འདི་ནི་ཟླ་12ཚེས་3ཉིན་ཧྲང་ཧའེ་ཁུལ་རྒྱལ་སྤྱིའི་འགྲེམས་ཚོགས་ལྟེ་གནས་གསར་པར་གཉེར་བའི་2025ལོའི་ཀྲུང་གོ་རྒྱལ་སྤྱིའི་མཚོ་དོན་འགྲེམས་ཚོགས་སུ་ལྟད་མོ་བ་དང་ལས་དོན་པས་སྤེལ་རེས་བྱེད་བཞིན་པ།

ཟླ་12ཚེས་3ཉིན།“གསར་གཏོད་དང་མཉམ་ལས་ཀྱིས་མཚོ་དོན་བྱ་གཞག་རྒྱུན་མཐུད་ཆོག་པའི་འཕེལ་རྒྱས་ལ་མཉམ་དུ་སྐུལ་འདེད་གཏོང”ཞེས་པ་བརྗོད་དོན་གཙོ་བོར་བྱས་པའི་2025ལོའི་ཀྲུང་གོ་རྒྱལ་སྤྱིའི་མཚོ་དོན་འགྲེམས་ཚོགས་ཧྲང་ཧའེ་རྒྱལ་སྤྱིའི་འགྲེམས་ཚོགས་ལྟེ་གནས་གསར་པར་གཉེར་ཞིང་། ད་རེས་འགྲེམས་ཚོགས་ཀྱི་འགྲེམས་སྟོན་རྒྱ་ཁྱོན་ལ་སྨི་ངོས་གྲུ་ཁྲི་11ཙམ་ཟིན་པ་མ་ཟད། ཏེན་མག་དང་། ནོར་ཝེ། འཇར་མན་སོགས་ཚུད་པའི་རྒྱལ་ཁབ་དང་ས་ཁུལ་16གི་གོ་ལ་ཧྲིལ་པོའི་ཁེ་ལས་2200ལྷག་ཙམ་འགྲེམས་ཚོགས་སུ་ཞུགས་པའི་ཡིད་དབང་བཀུག་ཡོད།