“ལོ་ལྔ་ཚན་བཅོ་ལྔ་པའི”ནང་དོན་གཙོ་བོ་ཁོང་དུ་ཆུད་པར་བྱེད།
མི་རྩ་བར་འཛིན་པའི་གྲོང་ཁྱེར་དང་གྲོང་རྡལ་ཅན་དཔེ་གསར་ལ་སྐུལ་འདེད་གཏིང་ཟབ་གཏོང་དགོས།
ཚན་རིག་དང་མཐུན་ཞིང་གོ་རིམ་ལྡན་པའི་སྒོ་ནས་ཞིང་ལས་སྤོ་སྒྱུར་མི་འབོར་གྲོང་ཁྱེར་པར་སྒྱུར་བར་སྐུལ་འདེད་གཏོང་བ་དང་། རྒྱུན་སྡོད་བྱ་ཡུལ་ནས་ཐེམ་ཐོ་འགོད་པ་དང་གཞི་རྩའི་སྤྱི་པའི་ཞབས་ཞུ་མཁོ་འདོན་བྱེད་པའི་ལམ་ལུགས་ཁྱབ་སྤེལ་གཏོང་དགོས། ཚད་བརྒལ་གྲོང་ཁྱེར་དང་གྲོང་ཁྱེར་ཆེན་པོའི་བཅོས་སྐྱོང་དེང་རབས་ཅན་དུ་འགྱུར་བར་སྐུལ་འདེད་གཏོང་བ་དང་། གྲོང་ཁྱེར་ཁྱུ་ཚོགས་གཞི་གཅིག་ཅན་དང་གྲོང་ཁྱེར་ཆེན་པོའི་གྲོང་ཁྱེར་འཁོར་རྒྱ་གཅིག་ཅན་དུ་འགྱུར་བའི་གོམ་སྟབས་མགྱོགས་སུ་གཏོང་བ། གྲོང་ཁྱེར་གྱི་བཀོད་པ་ལེགས་སྒྱུར་བྱེད་པ། གྲོང་ཁྱེར་ཆེ་འབྲིང་ཆུང་གསུམ་དང་གྲོང་ཁྱེར་དང་གྲོང་རྡལ་ཆུང་གྲས་མཐུན་སྦྱོར་ངང་འཕེལ་རྒྱས་གཏོང་བ་དང་ཞིབ་གཉེར་ལེགས་བསྡུས་བཀོད་པར་སྐུལ་སྤེལ་གཏོང་བ་བཅས་བྱེད་དགོས། རྫོང་གྲོང་གཞི་རྟེན་གལ་ཆེན་དུ་བྱེད་པའི་གྲོང་ཁྱེར་དང་གྲོང་རྡལ་ཅན་འཛུགས་སྐྲུན་ལ་རིགས་དབྱེ་སྐུལ་འདེད་གཏོང་བ་དང་། ཐོན་ལས་ཀྱི་འདེགས་སྐྱོར་ནུས་པ་དང་སྤྱི་པའི་ཞབས་ཞུའི་ཆུ་ཚད་མཐོ་རུ་གཏོང་དགོས། གྲོང་ཁྱེར་ནང་རྒྱས་རྣམ་པའི་འཕེལ་རྒྱས་གཏོང་རྒྱུ་རྒྱུན་འཁྱོངས་དང་། གྲོང་ཁྱེར་གསར་སྒྱུར་ལག་བསྟར་ཤུགས་ཆེན་བྱས་ཏེ། གསར་གཏོད་དང་། གནས་འཕྲོད། མཛེས་སྡུག མཉེན་གཤིས། ཤེས་དཔལ། རིག་ལྡན་བཅས་ཀྱི་དེང་རབས་ཅན་གྱི་མི་དམངས་གྲོང་ཁྱེར་འཛུགས་སྐྲུན་བྱེད་དགོས། མཐའ་མཚམས་ཀྱི་གྲོང་ཁྱེར་དང་གྲོང་རྡལ་འཛུགས་སྐྲུན་ལ་སྐུལ་འདེད་ཏན་ཏིག་གཏོང་དགོས།
རྒྱ་མཚོ་གསར་སྤེལ་བེད་སྤྱོད་དང་སྲུང་སྐྱོབ་བྱེད་ཤུགས་ཆེ་རུ་གཏོང་དགོས།
སྐམ་མཚོ་གཅིག་གྱུར་འཆར་འགོད་འགོད་རྒྱུ་རྒྱུན་འཁྱོངས་དང་། རྒྱ་མཚོའི་ཇུས་བཀོད་བདག་གཉེར་བྱེད་ནུས་ཆེ་རུ་གཏོང་བ། རྒྱ་མཚོའི་དཔལ་འབྱོར་སྤུས་ཚད་མཐོ་བའི་འཕེལ་རྒྱས་འགྲོ་བར་སྐུལ་འདེད་གཏོང་བ་བཅས་བྱས་ཏེ། རྒྱ་མཚོའི་རྒྱལ་ཁབ་སྟོབས་ཆེན་འཛུགས་སྐྲུན་གང་མགྱོཌ་བྱེད་དགོས། རྒྱ་མཚོའི་ཚན་རྩལ་གསར་གཏོད་བྱེད་ཤུགས་ཆེ་རུ་གཏོང་བ་དང་། རྒྱ་མཚོའི་སྒྲིག་ཆས་བཟོ་སྐྲུན་ལས་རིགས་ཀྱི་དགེ་མཚན་སྲ་བརྟན་