2026ལོ་འཆར་ལ་ཉེ་བའི་མཚམས་སུ། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ལོ་གསར་གྱི་ཤིས་ཚིག་བསྒྲོན་ནས“ལོ་ལྔ་ཚན་བཅུ་བཞི་པ”མཇུག་བསྡུའི་ལོའི་ཀྲུང་གོའི་ལུགས་ཀྱི་དེང་རབས་ཅན་གྱི་འབད་འབུངས་ཀྱི་ལམ་བུར་བརྩེ་སེམས་ཟབ་མོས་གཟིགས་པ་དང་། ཏང་ཡོངས་དང་རྒྱལ་ཡོངས་མི་རིགས་ཁག་གི་མི་དམངས་ཀྱིས“ལོ་ལྔ་ཚན་བཅོ་ལྔ་པའི”འགོ་ཚུགས་ལོར་ཀྲུང་གོའི་ངོ་མཚར་ཆེ་བའི་ལེའུ་གསར་མུ་མཐུད་རྩོམ་པར་སྐུལ་ལྕག་གནང་ཡོད། ཤིས་ཚིག་ལས་མི་སེམས་ལ་དྲོ་སྐྱིད་སྦྱིན་པ་དང་མི་རྣམས་ལ་ལྕག་སྐུལ་ཐེབས་ཤིང་། རང་ལྗོངས་ཀྱི་མི་རིགས་ཁག་གི་ལས་བྱེད་པ་དང་མང་ཚོགས་ཀྱིས། དམིགས་ཚད་དང་ལས་འགན་རྩ་བར་བཟུང་ནས་གདེང་ཚོད་བརྟན་པོ་དང་བབ་བསྟུན་འཕྲལ་སྒྲུབ་ཀྱིས་ཕུགས་འདུན་དང་བདེ་སྐྱིད་ཀྱི་ཆེད་འབད་འཐབ་བྱས་ནས། སྤྱི་ཚོགས་རིང་ལུགས་དེང་རབས་ཅན་གྱི་བོད་གསར་འཛུགས་སྐྲུན་བྱེད་པར་རང་ཉིད་ཀྱི་སྟོབས་ཤུགས་ལེགས་སྐྱེས་སུ་འབུལ་གྱི་ཡིན་ཞེས་གཅིག་རྗེས་གཉིས་མཐུད་ངང་བཤད་པ་རེད།

“སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ལོ་གསར་གྱི་ཤིས་ཚིག་ནང་ཐོག་མཐའ་བར་གསུམ་དུ་མི་དམངས་ལྟེ་བར་འཛིན་པའི་བརྩེ་སེམས་ཟབ་མོ་འདུས་པ་མ་ཟད། སྐད་ཆ་རེ་རེ་ཡིས་གངས་ལྗོངས་ས་མཐོའི་མི་རིགས་ཁག་གི་མང་ཚོགས་ཀྱི་སེམས་པ་དྲོ་བར་བྱས་ཡོད།‘ལོ་ལྔ་ཚན་བཅུ་བཞི་པའི’ཚུན་དུ། ཏང་ཀྲུང་དབྱང་གི་བྱམས་བརྩེའི་ཐུགས་ཁུར་དང་རང་སྐྱོང་ལྗོངས་ཏང་ཨུད་དང་སྲིད་གཞུང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག བོད་ཀྱི་འཕྲོད་བསྟེན་དང་བདེ་ཐང་བྱ་གཞག་ལ་སྤུས་ཚད་མཐོ་བའི་འཕེལ་རྒྱས་བྱུང་ནས། མི་རྣམས་ཀྱིས་དོ་སྣང་བྱེད་འོས་པའི་གྲུབ་འབྲས་རབ་དང་རིམ་པ་ཐོབ་པ་དང་། མི་རིགས་ཁག་གི་མང་ཚོགས་ཀྱི་བདེ་ཐང་གི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་ཆེ་རུ་རྒྱུན་མཐུད་སོང་ཡོད”ཅེས་རང་སྐྱོང་ལྗོངས་འཕྲོད་བསྟེན་དང་བདེ་ཐང་ཨུ་ལྷན་གྱི་ཏང་ཙུའི་ཧྲུའུ་ཅི་དང་ཀྲུའུ་རེན་གཞོན་པ་ཐེན་ཤང་ཏུང་གིས་བརྗོད་པ་དང་། ཁོང་གིས་2026ལོ་ནི“ལོ་ལྔ་ཚན་བཅོ་ལྔ་པའི”འགོ་ཚུགས་ལོ་ཡིན་པས། རང་སྐྱོང་ལྗོངས་འཕྲོད་བསྟེན་དང་བདེ་ཐང་ཨུ་ལྷན་གྱིས་སྲིད་ཇུས་ཀྱི་སྣེ་ཁྲིད་དང་ཐོན་ཁུངས་བསྡུ་སྒྲིལ་གྱི་ཐུན་མིན་ལེགས་ཆ་མུ་མཐུད་བཏོན་ཏེ། སྨན་བཅོས་ཞབས་ཞུའི་དྲ་བ་ཚགས་དམ་དུ་ཧུར་ཐག་གཏོང་བ་དང་། གཞི་རིམ་དུ་སྨན་བཅོས་ཐོན་ཁུངས་སྤུས་ལེཌ་འདྲེན་པར་སྐུལ་འདེད་གཏོང་བ། སྨན་བཅོས་ལག་རྩལ་དང་མི་རིཌ་ཀྱི་གསོ་རིག་མཉམ་འདྲེས་གསར་གཏོད་ལ་སྐུལ་འདེད་གཏོང་བ། མང་ཚོཌ་ཀྱི་འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས་ཀྱི་བདེ་ཐང་གནད་དོན་ལ་དམིཌ་ནས་ཐབས་ཇུས་གནད་ལ་འཁེལ་པོ་འདོན་པ། སྨན་བཅོས་ཞབས་ཞུ་སྤུས་ལེགས་དེ་ཉིད་ས་མཐོའི་མང་ཚོཌ་སྲུང་བའི་འགན་སྲུང་བརྟན་པོ་ཞིག་ཏུ་འགྱུར་བ་བཅས་བྱས་ཏེ། བདེ་ཐང་བོད་ལྗོངས་འཛུགས་སྐྲུན་ལ་སྟོབས་ཤུགས་ཡོད་ཚད་ལེཌ་སྐྱེས་སུ་འབུལ་གྱི་ཡིན་ཞེས་བརྗོད།

ལྷ་ས་འགག་སྒོ་ལས་ཁུངས་གཞུང་ལས་ཁང་ཆ་འཕྲིན་དྲིལ་བསྒྲགས་ཁོའོ་ཡི་ཁོའོ་ཀྲང་ཀྲའོ་ཧྥང་ཤའོ་ཡིས། དུས་རབས་གསར་པར་འཚར་ལོངས་བྱུང་བའི་མི་ཞིག་གི་ངོས་ནས་གཞི་རིམ་དུ་རྩ་བ་ཚུགས་པའམ་ཡང་ན་ལས་གནས་སུ་རྩེ་གཅིག་ཏུ་གཞོལ་བ་གང་ཞིག་ཡིན་རུང་། མི་སྒེར་གྱི་ཕུགས་བསམ་དེ་རྒྱལ་ཁབ་འཕེལ་རྒྱས་ཀྱི་སྤྱི་ཡོངས་སུ་འདྲེས་པར་བྱེད་དགོས། ལོ་གསར་གྱི་ཤིས་ཚིག་ནི་བསྒྲགས་གཏམ་ཡིག་ཆ་ཡིན་ལ། སྐུལ་སློང་གི་བཀའ་རྒྱ་དེ་བས་རེད། རྒྱང་ལམ་གསར་པར་ངས་དྲོ་སྐྱིད་དང་སྟོབས་ཤུགས་འདིར་བརྟེན་ནས་དམ་པ་དོན་གཉེར་ངང་མདུན་སྐྱོད་བྱེད་པ་དང་། འབད་འཐབ་ལ་བརྟེན་ནས་འགན་འཁྲི་ལག་ལེན་བསྟར་བ། སྤུན་ཟླ་དུང་ཕྱུར་མང་པོ་དང་མཉམ་དུ་བརྗིད་ཆེའི་ཕུགས་འདུན་དག་མཛེས་སྡུག་ལྡན་པའི་དོན་དངོས་ལ་འགྱུར་ཏེ། མཉམ་དུ་ཀྲུང་གོའི་ལུགས་ཀྱི་དེང་རབས་ཅན་གྱི་ལེའུ་གསར་མུ་མཐུད་རྩོམ་གྱི་ཡིན་ཞེས་བརྗོད།

