འདི་ནི་ཤར་གཏོང་ཐུབ་རྗེས་ཀྱི་ནན་ཅིང་ཤིན་ཧྲེང་ཝེའི་འབྲི་ཆུའི་ཟམ་ཆེན་ཡིན་པ།

དུས་ཡུན་ལོ་ལྔ་ཙམ་རིང་འཛུགས་སྐྲུན་བྱས་པ་བརྒྱུད། ཚེས་26ཉིན། ཅང་སུའུ་ནན་ཅིང་ཤིན་ཧྲེང་ཝེའི་འབྲི་ཆུའི་ཟམ་ཆེན་དངོས་སུ་ཤར་གཏོང་ཐུབ་ཅིང་། མིག་སྔའི་བར་ནན་ཅིང་ལ་འབྲི་ཆུའི་ཟམ་ཆེན་ཁག་བརྒྱད་ཡོད་པ་རེད།

ནན་ཅིང་ཤིན་ཧྲེང་ཝེའི་འབྲི་ཆུའི་ཟམ་ཆེན་གྱི་རིང་ཚད་ལ་སྤྱི་ལེ་13.17ཙམ་ཡོད་པ་དང་། ཟམ་ངོས་གཙོ་བོར་ཆུ་ཚོད་རེར་མྱུར་ཚད་སྤྱི་ལེ་80ཡི་ཇུས་འགོད་བྱས་པ་མ་ཟད། ཕྱོགས་གཉིས་སུ་འཁོར་ལམ་དྲུག་ཡོད་པས། ཆི་ཞ་ཁུལ་དང་། གཙང་པོའི་བྱང་རྒྱུད་ཁུལ་གསར། དཔལ་འབྱོར་གསར་སྤེལ་ཁུལ་བཅས་ཀྱི་འབྲེལ་ཐག་གལ་ཆེན་ཞིག་ཏུ་གྱུར་པའི་ནང་། གཙང་པོ་སྒྲོལ་བའི་ཟམ་པ་ཨ་མ་ནི་སྨི་1760ཟིན་པའི་ཕྱོགས་རྐྱང་པའི་ལྕགས་སྒྲོམ་གྱི་འབྲེང་ཟམ་ཡིན་ཞིང་། དེ་ནི་རྒྱལ་ནང་དུ་བསྐྲུན་ཟིན་པའི་རིགས་གཅིག་མཚུངས་ཀྱི་ཟམ་གདུང་གི་རིང་ཚད་ངོས་ནས་བརྗོད་ན། རྒྱལ་ནང་གི་ཨང་དང་པོ་དང་འཛམ་གླིང་གི་ཨང་གསུམ་པར་སླེབས་ཡོད།

འབྲི་ཆུའི་ཟམ་ཆེན་ཤར་གཏོང་ཐུབ་པ་དེས་ནན་ཅིང་འབྲི་ཆུའི་གཞུང་ལམ་ཨ་མའི་གཙང་པོ་སྒྲོལ་བའི་ནུས་པ་ཆེ་རུ་དང་ས་ཁོངས་གཞུང་ལམ་དྲ་བའི་མ་ལག་འཐུས་སྒོ་ཚང་དུ་འགྲོ་རྒྱུ་རེད། ཤེས་རྟོགས་བྱུང་བར་གཞིགས་ན། རིམ་རྩིས་བརྒྱབ་ན་ཅང་སུའུ་ཞིང་ཆེན་ལ་གཙང་པོ་སྒྲོལ་བའི་བགྲོད་ལམ་21ཡོད་པའི་ཁྲོད“ལོ་ལྔ་ཚན་བཅུ་བཞི་པའི”རིང་བསྐྲུན་པའི་ཟམ་པ་4ཡོད་པས། སྤྱིར་ན་གཙང་པོས་ཆོད་པའི་ཆུ་ཁའི་རྫོང(གྲོང་ཁྱེར་དང་ཆུས)ཚང་མར་གཙང་པོ་སྒྲོལ་བའི་བགྲོད་ལམ་ཡོད་ཅིང་། དེས་གཙང་པོ་མཉམ་སྒྲོལ་དང་ལྷོ་བྱང་མཉམ་འགུལ་ལ་སྐུལ་འདེད་ཐུབ་ཡོད།