དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་སྤྱི།
  • ཀྲུང་གོས་རང་ཉིད་ཀྱི་འཕེལ་རྒྱས་ལ་བརྟེན་ནས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་མཉམ་ལས་ལ་སྒུལ་ཤུགས་བསྣན་པ།

    ཁྲེན་པོ།

  • ཡོང་ཁུངས།  མི་དམས་ཉིན་རེའི་ཚགས་པར།   |     སྤེལ་དུས།  2025-11-29

    ཁྲེན་པོ།

    ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་མཉམ་ལས་ལ་ཤུགས་སྣོན་རྒྱག་པ་ནི་དཔལ་འབྱོར་གྱི་གྲོས་རིམ་ཞིག་རེད་ལ། ལམ་ལུགས་རང་བཞིན་གྱི་ཨ་ལན་སློག་པ་དང་འཐབ་ཇུས་རང་བཞིན་གྱི་གདམ་ག་བྱེད་པ་ཞིག་ཀྱང་རེད། ཀྲུང་གོས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་དཔལ་འབྱོར་འཕར་བ་དང་དར་རྒྱས་ལ་ཐུན་མོང་ཐོག་སྐུལ་འདེད་གཏོང་བའི་གྲོས་འགོ་བཏོན་པ་ནི་འབོད་ཚིག་ཙམ་མིན་པར། འགྱུར་ལྡོག་ལྷག་པར་ཆེ་བའི་རྒྱལ་སྤྱིའི་ཁོར་ཡུག་ཁྲོད་བཏོན་པའི་ས་ཁུལ་འཕེལ་རྒྱས་ཀྱི་ཇུས་གཞི་གལ་ཆེན་ཞིག་རེད།

    གོ་ལ་ཧྲིལ་པོའི་དུས་བབ་ལ་འགྱུར་ལྡོག་མགྱོགས་པོ་འགྲོ་བ་དང་ས་འབྲེལ་ཆབ་སྲིད་རྙོག་འཛིང་ཆེ་བའི་མིག་སྔར། ཀྲུང་གོ་ཕྱོགས་ཀྱིས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་དཔལ་འབྱོར་མཉམ་ལས་རྩ་འཛུགས་ཀྱི་འགོ་ཁྲིད་པའི་དངོས་གཞི་མིན་པའི་ཚོགས་འདུ་ཐེངས་སོ་གཉིས་པའི་ཐོག་ཀུན་ཕན་བསྟུན་མཁས་ཀྱི་སྒོ་དབྱེ་རྣམ་པའི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་དཔལ་འབྱོར་མཉམ་སྐྲུན་གྱི་སྲོལ་གཏོད་པར་བརྟེན་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་ཕྱོགས་ཁག་གི་དོ་ཁུར་དང་རྒྱབ་སྐྱོར་རྒྱ་ཁྱབ་ངང་ཐོབ་ཡོད།

    དུས་ཡུན་རིང་པོའི་ནང་། ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་དཔལ་འབྱོར་མཉམ་ལས་རྩ་འཛུགས་ཀྱིས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་ལ་སྣེ་ཁྲིད་དེ་འཕེལ་རྒྱས་ཆེན་པོ་དང་། དར་རྒྱས་ཆེན་པོ། མཉམ་འདྲེས་ཆེན་པོ་བཅས་མངོན་འགྱུར་ཡོང་བར་ནུས་པ་གལ་ཆེན་བཏོན་ཡོད། ས་ཁོངས་ཚོང་དོན་དང་མ་འཇོག་རང་མོས་ཅན་དང་སྟབས་བདེ་ཅན་གྱི་གྲོས་རིམ་ལ་སྐུལ་འདེད་གཏོང་བ་ནས་མཁོ་སྤྲོད་འཁོར་འབྲེལ་དང་། རིན་ཐང་འཁོར་འབྲེལ། རྨང་གཞིའི་སྒྲིག་བཀོད་བཅས་ཕན་ཚུན་འབྲེལ་མཐུད་ལ་སྐུལ་འདེད་གཏོང་བའི་བར་དང་། དེ་ནས་ད་ལྟའི་གྲངས་འཛིན་ཅན་དང་ལྗང་མདོག་འཕེལ་རྒྱས་དར་སྤེལ་གཏོང་བའི་བར་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་དཔལ་འབྱོར་མཉམ་ལས་རྩ་འཛུགས་ཀྱིས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་སྒོ་དབྱེ་མཉམ་ལས་ཁྲོད་སྦྲེལ་ཟམ་དང་ལས་སྟེགས་ཀྱི་ནུས་པ་ཐོན་ཡོད།