ལྷོ་ཁ་གྲོང་ཁྱེར་ཐད་གཏོགས་ལས་ཁུངས་ལས་དོན་ཨུ་ལྷན་གཞུང་ལས་ཁང་གི་ཀྲུའུ་རེན་གཞོན་པ་ཀྲང་དབྱིན་པོ་ནི་བོད་དུ་ལས་ཀ་བྱས་པ་དང་འཚོ་བ་བསྐྱལ་ནས་ལོ་10ལྷག་ཙམ་སོང་ཞིང་། ཁོང་གིས་བོད་ལྗོངས་ཉིན་རེ་ལས་མ་འདས་པར་འགྱུར་ལྡོག་འགྲོ་བར་བདེན་དཔང་ཐུབ་པ་སྟེ། གཞུང་ལམ་གྱི་དྲ་བ་གྲོང་ཚོ་ཁྲི་སྟོང་མང་པོར་ཁྱབ་པ་དང་། ཁྱད་ལྡན་ཐོན་ལས་སྐལ་བཟང་མེ་ཏོག་ཇི་བཞིན་གང་སར་བཞད་པ། མང་ཚོགས་ཀྱི་འཛུམ་མདངས་ཉི་འོད་ཇི་བཞིན་རབ་ཏུ་འཚེར་བ། མི་རིགས་ཁག་སེ་འབྲུའི་རྡོག་པོ་བཞིན་མཐུན་སྒྲིལ་ཇེ་ཆེར་འགྲོ་བ་བཅས་རེད། ཀྲང་དབྱིན་པོ་ཡིས“ཀྲུའུ་ཞི་ཞི་ཅིན་ཕིང་གིས་ལོ་གསར་གྱི་ཤིས་ཚིག་ནང་བོད་ཀྱི་སྐོར་གླེང་བ་ཐོས་སྐབས། སེམས་འགུལ་ཆེན་པོ་ཐེབས་པ་ཙམ་མ་ཟད། ཐུགས་ཁུར་ཟབ་མོ་གནང་བའི་དྲོ་སྐྱིད་ཀྱང་ཚོར་བྱུང་། གོམ་སྟབས་རྗེས་མར་ངས་ཏན་ཏན་ཏིག་ཏིག་དང་འབད་འཐབ་ལྷོད་མེད་ཀྱིས་ས་མཐོའི་རྒྱང་ལམ་གསར་པར་མུ་མཐུད་སྐྱོད་ཀྱི་ཡིན”ཞེས་བརྗོད།

གཞིས་རྩེ་གྲོང་ཁྱེར་གཏིང་སྐྱེས་རྫོང་ཀོ་ལྕག་ཤང་གྲུ་ཁ་གྲོང་ཚོའི་ཏང་ཀྲི་པུའི་ཧྲུའུ་ཅི་བསོད་ནམས་ཀྱིས་མྱོང་ཚོར་ཟབ་མོས“ཀྲུའུ་ཞི་ཞི་ཅིན་ཕིང་གི་ལོ་གསར་གྱི་ཤིས་ཚིག་ནང་གི་བཀའ་མོལ་དེ་དག་ནི་ང་ཚོ་གྲུ་ཁ་གྲོང་ཚོའི་གཏམ་རྒྱུད་གླེང་བ་དང་འདྲ། ཁྱེད་ཀྱིས་ལྟོས་དང་། ཏང་དང་རྒྱལ་ཁབ་ཀྱི་ཐུགས་ཁུར་དེ་ང་ཚོའི་གྲོང་ཚོའི་ཁྱིམ་གཞིས་གསར་རྐྱང་དུ་བསྒྱུར་ཡོད། ང་ཚོ་ཡོམ་འགོག་གེགས་སེལ་ནས་སྐབས་འཕྲལ་བཀོད་སྒྲིག་དང་། དེ་ནས་གེཌ་རྗེས་བསྐྱར་སྐྲུན་དང་མཐར་སྡོད་ཁང་གསར་པར་སྤོས་པ་བཅས་ཀྱི་གོམ་པ་རེ་རེ་ནི་ཏང་དང་རྒྱལ་ཁབ་ཀྱི་བྱམས་བརྩེའི་ཐུགས་ཁུར་དང་ཁ་འབྲལ་ཐབས་མེད། བཀའ་དྲིན་འདི་གྲུ་ཁ་གྲོང་ཚོའི་མི་ཚང་མས་སེམས་ལ་བརྟན་པོར་བཅངས་ནས་སྔར་བས་མཛེས་སྡུག་ལྡན་པའི་ཁྱིམ་གཞིས་སྐྲུན་པའི་སེམས་ཤུགས་སུ་འགྱུར་ངེས་རེད”ཅེས་བརྗོད།

