ཟླ་11ཚེས་27ཉིན། “གྲངས་འཛིན་ཅན་གྱིས་སྒུལ་ཤུགས་བསྣན། ནུས་ཤུགས་གསར་མས་སྣེ་ཁྲིད་བྱེད”ཅེས་པ་བརྗོད་དོན་གཙོ་བོར་བྱས་པའི་2025ལོའི་འཛམ་གླིང་རིག་ནུས་བཟོ་སྐྲུན་ཚོགས་ཆེན་ནན་ཅིང་རྒྱལ་སྤྱིའི་དངོས་མང་སྟོན་ཚོགས་ལྟེ་གནས་སུ་འགོ་ཚུགས་ཤིང་། ཚོགས་ཆེན་རིང་དྲ་ཕྱིར་འགྲེམས་སྟོན་བྱས་ཏེ་འཕྲུལ་མིའི་འགྲེམས་ཁང་དང་། རིག་ནུས་བཟོ་གྲྭའི་འགྲེམས་ཁང་། བཟོ་ལས་མཉེན་ཆས་དང་མ་ལག་ཐག་གཅོད་ཇུས་གཞིའི་འགྲེམས་ཁང་། དེ་བཞིན་རིག་ནུས་སྒྲིག་ཆས་འགྲེམས་ཁང་བཅས་འགྲེམས་ཁང་ཆེན་པོ་བཞི་བཙུགས་པར་འཇར་མན་དང་། ཨ་རི། ཏེན་མག སུའེ་ཏེན་སོགས་རྒྱལ་ཁབ་དང་ས་ཁུལ་18ནས་ཡོང་བའི་ཁེ་ལས་452འགྲེམས་ཚོགས་ལ་ཞུགས་ནས་ཚད་བརྒལ་རང་བཞིན་དང་སྔོན་ཐོན་རང་བཞིན་གྱི་ལག་རྩལ་གྲུབ་འབྲས་དང་རྩེར་སོན་ཐོན་རྫས་འགྲེམས་སྟོན་བྱས་པ་རེད།

འདི་ནི་ནན་ཅིང་རྒྱལ་སྤྱིའི་དངོས་མང་སྟོན་ཚོགས་ལྟེ་གནས་སུ་ལྟད་མོ་བ་ཚོས་ཡུས་ཧྲུའུ་ཚན་རྩལ་འཕྲུལ་མིའི་འབོག་སན་འགྲན་བསྡུར་ལ་ལྟ་བཞིན་པ།