ཉེ་ཆར། བོད་རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བའི་ལེགས་ཕུལ་གློག་བརྙན《རྒྱང་རིང་གི་བུ་རོགས་གངས་རི》ཞེས་པའི་ལྟ་སྦྱོང་གི་ཕྱོགས་སྡོམ་བཞུགས་མོལ་ཚོགས་འདུ་པེ་ཅིང་བོད་ལྗོངས་གསོལ་མགྲོན་ཁང་དུ་འཚོགས་པ་རེད།

ཚོགས་ཞུགས་རིགས་གཅིག་མཁས་ཅན་གྱིས་གློག་བརྙན་གྱི་གསར་གཏོད་རང་བཞིན་གྱི་རིན་ཐང་ལ་ཁས་ལེན་གང་ལེགས་བྱས་པ་དང་། དེས་བསམ་བློའི་རང་བཞིན་དང་། དངོས་ཡོད་རང་བཞིན། སྒྱུ་རྩལ་རང་བཞིན་བཅས་ནུས་ལྡན་ངང་གཅིག་གྱུར་བྱས་ནས་སྐྱེ་ཁམས་ཤེས་དཔལ་འཛུགས་གཏོད་དང་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ཟབ་གཏོང་གི་ནང་དོན་གསོན་ཉམས་དོད་པའི་ངང་གསལ་འགྲེལ་གཏིང་ཟབ་བྱས་པའི་ངོས་འཛིན་བྱས་པ་རེད།