ཟླ་12ཚེས་21ཉིན། ཀྲུང་གོ་མཚོ་སྣུམ་ཚོགས་པ་ཚད་ཡོད་ཀུང་སིས་ཁྱབ་བསྒྲགས་བྱས་པར། 2025ལོར། རང་རྒྱལ་གྱི་མཚོ་ཐོག་སྣུམ་ཞིང་ཆེ་ཤོས་ཡིན་པའི་པོ་ཧའེ་སྣུམ་ཞིང་ནས་ཁྱོན་སྣུམ་རླངས་ཏུན་ཁྲི་4000ལྷག་ཙམ་ཐོན་ནས་ལོ་རྒྱུས་ཀྱི་ཟིན་ཐོ་གསར་པ་བཏོད་ཡོད་ལ། རྒྱལ་ཁབ་ཀྱི་ནུས་རྒྱུའི་བདེ་འཇགས་དང་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལའང་འགན་སྲུང་བརྟན་པོ་བྱས་ཡོད་པ་རེད། པོ་ཧའེ་སྣུམ་ཞིང་ནི་རང་རྒྱལ་གྱི་མཚོ་ཐོག་གི་སྣུམ་ཐོན་མང་ཤོས་དང་གཞི་ཁྱོན་ཆེ་ཤོས་ཀྱི་གཙོ་ཤུགས་སྣུམ་ཞིང་ཞིག་ཡིན་ཞིང་། མིག་སྔར་སྣུམ་ཞིང་60ལྷག་ཙམ་དང་ཐོན་སྐྱེད་སྒྲིག་བཀོད་200ལྷག་ཙམ་ཡོད་པ་དང་། རིམ་རྩིས་བརྒྱབ་ན། མ་བཅོས་སྣུམ་ཏུན་དུང་ཕྱུར་6ལྷག་ཙམ་ཐོན་སྐྱེད་བྱེད་ཐུབ་ཀྱི་ཡོད་པ་རེད།

འདི་ནི་པོ་ཧའེ་མཚོ་ཐོག་སྣུམ་ཞིང་གི་སྣུམ་རླངས་འདོན་ས་ཡིན་པ།