2025ལོའི་ཟླ་12ཚེས་28ཉིན། ཧན་གོའི་རྒན་རྒོན་ཡུལ་སྐོར་བ་255ཞི་མཐུན་ཡུན་ཀང་ཞེས་པའི་གྲུ་གཟིངས་ལ་བསྡད་དེ་ཅང་སུའུ་ལན་ཡུན་ཀང་གྲུ་ཁར་འབྱོར་ནས་དུས་ཡུན་ཉིན་ལྔའི་རིང་ཀྲུང་གོར་ལོ་དུས་བརྒལ་བའི་ཡུལ་སྐོར་བྱེད་འགོ་ཚུགས་ཤིང་། དེ་ནི་ཀྲུང་གོ་དང་ཧན་གོའི་དབར་རྒྱལ་སྒྲོལ་ཐོངས་མཆན་མི་དགོས་པའི་སྲིད་ཇུས་ལག་བསྟར་བྱས་པ་ནས་བཟུང་། ལན་ཡུན་ཀང་གྲུ་ཁའི་འགྲུལ་སྐྱེལ་འགག་སྒོས་སྣེ་ལེན་བྱས་པའི་གཞི་ཁྱོན་ཆེ་ཤོས་ཀྱི་ཧན་གོའི་ཡུལ་སྐོར་ཚོགས་པ་རེད།

འདི་ནི་ཅང་སུའུ་ལན་ཡུན་ཀང་གྲུ་ཁའི་རྒྱལ་སྤྱིའི་འགྲུལ་སྐྱེལ་ས་ཚིགས་ཀྱི་རྒྱལ་འཛུལ་ཚོམས་ཆེན་དུ་ལན་ཡུན་ཀང་གྲུ་ཁའི་རྒྱལ་མཚམས་འཛུལ་སྒྲོལ་མཐའ་སྲུང་ཞིབ་བཤེར་ས་ཚིགས་ཀྱི་མི་དམངས་ཉེན་རྟོག་པས་མཛུབ་རིས་འཚོལ་བསྡུ་བྱེད་བཞིན་པ།