འདི་ནི་མང་ཚོགས་ཀྱིས་སྐར་གསོག་བརྗེ་པོ་བརྒྱབ་ནས་རག་པའི་འཚོ་བའི་མཁོ་ཆས་ཡིན་པ།

2019ལོའི་ཟླ་3པ་ནས་ད་བར། མལ་གྲོ་གུང་དཀར་རྫོང་གིས་རྫོང་ཡོངས་ཀྱི་ཤང་དང་གྲོང་རྡལ་ཁག་ཏུ་ཚུར་བསྡུ་ཆོག་པའི་གད་སྙིགས་དང་ཅ་དངོས་བརྗེ་པོ་རྒྱག་པའི་ས་ཚིགས་7བཙུགས་ཏེ། ཁྱབ་རྒྱ་ཆེ་བའི་ལྗང་མདོག་ཁོར་ཡུག་སྲུང་སྐྱོང་གི་གད་སྙིགས་ཚུར་བསྡུའི་དྲ་རྒྱ་བཙུགས་ཡོད། ཤེས་རྟོགས་བྱུང་བར་གཞིགས་ན། ཚུར་བསྡུ་ཆོག་པའི་གད་སྙིགས་དང་ཅ་དངོས་བརྗེ་པོ་རྒྱག་པའི་ས་ཚིགས་ཀྱིས་མང་ཚོགས་ཀྱི་དགོས་མཁོ་སྟོན་ཕྱོགས་སུ་བྱས་ཏེ། བརྗེ་པོ་རྒྱག་པའི་དངོས་པོའི་ཁོངས་སུ་ཡི་ཙི་དང་། འདག་གཤེར་སོགས་རྒྱུན་གཏན་གྱི་འཚོ་བའི་མཁོ་ཆས་ཚུད་ཡོད། 2025ལོའི་ཟླ་8པའི་བར། མལ་གྲོ་གུང་དཀར་རྫོང་གི་ཚུར་བསྡུ་ཆོག་པའི་གད་སྙིགས་དང་ཅ་དངོས་བརྗེ་པོ་རྒྱག་པའི་ས་ཚིགས་ཁག་གིས་རིམ་རྩིས་བརྒྱབ་ན་སྐར་གསོག་ཁྲི་1192.27བརྗེ་པོ་བརྒྱབ་ཅིང་། ཚུར་བསྡུའི་དངོས་ཟོག་བརྗེ་པོ་བརྒྱབ་པའི་མ་དངུལ་སྒོར་ཁྲི་115.55ཟིན་པས། ཁོར་ཡུག་སྲུང་སྐྱོང་དང་དམངས་འཚོ་གཉིས་ཕན་བྱུང་བ་རེད།