ཉེ་ཆར། ཀྲུང་གོ་དང་ཨེ་ཙེ་ཨོ་ཕི་ཡའི་ཀོག་ཧྥེ་དཔལ་འབྱོར་ཚོང་དོན་སྐུལ་འདེད་ཚོགས་ཆེན་སྐབས་དང་པོ་ཧུའུ་ནན་ཀྲུའུ་ཀྲོའུ་རུ་འཚོགས་པ་རེད། སྐབས་འདིའི་ཚོགས་ཆེན་གྱིས“ཨེ་ཙེ་ཨོ་ཕི་ཡར་རྒྱུས་ལོན་གྱིས་དར་རྒྱས་མཉམ་སྤྱོད་བྱེད་པ”བརྗོད་དོན་གཙོ་བོར་བྱས་ཤིང་། ཕྱོགས་གཉིས་པོས་དངོས་ཟོག་ཉོ་ཚོང་ལས་སྟེགས་རྣམ་གྲངས་དང་ཀོག་ཧྥེ་དང་། རྫ་དཀར། གྱོན་ཆས་ཕྱིར་ཚོང་སོགས་སྤྱིར་བཏང་ཉོ་ཚོང་རྣམ་གྲངས་ཐད་འཐབ་ཇུས་མཉམ་ལས་གྲོས་མཐུན་བཞག་པ་མ་ཟད། ཀྲུའུ་ཀྲོའུ་སྐམ་སའི་གྲུ་ཁ་རྒྱལ་སྤྱིའི་དངོས་ཟོག་སྐྱེལ་འདྲེན་ཚད་ཡོད་ཀུང་སི་དང་ཨེ་ཙེ་ཨོ་ཕི་ཡའི་ཀོག་ཧྥེ(ཀྲུང་གོ)ཉོ་ཚོང་ལྟེ་གནས་ཀྱི་སྒོ་བྱང་བཀལ་བ་རེད།