བོད་ལྗོངས་མི་རིགས་སློབ་ཆེན་ལུས་རྩལ་སློབ་གླིང་གི་དགེ་རྒན་ཀྲུའུ་ཡཱ་ཁྲེང་གིས“ཀྲུའུ་ཞི་ཞི་ཅིན་ཕིང་གིས་ལོ་གསར་གྱི་ཤིས་ཚིག་ནང‘གངས་འཁྱགས་ལུས་རྩལ་གྱིས་དགུན་དུས་ཀྱི་སྤྲོ་སྣང་འཕེལ་བའི’སྐོར་གླེང་བ་དེས་བདེ་ཐང་ལ་སྐུལ་འདེད་གཏོང་བ་དང་། མི་སེམས་གཅིག་སྒྲིལ་བྱེད་པ། སྤྱི་ཚོགས་ལ་ཞབས་འདེགས་ཞུ་བ་བཅས་ཀྱི་ཁྲོད་ལུས་རྩལ་ལས་དོན་གྱི་ཐུན་མོང་མ་ཡིན་པའི་རིན་ཐང་ཚོར་བྱུང” གོམ་སྟབས་རྗེས་མར། ཀྲུའུ་ཞི་ཞི་ཅིན་ཕིང་གི“འགོ་ཡག་པོ་འཛུགས་མཁན་གྱིས་གྲུབ་འབྲས་ཐོབ་པར་བརྩོན། བྱས་པ་ཅན་གྱིས་ཇུས་བཟང་སྔོན་ནས་འདིང”ཞེས་པའི་མངགས་བཅོལ་བློ་ལ་བརྟན་པོར་ངེས་ནས་ལས་གནས་ཀྱི་དོན་དངོས་ལ་གཞི་ཚུགས་ཏེ། ལུས་རྩལ་གྱི་རིགས་པའི་གཞུང་ལུགས་སློབ་ཁྲིད་སྒྱུར་བཅོས་སྔར་བས་ཟབ་གཏོང་དང་། ལུས་སེམས་བདེ་ཐང་དང་སྤྱི་ཚོགས་མཉམ་འདྲེས་ལ་སྐུལ་འདེད་གཏོང་བའི་ཐད་ལུས་རྩལ་ཞིབ་འཇུག་བྱེད་ཤུགས་ཆེ་རུ་གཏོང་བ། ལུས་རྩལ་དང་མི་རིགས་ཀྱི་རིག་གནས་རྒྱུན་འཛིན་གྱི་གསར་གཏོད་ཟུང་འབྲེལ་འཚོལ་ཞིབ་བཅས་བྱས་ཏེ“བློས་འཁེལ་བ་དང་། གོ་ཆོད་པ། གཞིས་ཆགས་ཐུབ་པ”བཅས་ཀྱི་བྱང་ཚད་མཐོ་བའི་ལུས་རྩལ་ཤེས་ལྡན་པ་དེ་བས་མང་བ་གསོ་སྐྱོང་བྱེད་པར་སྟོབས་ཤུགས་ལེགས་སྐྱེས་སུ་འབུལ་གྱི་ཡིན། དེ་དང་ཆབས་ཅིག་སློབ་གྲྭའི་ལུས་རྩལ་རིག་གནས་འཕེལ་རྒྱས་ལ་སྐུལ་འདེད་ཧུར་ཐག་བཏང་ནས། ལུས་རྩལ་དེ་ཉིད་མི་རིགས་ཁག་གི་སློབ་མ་འབྲེལ་འདྲིས་བྱེད་པའི་སྦྲེལ་ཐག་ཏུ་སྒྱུར་བ་དང་སློབ་མར་གཟུགས་པོ་ཐང་པོ་དང་མཐུན་སྒྲིལ་གྱི་སྙིང་སྟོབས་གལ་ཆེར་བཟུང་བར་རམ་འདེགས་བྱས་ནས། རྒྱང་ལམ་གསར་པར་ནུས་ཤུགས་ཡོད་རྒུས་ཕུགས་འདུན་གཏོད་པར་མཉམ་དུ་གཞོལ་རྒྱུ་ཡིན་ཞེས་བརྗོད།