི་དྲ་ཚོང་གི་ཚོང་འགུགས་ཚོགས་ཆེན་ལྷ་སར་འཚོཌ་པ་རེད། Amazon(ཡ་མ་ཤུན)དངLazada(ལའེ་ཙན་ཏ)སོགས་རྒྱལ་མཚམས་སྒྲོལ་བའི་ལས་སྟེགས་དང་། ལྗོངས་ཕྱིའི་རྒྱལ་མཚམས་སྒྲོལ་བའི་དྲ་ཚོང་ཁེ་ལས་30ལྷག་ཙམ་དང་། དེ་བཞིན་ལྷ་ས་རང་གི་རྒྱལ་མཚམས་སྒྲོལ་བའི་དྲ་ཚོང་ཁེ་ལས་དང་། ཁྱད་ལྡན་ཐོན་རྫས་ཁེ་ལས། དངུལ་རྩའི་སྒྲིག་གཞི་བཅས་ཀྱི་འཐུས་མི་50ལྷག་ཙམ་ཞུགས་ཡོད་པ་རེད།

ས་གནས་ས་ཐོག་ཏུ་གན་རྒྱ་འཇོག་པའི་ལྷུ་ཚིགས་སུ་ལྷ་སའི་ཕྱོགས་བསྡུས་ཁྲལ་སྲུང་ཁུལ་དང་རྒྱལ་མཚམས་སྒྲོལ་བའི་དྲ་ཚོང་ཁེ་ལས་5དབར་མཉམ་ལས་ཀྱི་གྲོས་མཐུན་བཞག་པ་དང་། ལས་སྒོའི་གྲས་སུ་རྒྱལ་མཚམས་སྒྲོལ་བའི་དྲ་ཚོང་ཕྱིར་ཚོང་དང་། ཟོག་འགྲུལ། མཁོ་སྤྲོད་འཁོར་འབྲེལ་སོགས་ཀྱི་ཁྱབ་ཁོངས་ཚུད་ཡོད་པ་རེད། དེ་དང་ཆབས་ཅིག དབྱི་ཝུའུ་གྲོང་ཁྱེར་རྒྱལ་མཚམས་སྒྲོལ་བའི་དྲ་ཚོང་མཐུན་ཚོགས་དང་ཀྲེ་ཅང་ཅཱ་སུའུ་ཏ་མཁོ་སྤྲོད་འཁོར་འབྲེལ་དོ་དམ་ཚད་ཡོད་ཀུང་སི་དབར་མཉམ་ལས་ཀྱི་འདོད་མཐུན་གྲོས་མཐུན་བཞག་པ་རེད།

ལྷ་སའི་ཕྱོགས་བསྡུས་ཁྲལ་སྲུང་ཁུལ་གྱི་འབྲེལ་ཡོད་འགན་འཁུར་བས། ད་ཐེངས་ཀྱི་ཚོང་འགུགས་ཚོགས་ཆེན་གོ་སྐབས་སུ་བྱས་ཏེ། རྒྱལ་མཚམས་སྒྲོལ་བའི་དྲ་ཚོང་གི་སྣེ་འདྲེན་ཁེ་ལས་དང་། ཡུལ་དེ་གའི་ཁྱད་ལྡན་ཐོན་རྫས་ཁེ་ལས། ཟོག་འགྲུལ་ཁེ་ལས། ཕྱི་རྒྱལ་གྱི་མཛོད་ཁང་སོགས་ཁེ་ལས་དང་འབྲེལ་མཐུད་ཟབ་ཏུ་བཏང་ནས། “བོད་ཀྱི་ཐོན་རྫས་བོད་ནས་ཕྱིར་གཏོང་བ”དང་། ཐོན་ལས་རིམ་སྤོར། རིག་གནས་ཁྱབ་སྤེལ་བཅས་མཐུན་སྦྱོར་འཕེལ་རྒྱས་ཡོང་བར་སྐུལ་འདེད་བཏང་སྟེ། བོད་ཀྱི་རྒྱལ་མཚམས་སྒྲོལ་བའི་དྲ་ཚོང་ཁོར་ཡུག་གི་སྤུས་ཚད་མཐོ་བའི་འཕེལ་རྒྱས་ལ་རམ་འདེགས་བྱེད་ཀྱི་ཡིན་ཞེས་བརྗོད།