ཉིན་ཤས་གོང་། མཚོ་སྔོན་ཞིང་ཆེན་འཕྲོད་བསྟེན་བདེ་ཐང་ཨུ་ལྷན་ནས་འབྱོར་བའི་གནས་ཚུལ་ལྟར་ན། མཚོ་སྔོན་ཞིང་ཆེན་གྱིས་ལོ་3མན་གྱི་བྱིས་པ་ཁྲི་17ལ་ཁ་གསབ་མ་དངུལ་སྒོར་དུང་ཕྱུར་5.4སྤྲད་ནས་2025ལོའི་ལོ་འཁོར་གྱི་བུ་གསོའི་ཁ་གསབ་རྒྱལ་ཡོངས་ཀྱི་སྔོན་ལ་སྤྲད་ཟིན་པ་རེད།

ད་ལོ་ཚུན་དུ། ཞིང་ཨུད་དང་ཞིང་ཆེན་སྲིད་གཞུང་གིས་བུ་གསོའི་ཁ་གསབ་ལམ་ལུགས་དོན་འཁྱོལ་བྱ་རྒྱུ་དེ་དམངས་འཚོའི་བྱ་བ་དངོས་ཀྱི་གཙོ་གནད་ལས་འགན་ཞིག་ཏུ་བརྩིས་ནས་སྐུལ་འདེད་བཏང་ཞིང་། ཞིང་ཆེན་རིམ་པས་སྤྱི་འདོམས་འཆར་འགོད་དང་གྲོང་ཁྱེར་དང་རྫོང་གིས་མཐུན་སྦྱོར་དོན་འཁྱོལ་བྱས་པ་བརྒྱུད། སྲིད་ཇུས་དོན་འཁྱོལ་ཡོང་བའི་འགན་ལེན་བྱས་ཡོད། ཞིང་ཆེན་འཕྲོད་བསྟེན་བདེ་ཐང་ཨུ་ལྷན་གྱིས་ཆེད་དོན་ཚོགས་ཆུང་བཙུགས་ནས་རྒྱལ་ཁབ་ཀྱི་གཅིག་གྱུར་བཀོད་སྒྲིག་གཞིར་བཟུང་། བུ་གསོའི་ཁ་གསབ་ལམ་ལུགས་ལ་བརྟག་ཞིབ་བྱས་ཏེ་ཞིང་འབྲོག་པའི་ཁྱིམ་ཚང་དང་། ལས་བཟོ་གཉིས་ཀྱི་ཁྱིམ་ཚང་། ཕ་མ་ཡ་ཆགས་ཀྱི་ཁྱིམ་ཚང་སོགས་ཚོགས་སྤྱི་མི་འདྲ་བའི་བསམ་འཆར་དང་གྲོས་འགོ་2000ལྷག་ཙམ་བསྡུ་རུབ་བྱས་པ་མ་ཟད། རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་དང་ནོར་སྲིད་པུའི་མཛུབ་ཁྲིད་དང་རྒྱབ་སྐྱོར་ཤུགས་ཆེན་འོག ཟླ་11ཚེས་10ཉིན《མཚོ་སྔོན་ཞིང་ཆེན་གྱི་བུ་གསོའི་ཁ་གསབ་ལམ་ལུགས་ལག་བསྟར་ཇུས་གཞི》བཟོས་ནས་རྒྱལ་ཡོངས་ཀྱི་སྔོན་ལ་བཀྲམ་པ་རེད།

ཞིང་ཆེན་དེས་ཞིང་ཆེན་ཡོངས་ཀྱི་མི་འབོར་གྱི་རྨང་གཞིའི་གྲངས་གཞི་ཁྱོན་ཡོངས་ནས་བརྟན་དུ་བཏང་ནས་ཞིང་ཆེན་རིམ་པའི་གསར་སྐྱེས་མི་འབོར་གྱི་གྲངས་གཞིའི་མཛོད་ལེགས་སུ་དང་འཐུས་སྒོ་ཚང་དུ་བཏང་སྟེ། སྲོལ་རྒྱུན་གྱི་གྲོང་ཚོ(སྡེ་ཁུལ)དང་། ཤང་དང་གྲོང་རྡལ(ཁྲོམ་གཞུང) རྫོང(ཆུས)བཅས་ནས་གྲོང་ཁྱེར་དང་ཀྲོའུ་བར་རིམ་པ་བཞིན་སྙན་སེང་ཞུ་བའི་རྣམ་པ་དེ་མ་བུའི་མ་ལག་ནས་གསར་སྐྱེས་ཕྲུ་གུའི་གྲངས་འབོར་དང་ཞིང་ཆེན་ནད་ཡམས་ཚོད་འཛིན་དང་། ཞིང་ཆེན་སྤྱི་བདེ། ཞིང་ཆེན་དམངས་སྲིད་སོགས་ཚན་པའི་གྲངས་གཞི་ཞིང་ཆེན་རིམ་པ་ནས་སྐོང་འཐེན་བྱ་རྒྱུ་གཙོ་བོར་བྱེད་པ་དང་། གྲོང་ཁྱེར(ཀྲོའུ)རིམ་པར་སྙན་སེང་ཞུ་བའི་མི་ཐབས་ཞིབ་བསྡུར་རམ་འདེགས་སུ་བྱེད་པའི་འཚོལ་བསྡུ་སྙན་སེང་བརྒྱུད་རིམ་ལེགས་སྒྲིག་བྱས་ཏེ། ལོ་ངོ་30ལྷག་ཙམ་ལག་བསྟར་བྱས་པའི་གྲངས་གཞིའི་སྙན་སེང་ཞུ་སྟངས་བསྒྱུར་ནས་གསར་སྐྱེས་ཕྲུ་གུའི་གསོ་རིག་དཔང་ཡིག་དང་། སྨན་ཁང་དུ་གསར་སྐྱེས་ཕྲུ་གུའི་གྲངས་འབོར། ཤི་བའི་གསོ་རིག་དཔང་ཡིག་སོགས་ཀྱི་ཆ་འཕྲིན་དུས་ཐོག་ཏུ་མཉམ་སྤྱོད་བྱས་ནས་སྲིད་ཇུས་གནད་སྨིན་དོན་འཁྱོལ་བྱེད་པར་འགན་ལེན་བྱས་ཡོད།