དང་ཆེ་རུ་གཏོང་བ། རྒྱ་མཚོའི་གསར་དར་ཐོན་ལས་སྟོབས་ཆེར་གཏོང་བ། དེང་རབས་ཀྱི་མཚོ་ཐོག་སྐྱེལ་འདྲེན་ཞབས་ཞུའི་ལས་རིགས་འཕེལ་རྒྱས་གཏོང་བ་བཅས་བྱེད་དགོས། རྒྱ་མཚོར་བརྟག་དཔྱད་དང་ཞིབ་དཔྱད་ཚད་ལེན་བྱེད་པ་དང་། རྒྱ་མཚོའི་ནུས་རྒྱུའི་ཐོན་ཁུངས་དང་མཚོ་ཁོངས་མཚོ་གླིང་གསར་སྤེལ་བེད་སྤྱོད་ལ་སྐུལ་འདེད་གཏོང་བ། གཙོ་གནད་མཚོ་ཁོངས་ཀྱི་སྐྱེ་ཁམས་ཁོར་ཡུག་སྲུང་སྐྱོབ་དང་ཉམས་གསོ་བྱེད་ཤུཌ་ཆེ་རུ་གཏོང་བ་བཅས་བྱེད་དགོས། མཚོ་གཏིང་དང་གླིང་སྣེའི་རྟོག་ཞིབ་ལ་འདེཌ་སྐྱོར་འགན་སྲུང་བྱེད་པའི་མ་ལག་ཤུགས་ཆེར་གཏོང་དགོས། རྒྱ་མཚོའི་ཁེ་དབང་དང་བདེ་འཇགས་ལ་སྲུང་སྐྱོང་མཐའ་གཅིག་ཏུ་བྱས་ནས་མཚོ་ཐོག་ཁྲིམས་བསྟར་དང་མཚོ་དོན་ཁྲིམས་འཛིན་ནུས་པ་ཆེ་རུ་གཏོང་དགོས།
ཐོག་མའི་གསར་གཏོད་དང་འགག་རྩའི་སྲོག་ཤིང་ལག་རྩལ་འགག་སྒྲོལ་བྱེད་པར་ཤུགས་རྒྱག་དགོས།
རྒྱལ་ཡོངས་སྟོབས་ཤུགས་གཅིག་སྒྲིལ་གྱི་སྒྲིག་སྲོལ་དཔེ་གསར་འཐུས་ཚང་དུ་གཏོང་བ་དང་། རྒྱུན་སྲོལ་ལས་བརྒལ་བའི་བྱེད་ཐབས་སྤྱད་དེ་འཁོར་འབྲེལ་ཧྲིལ་པོའི་འདུས་གྲུབ་གློག་ལམ་དང་། བཟོ་ལས་འཕྲུལ་འཁོར་ཨ་མ། དཔྱད་ཆས་ལེགས་གྲས། རྨང་གཞིའི་མཉེན་ཆས། སྔོན་ཐོན་རྒྱུ་ཆ། སྐྱེ་དངོས་བཟོ་སྐྲུན་སོགས་གཙོ་གནད་ཁྱབ་ཁོངས་ཀྱི་འགག་རྩའི་སྲོག་ཤིང་ལག་རྩལ་འགག་སྒྲོལ་བྱེད་པར་ཐག་གཅོད་རང་བཞིན་གྱི་ཚད་བརྒལ་ཡོང་བར་སྐུལ་འདེད་གཏོང་དགོས། རྒྱལ་ཁབ་ཀྱི་འཐབ་ཇུས་དགོས་མཁོ་འབུར་དུ་ཐོན་པར་བྱས་ཏེ་རྒྱལ་ཁབ་ཀྱི་ཚན་རྩལ་ལས་འགན་གལ་ཆེན་ཁག་ཅིག་བཀོད་སྒྲིག་དང་ལག་བསྟར་བྱེད་དགོས། རྨང་གཞིའི་ཞིབ་འཇུག་ལ་འཐབ་ཇུས་རང་བཞིན་དང་། སྔོན་ཚོད་རང་བཞིན། མ་ལག་ཅན་བཅས་ཀྱི་བཀོད་སྒྲིག་བྱེད་ཤུགས་ཆེ་རུ་གཏོང་བ་དང་། རྨང་གཞིའི་ཞིབ་འཇུག་ལ་མ་དངུལ་འཇོག་པའི་བསྡུར་ཚད་མཐོ་རུ་བཏང་ནས། ཡུན་རིང་རྒྱབ་སྐྱོར་བརྟན་པོ་བྱེད་ཤུགས་ཆེ་རུ་གཏོང་དགོས། ཚན་རིག་ཞིབ་འཇུག་དང་ལག་རྩལ་གསར་སྤེལ་ཐད་ཐོག་མའི་གསར་གཏོད་བྱེད་པར་ཁྲིད་སྟོན་ཤུགས་ཆེན་བྱེད་པ་དང་། ཐོག་མའི་གསར་གཏོད་རང་བཞིན་དང་རྩ་སློག་རང་བཞིན་གྱི་གསར་གཏོད་ལ་ཕན་པའི་ཁོར་ཡུག་ལེགས་སུ་བཏང་སྟེ། མཚོན་རྟགས་རང་བཞིན་ལྡན་པའི་ཐོག་མའི་གསར་གཏོད་ཀྱི་གྲུབ་འབྲས་དེ་བས་མང་བ་འདོན་དགོས།
འབྲེལ་ཡོད་གསར་འགྱུར།