    མིག་སྔར། ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་མཉམ་ལས་ལ་ཤུགས་སྣོན་རྒྱག་པར་དོན་སྙིང་གལ་ཆེན་གསུམ་ལྡན་པ་སྟེ། གཅིག ས་ཁོངས་ཀྱི་དཔལ་འབྱོར་འཕར་བའི་མཉམ་ཤུགས་གཅིག་སྒྲིལ་བྱས་ནས་ནང་མཁོའི་མི་མངོན་པའི་སྟོབས་ཤུགས་དང་ཐོན་ལས་འཁོར་འབྲེལ་དང་མཁོ་སྤྲོད་འཁོར་འབྲེལ་གྱི་མཐུན་སྦྱོར་ཕན་འབྲས་ལ་ཕན་ཐོགས་ཡོད། ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་དཔལ་འབྱོར་དངོས་ཚན་གྱི་ཚོང་དོན་དང་། མ་འཇོག ལག་རྩལ་བཅས་ཀྱི་འབྲེལ་བ་ཉིན་བཞིན་ཟབ་ཏུ་འགྲོ་བཞིན་ཡོད་པས་ཐོན་ཁུངས་བསྡུ་སྒྲིལ་དང་ལས་བགོས་ལེགས་སུ་བཏང་ཚེ། ས་ཁོངས་ཧྲིལ་པོའི་འགྲན་རྩོད་ནུས་པ་མངོན་གསལ་དོད་པོས་ཆེ་རུ་འགྲོ་ཐུབ། གཉིས། ས་ཁོངས་མཉམ་ལས་དེ་ལམ་ལུགས་སྒྲིག་སྲོལ་སྦྲེལ་མཐུད་དང་ལམ་སྲོལ་འཛུགས་སྐྱོང་བྱས་ནས་འཐུས་སྒོ་ཚང་དུ་བཏང་ཚེ། ས་ཁུལ་གྱི་ཁོངས་མིར་ཡུན་རིང་བརྟན་ལྷིང་གི་ལམ་ལུགས་ཀྱི་སྔོན་དཔག་མཁོ་འདོན་ལ་རམ་འདེགས་བྱེད་ཐུབ། གསུམ། ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་ཕྱོགས་ཁག་གིས་ཕྱོགས་མང་སྟེགས་བུ་བརྒྱུད་མཉམ་ལས་ལ་ཤུགས་སྣོན་བརྒྱབ་ཚེ། མི་མཐུན་པའི་ཆ་ཐག་གཅོད་འོས་འཚམ་དང་ཡིད་ཆེས་ཆེ་རུ་ཕྱིན་ནས་ས་ཁོངས་མཉམ་ལས་ཀྱི་མཉེན་ཤུགས་དང་རྒྱུན་མཐུད་ཆོག་པའི་རང་བཞིན་ཆེ་རུ་གཏོང་བར་ཕན་ཐོགས་ཡོད།

    ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་མཉམ་ལས་ལ་ཤུགས་སྣོན་རྒྱག་པ་ནི་དཔལ་འབྱོར་གྱི་གྲོས་རིམ་ཞིག་རེད་ལ། ལམ་ལུགས་རང་བཞིན་གྱི་ཨ་ལན་སློག་པ་དང་འཐབ་ཇུས་རང་བཞིན་གྱི་གདམ་ག་བྱེད་པ་ཞིག་ཀྱང་རེད། ཀྲུང་གོས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་དཔལ་འབྱོར་འཕར་བ་དང་དར་རྒྱས་ལ་ཐུན་མོང་ཐོག་སྐུལ་འདེད་གཏོང་བའི་གྲོས་འགོ་བཏོན་པ་ནི་འབོད་ཚིག་ཙམ་མིན་པར། འགྱུར་ལྡོག་ལྷག་པར་ཆེ་བའི་རྒྱལ་སྤྱིའི་ཁོར་ཡུག་ཁྲོད་བཏོན་པའི་ས་ཁུལ་འཕེལ་རྒྱས་ཀྱི་ཇུས་གཞི་གལ་ཆེན་ཞིག་རེད།

    སྒོ་དབྱེ་དང་མཉམ་འདྲེས་ནི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་མཉམ་ལས་ཀྱི་བརྗོད་དོན་གཙོ་བོ་ཡིན། སྒོ་དབྱེ་མཉམ་ལས་དང་མཉམ་འདྲེས་འཕེལ་རྒྱས་ནི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་ཕྱོགས་ཁག་གིས་མཉམ་དུ་འགྲན་སློང་བསུ་བ་དང་འབྱུང་འགྱུར་གཏོད་པའི་ལམ་བུ་འབའ་ཞིག་དེ་ཡིན་པ་དོན་དངོས་ལས་ར་སྤྲོད་ཐུབ་ཡོད། ཀྲུའུ་ཞི་ཞི་ཅིན་ཕིང་གིས་གསུངས་པར་ལྟར“ང་ཚོས་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་དཔལ་འབྱོར་མཉམ་ལས་རྩ་འཛུགས་ཀྱིས་དཔལ་འབྱོར་འཕར་བར་སྐུལ་འདེད་གཏོང་བ་དང་མི་དམངས་ཀྱི་བདེ་རྩ་ཆེ་རུ་གཏོང་བའི་ཐོག་མའི་བསམ་འདུན་བརྟན་པོ་སྲུང་བ་དང་། སྒོ་དབྱེ་འཕེལ་རྒྱས་ཁྲོད་གོ་སྐབས་མཉམ་སྤྱོད་དང་ཐུན་མོང་གི་ཁེ་ཕན་མངོན་འགྱུར་མཐའ་འཁྱོངས། ཀུན་ཕན་བསྟུན་མཁས་ཀྱི་དཔལ་འབྱོར་གོ་ལ་ཧྲིལ་པོ་ཅན་ལ་སྐུལ་འདེད་གཏོང་བ་བཅས་བྱས་ཏེ་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོའི་ཁུལ་གྱི་གཅིག་མཐུན་ཚོགས་པ་འཛུགས་དགོས”

    (རྩོམ་པ་པོ་ནི་སིང་ཀ་ཕོར་རྒྱལ་བཙུཌ་སློབ་ཆེན་ཨེ་ཤེ་ཡ་ཤར་མའི་ཞིབ་འཇུག་ཁང་གི་མཐོ་རིམ་ཞིབ་འཇུག་པ་ཡིན)

    འགན་འཁུར་རྩོམ་སྒྲིག་པ། ཚེ་བརྟན་རྡོ་རྗེ།

འབྲེལ་ཡོད་གསར་འགྱུར།