རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གིས་ཟླ་11ཚེས་24ཉིན་ནས་ཚེས་26ཉིན་བར་པེ་ཅིང་དུ་2025ལོའི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མིའི་དུས་ཐེངས་ལྔ་པའི་སློབ་སྦྱོང་འཛིན་གྲྭ་འཚོགས་པ་རེད། འདེམས་བསྐོའི་ཚན་པ་33ནས་ཡོང་བའི་རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་212ཀྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པར་དམིགས་ནས་འགན་འཁྲི་སྒྲུབ་ཚུལ་སློབ་སྦྱོང་བྱས་པ་རེད།

དུས་ཐེངས་འདིའི་སློབ་སྦྱོང་འཛིན་གྲྭའི་དམིགས་ཡུལ་ནི་འཐུས་མིས་བསམ་བློ་དང་བྱ་སྤྱོད་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་ཐོག་གཅིག་གྱུར་ཡོང་བར་སྔར་བས་ཁྲིད་སྟོན་དང་སྐུལ་འདེད་གཏོང་བ་དང་། ཚང་འཛོམས་གྲོས་ཚོགས་ཀྱི་འཐབ་ཇུས་བཀོད་སྒྲིག་དོན་འཁྱོལ་ལ་དམིགས་པ། མི་དམངས་འཐུས་ཚོགས་ཀྱི་འགན་ནུས་འདོན་སྤེལ་བཅས་བྱས་ཏེ“ལོ་ལྔ་ཚན་བཅོ་ལྔ་པའི”འཕེལ་རྒྱས་ཀྱི་དམིགས་ཚད་དང་ལས་འགན་མངོན་འགྱུར་བྱ་ཆེད་འཐུས་མིའི་སྟོབས་ཤུགས་སྐྱེས་སུ་འབུལ་རྒྱུ་ཡིན་པ་རེད། སྣེ་ཁྲིད་ནས་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་དྲིལ་བསྒྲགས་ལག་བསྟར་བྱེད་པ་དང་། མི་དམངས་འཐུས་མི་ཚོགས་ཆེན་གྱི་ལམ་ལུགས་མཐའ་འཁྱོངས་དང་། འཐུས་ཚང་། འཁོར་རྒྱུག་བཅས་ཡག་པོ་བྱེད་པ། སང་ལོའི་རྒྱལ་ཡོངས་མི་དམངས་འཐུས་མི་ཚོགས་ཆེན་ནང་ཞུགས་པའི་འབྲེལ་ཡོད་གྲ་སྒྲིག་ལས་དོན་ཏན་ཏིག་ངང་ལེགས་པར་བསྒྲུབ་པ། བསམ་བློ་དང་སྤྱོད་ཚུལ་འཛུགས་སྐྱོང་ལ་རང་རྟོགས་ངང་ཤུགས་སྣོན་རྒྱག་པ། རང་འཁྲིའི་ལས་གནས་ཐོག་བྱས་རྗེས་བཞག་ནས་དུས་རབས་གསར་པའི་མི་དམངས་འཐུས་མི་ཚོགས་ཆེན་གྱི་འཐུས་མིའི་ཉམས་འགྱུར་གང་ལེགས་མངོན་པ་བཅས་བྱ་རྒྱུ་རེད།