བཟོ་ལས་དང་ཆ་འཕྲིན་ཅན་པུའི་གྲངས་གཞི་ལས་མངོན་པར། ཟླ་དང་པོ་ནས་བཅུ་པའི་བར། རང་རྒྱལ་གྱི་གཞི་ཁྱོན་ཡན་གྱི་གློག་རྡུལ་ཆ་འཕྲིན་བཟོ་སྐྲུན་ལས་རིགས་ཀྱི་འཕར་ཐང་དུས་མཚུངས་ལས་10.6%འཕར་ནས། འཕར་ཚད་དུས་མཚུངས་ཀྱི་བཟོ་ལས་དང་ལག་རྩལ་མཐོ་བའི་བཟོ་སྐྲུན་ལས་རིགས་ལས་བརྒྱ་ཆའི་གྲངས་4.5དང་1.3གྱིས་མཐོ་བ་ཡོད། ཐོན་རྫས་གཙོ་བོའི་ཁྲོད་རིག་ནུས་ལག་ཐོགས་ཁ་པར་གྱི་ཐོན་འབོར་དུང་ཕྱུར་10.2ཟིན་པ་དེ་དུས་མཚུངས་ལས་0.7%འཕར་བ་དང་། འདུས་གྲུབ་གློག་ལམ་གྱི་ཐོན་འབོར་དུང་ཕྱུར་3866ཟིན་པ་དེ་དུས་མཚུངས་ལས་10.2% འཕར་ཡོད།

ཟླ་དང་པོ་ནས་བཅུ་པའི་བར། གཞི་ཁྱོན་ཡན་གྱི་གློག་རྡུལ་ཆ་འཕྲིན་བཟོ་སྐྲུན་ལས་རིགས་ཀྱི་ལས་གཉེར་ཡོང་འབབ་སྒོར་དུང་ཕྱུར་ཁྲི་14ཟིན་པ་དེ་དུས་མཚུངས་ལས་8.3%འཕར་བ་དང་། ཁེ་སྤོགས་བསྡོམས་འབོར་སྒོར་དུང་ཕྱུར་5700བྱུང་བ་དེ་དུས་མཚུངས་ལས་12.8%འཕར་ཡོད། ཟླ་བཅུ་པར། གཞི་ཁྱོན་ཡན་གྱི་གློག་རྡུལ་ཆ་འཕྲིན་བཟོ་སྐྲུན་ལས་རིགས་ཀྱི་ལས་གཉེར་ཡོང་འབབ་སྒོར་དུང་ཕྱུར་ཁྲི་1.53ཟིན་པ་དེ་དུས་མཚུངས་ལས་3.9%འཕར་ཡོད།